امن اور انصاف ایک ساتھ جڑے ہیں، جنگ پاگلوں کا کام ہے;محمود خان اچکزئی
اشاعت کی تاریخ: 2nd, December 2025 GMT
ویب ڈیسک : تحریکِ تحفظ آئین پاکستان اور پشتونخواء ملی عوامی پارٹی کے سربراہ محمود خان اچکزئی نےکہا ہے کہ امن اور انصاف ایک ساتھ جڑے ہیں، جنگ پاگلوں کا کام ہے۔
ایوب سٹیڈیم کوئٹہ میں ایک بڑے جلسے سے خطاب کرتے ہوئے محمود خان اچکزئی کا کہنا تھا کہ یہاں کسی کو ایک روپے بھی نہیں دیئے گئے،بلوچستان بھر سے لوگوں نے جلسہ میں شرکت ہے،یہ اتفاق کی سب سے بڑی مثال ہے،اریخ میں لکھا جائے گا کہ عوام نے ایوب سٹیڈیم میں شرکت کی۔ اپنے خطاب میں محمود خان اچکزئی نے کہا کہ یہ وطن وسائل سے مالا مال ہے،قرآن پاک میں لکھا ہے کہ اللہ پاک کی کون کون سے نعمتوں کو جھٹلاؤ گے،اس بات پر دھوکہ نہیں دیا جاسکتا کہ پاکستان اسلام کے نام پر بنا ہے،پاکستان ایک سوشل کنٹریکٹ کے تحت چلے گا۔
صدر مملکت ، وزیر اعظم اور وفاقی وزیر داخلہ کا 7 خوارج ہلاک کرنے پر سیکورٹی فورسز کو خراج تحسین
ان کا کہنا تھا کہ موجود حکومت نے آئین کی بیخ نکال دی ہے،موجود حکومت عوام کی نمائندہ حکومت نہیں،ہم کسی کو گالی نہیں دیں گے،جنکی اپنی ماں بہنیں ہوں وہ کسی کو گالی نہیں دیتے،خواتین کے بے حرمتی کروگے تو ہم خاموش نہیں بیٹھیں گے،ان عدالتوں کو ماننا اور انہیں پھترنا مارنا بھی ہماری کمزوری ہے،امن اور انصاف ایک ساتھ جڑے ہیں،کوئٹہ:جنگ پاگلوں کا کام ہے،ہم جنگ کے حامی نہیں ہیں،اسلام بھی جنگ کو پسند نہیں کرتا،ہم کسی سے خیرات نہیں مانگ رہے،پاکستان آسمان سے نہیں گرا،یہ پانچ قوموں کا مسکن ہے،قبائلی مسائل کو بات چیت سے حل کیا جاسکتا ہے ،ہم نے فیصلہ کیا ہے کہ پشتون علاقوں پر حق حکمرانی یہاں کے عوام کو حاصل ہوگی۔
شمالی وزیرستان میں سیکیورٹی فورسز کی دو کاروائیاں، 7 خوارج ہلاک
انہوں نے کہا کہ سندھ میں گوداموں سے مہاجرین کا سامان زبردستی تھانے میں منتقل کیا جاتاہے،پاکستان کو اگر بنانا ہے تو یہ طریقہ نہیں ہے،ہر جگہ قتل عام کا بازار گرم کر رکھا ہے،پاکستان میں ایک ووٹ 90 کروڑمیں فروخت ہورہا ہے،ان پیسوں سے کتنے ہسپتال اور کتنی غریبوں کو کھانا کھیلا جاسکتا ہے اگر پاکستان کو چلانا ہے تو یہاں کی قوموں سے بات کی جائے۔
سربراہ پی میپ کا کہنا تھا کہ افغان مہاجرین کی تذلیل کی جارہی ہے ،افغان وہ لوگ ہیں جنہوں نے پاکستان کی جنگ لڑی ہے اور روس کا مقابلہ کیا،،ملک کے دیگر شہروں میں پشتونوں کی تذلیل کی جاتی ہے۔ وزیر اعلٰی کے پی کے 4 کروڑ عوام کا نمائندہ ہے،انہیں عمران خان سے نہیں ملنے دیا جارہا،آئیں پاکستان کو سنجیدگی سے چلائیں، پشتونخواء ملی عوامی پارٹی پشتونخونوں کی چوکیدار پارٹی ہے،وردی خوف کی علامت بن چکی ہے،وردی پہن کر اگر سیٹوں کی خرید وفروخت کی جائے تو اس کی عزت نہیں رہتی۔
سول جج سید جہانزیب بخاری نےاستعفی دے دیا
بلوچستان کے موجودہ سپیکر کو حوالدار اسپیکر ہے،سپیکر بلوچستان اسمبلی نے گورنر بلوچستان کو کہا ہے کہ اس مرتبہ ہماری باری ہے ،اچکزئی صاحب سے کہو کہ کس سیٹ پر کھڑا ہونا ہے؟
.
ذریعہ
ذریعہ: City 42
کلیدی لفظ: محمود خان اچکزئی ہے پاکستان
پڑھیں:
بھارت امن دشمن ہے، جموں و کشمیر نہ اُس کا اٹوٹ انگ ہے اور نہ ہی داخلی معاملہ، پاکستان
اقوام متحدہ کی سلامتی کونسل میں پاکستان کی جانب سے بھارت کو مؤثر جواب دیتے ہوئے کہا گیا ہے کہ بھارت خود امن دشمن ہے، جموں و کشمیر نہ اُس کا اٹوٹ انگ ہے اور نہ ہی داخلی معاملہ۔
قرارداد 2788 کے تناظر میں تنازعات کے پرامن حل پر مباحثے کے دوران پاکستان مشن کی قونصلر صائمہ سلیم نے حق جواب میں کہا کہ ایک وفد نے تنازعات کے پُرامن حل پر ہونے والی بحث کو حقائق مسخ کرنے، انکار اور بے بنیاد الزامات کے ذریعے متاثر کرنے کی کوشش کی۔
انہوں نے کہا کہ بھارت کا امن کا درس دینا مضحکہ خیز ہے، جو خود بین الاقوامی قانون اور سلامتی کونسل کی قراردادوں کی خلاف ورزی، ہمسایوں کے خلاف جارحیت اور خطے میں ریاستی سرپرستی میں دہشت گردی کا مرتکب ہے۔
پاکستانی مندوب برائے اقوام متحدہ کا کہنا تھا کہ جموں و کشمیر نہ بھارت کا نام نہاد اٹوٹ انگ ہے اور نہ داخلی معاملہ؛ بھارت کا انکار اس تنازع کی بین الاقوامی حیثیت کو تبدیل نہیں کر سکتا۔ بھارت خود جموں و کشمیر کا مسئلہ سلامتی کونسل میں لے کر آیا تھا، مگر آج اسی کونسل کی قراردادوں سے انحراف کر رہا ہے۔ قراردادوں کی کوئی میعاد ختم نہیں ہوتی۔
قونصلر صائمہ سلیم نے کہا کہ آزاد جموں و کشمیر اور بھارت کے غیر قانونی زیر قبضہ جموں و کشمیر کے حالات میں واضح فرق ہے۔ ایک طرف سیاسی آزادی ہے، دوسری طرف جبر، گرفتاریوں اور انسانی حقوق کی پامالیوں کا سلسلہ جاری ہے۔
انہوں نے کہا کہ حقوق کا استعمال اور حقوق سے محرومی ایک جیسی چیزیں نہیں ہو سکتیں۔ کشمیری عوام کے ناقابل تنسیخ حقِ خودارادیت سے انکار نہیں کیا جا سکتا۔ سندھ طاس معاہدے کو یکطرفہ طور پر معطل کرنے کا بھارتی فیصلہ بین الاقوامی قانون اور اقوام متحدہ کے منشور سے بے اعتنائی کا مظہر ہے۔
پاکستانی مندوب نے حق جواب میں کہا کہ دریائے سندھ کا پانی پاکستان کے 24 کروڑ عوام کی زندگی کا ذریعہ ہے، جنگ کا ہتھیار نہیں۔ ایسے غیر ذمہ دارانہ اقدامات علاقائی امن کو خطرے میں ڈال سکتے ہیں۔ پاکستان دہشت گردی کا سب سے بڑا متاثرہ ملک ہے؛ ہزاروں بے گناہ شہریوں کی قربانیاں اس بات کا ثبوت ہیں کہ دہشت گردی کے خلاف پاکستان کی جدوجہد حقیقی ہے۔
قونصلر صائمہ سلیم کا کہنا تھا کہ بھارت سے منسلک دہشت گردی کے نیٹ ورک علاقائی حدود سے نکل کر عالمی سطح تک پہنچ چکے ہیں۔ کلبھوشن یادیو کیس اس کا ایک واضح ثبوت ہے۔ بھارت میں ہندوتوا پر مبنی انتہا پسند نظریات نے اسلاموفوبیا کو ریاستی پالیسی کا رنگ دے دیا ہے، جبکہ اقلیتیں امتیازی سلوک اور جبر کا سامنا کر رہی ہیں۔
انہوں نے کہا کہ پاکستان نے اشتعال انگیزی اور جارحیت کے باوجود تحمل کا مظاہرہ کیا، مذاکرات کا راستہ کھلا رکھا اور تنازعات کے پُرامن حل کو ترجیح دی۔ جنوبی ایشیا میں امن کا راستہ انکار یا ہٹ دھرمی نہیں بلکہ اقوام متحدہ کے منشور، بین الاقوامی قانون اور سلامتی کونسل کی قراردادوں کی پاسداری سے ہو کر گزرتا ہے۔
پاکستانی مندوب نے کہا کہ بھارت کو چاہیے کہ قرارداد 2788 پر اس کی روح اور متن کے مطابق عمل کرے، اپنے معاہداتی وعدے پورے کرے اور جموں و کشمیر تنازع کے پُرامن حل کے لیے سنجیدہ کردار ادا کرے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی