پوپ لیو چہاردہم کی یورپ اور امریکا میں بڑھتی ہوئی اسلامو فوبیا پر سخت تنقید
اشاعت کی تاریخ: 2nd, December 2025 GMT
پوپ لیو چہاردہم نے یورپ اور امریکا میں بڑھتے ہوئے اسلام مخالف جذبات، نسل پرستی اور مہاجرین کے خلاف سیاسی مہمات پر شدید تنقید کا اظہار کیا ہے۔
عالمی خبر رساں ادارے کے مطابق پوپ لیو چہاردم نے یہ گفتگو ترکیہ اور لبنان کے دورے سے روم واپسی کے لیے پرواز میں صحافیوں سے کی۔
خیال رہے کہ یہ پوپ لیو چہاردہم کا رواں برس مئی میں پاپائیت سنبھالنے کے بعد پہلا غیر ملکی دورہ تھا۔
انھوں نے مزید کہا کہ اسلامو فوبیا دراصل ڈر اور خوف کی سیاست کا نتیجہ ہے اور اسے وہ لوگ ہوا دیتے ہیں جو مہاجرین کے داخلے کے خلاف، قوم پرستی اور نسلی امتیاز کی سیاست کو فروغ دیتے ہیں۔
70 سالہ پوپ لیو چہاردہم نے کہا اسلام سے ڈر یا خوف ان لوگوں کی جانب سے پیدا کیا جاتا ہے جو چاہتے ہیں کہ دوسرے مذہب، دوسری نسل یا دوسرے ملک سے آنے والوں کو باہر رکھا جائے۔
انھوں نے مزید کہا کہ ایسا کرنا غیر انسانی، غیر اخلاقی اور مسیحی تعلیمات کے خلاف ہے۔
پوپ لیو چہاردہم نے امریکی صدر ڈونلڈ ٹرمپ کی تارکین وطن سے متعلق سخت گیر پالیسیوں کو بھی غیر انسانی سلوک قرار دیا تھا۔
انھوں نے اس بات پر بھی زور دیا کہ کلیسا کو قوموں کے درمیان سرحدیں کھولنی چاہئیں، اور طبقاتی و نسلی دیواروں کو توڑنا چاہیے۔
.
ذریعہ: Express News
پڑھیں:
عمران خان ذہنی مریض، پاکستان نہیں تو کچھ نہیں، عطا تارڑ کی تنقید
data-id="863a0a8" data-element_type="widget" data-widget_type="theme-post-content.default">
لاہور:وزیر اطلاعات عطا اللہ تارڑ نے بانی پی ٹی آئی عمران خان اور ان کی جماعت پر شدید تنقید کرتے ہوئے کہا ہے کہ عمران خان ایک ذہنی مریض ہیں، جبکہ پی ٹی آئی کی یہ سوچ کہ خان نہیں تو کچھ نہیں قابلِ نفرت ہے، کیونکہ اصل حقیقت یہ ہے کہ پاکستان نہیں تو کچھ نہیں ۔
لاہور میں ن لیگی کارکنوں سے خطاب کرتے ہوئے عطا تارڑ نے کہا کہ خیبر پختونخوا میں تحریک انصاف ساڑھے 12 سال سے حکومت میں ہے مگر نہ صوبے میں ترقیاتی کام ہوئے اور نہ ہی ایک بڑا اسپتال بنایا گیا، پی ٹی آئی نے خیبر پختونخوا کو کھنڈر بنا دیا ہے جبکہ مسلم لیگ (ن) نے پنجاب میں فرانزک لیب سمیت کئی بڑے منصوبے مکمل کیے۔
انہوں نے عمران خان پر سخت تنقید کرتے ہوئے کہا کہ جیل میں قید شخص نے 190 ملین پاؤنڈ کی میگا کرپشن کی ہے، یہ شخص اسپتالوں اور فلاحی منصوبوں کے پیسے تک کھا گیا، پشاور میں بزدار پلس پلس کی حکومت کا جلسہ عوام نے مسترد کر دیا ہے، معرکہ حق میں پاک فوج نے بھارت کو عبرتناک شکست دی، بھارتی فوج آج بھی پاک فوج سے خوفزدہ ہے جب کہ چیف آف ڈیفنس فورسز فیلڈ مارشل سید عاصم منیر کا دشمن پر خوف طاری ہے۔
وزیر اطلاعات نے کہا کہ پی ٹی آئی نے اپنے دور میں بھارت کے خلاف آواز اٹھانے کی ہمت بھی نہ کی، کشمیر کا مقدمہ بھی نہ لڑا، لیکن آج فوج پر الزامات لگاتی ہے، تحریک انصاف کی بہنیں بھارتی میڈیا پر جا کر فوج پر حملہ کرتی ہیں اور پی ٹی آئی کا بیانیہ بیرونی میڈیا میں پاکستان کے خلاف استعمال ہو رہا ہے۔
عطا تارڑ نے 9 مئی واقعات کا حوالہ دیتے ہوئے کہا کہ کور کمانڈر ہاؤس پر حملے کی ویڈیوز میں پی ٹی آئی قیادت کی خواتین بھی موجود تھیں، انہوں نے وہ کام کیا جو دشمن بھی نہ کرسکا، انہوں نے PTI کے سوشل میڈیا اکاؤنٹس پر الزام لگایا کہ یہ ریاستی اداروں کے خلاف گمراہ کن پروپیگنڈا کر رہے ہیں اور ملکی اداروں کو کمزور کرنے کی کوشش کر رہے ہیں۔
آئی ایم ایف رپورٹ پارلیمنٹ و حکومت کیخلاف چارج شیٹ ہے، نوید قمر