سندھی ثقافت کا دن: صدر آصف زرداری کا رواداری اور قومی ہم آہنگی پر زور
اشاعت کی تاریخ: 7th, December 2025 GMT
صدرِ پاکستان آصف علی زرداری کا کہنا ہے کہ 1936 میں بمبئی پریزیڈنسی سے علیحدگی کے بعد سندھ کو یہ منفرد اعزاز حاصل ہے کہ اس نے نہ صرف اپنی آئینی حیثیت مستحکم کی بلکہ ایک الگ تہذیبی شناخت بھی قائم کی۔
سندھی ثقافت کے دن کے موقع پر اپنے خصوصی پیغام میں صدر زرداری نے کہا کہ سندھ وہ پہلا صوبہ تھا جس کی اسمبلی نے قیامِ پاکستان کی قرارداد منظور کی اور یوں تاریخ کے ایک اہم موڑ پر فیصلہ کن کردار ادا کیا۔
یہ بھی پڑھیں: امن و محبت کی دھرتی سندھ کی ثقافت کے دلکش رنگ
انہوں نے اپنے پیغام میں کہا کہ سندھ کی سرزمین ہمیشہ سے وسعتِ نظر، ہم آہنگی اور باہمی احترام کی علامت رہی ہے۔
Sindhi Culture Day is celebrated every year on the first Sunday of December, when people wear the Sindhi Topi and Ajrak.
This day is an opportunity to highlight the culture of Sindh across the world and to convey a message of love and peace.
In 2009, an incident created… pic.twitter.com/G7CaaJJw3n
— Nadeem Ahmed Bhutto (@Bhuttoiest) December 7, 2025
صدر کے مطابق صوبے میں بڑی تعداد میں اردو بولنے والے شہریوں کی موجودگی اسے ثقافتی تکثیریت اور قومی یکجہتی کی روشن مثال بناتی ہے۔
آصف زرداری نے مزید کہا کہ سندھی زبان پاکستان کی ترقی یافتہ اور مضبوط ادبی روایت رکھنے والی زبانوں میں سے ایک ہے، جہاں درجنوں روزنامے، ٹی وی چینلز اور ریڈیواسٹیشن اس زبان کی روایت کو زندہ رکھے ہوئے ہیں۔
مزید پڑھیں: عبداللہ شاہ غازیؒ کے عرس پر کراچی میں تعطیل کا اعلان
انہوں نے کہا کہ سندھی کلچرڈے ہمیں رواداری، تکثیریت اور پرامن بقائے باہمی جیسی اقدار کے فروغ کی یاددہانی کراتا ہے۔
صدرِ مملکت نے زور دیا کہ سندھ کی تہذیب برداشت، امن اور قومی وحدت کی علامت ہے اور اس ثقافتی ورثے کو نئی نسل تک منتقل کرنا ہم سب کی مشترکہ ذمہ داری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ادبی روایت آصف زرداری بمبئی پریزیڈنسی ثقافت ثقافتی تکثیریت ریڈیواسٹیشن سندھ سندھی صدر مملکت قرارداد کلچرڈے
ذریعہ
ذریعہ: WE News
کلیدی لفظ: ادبی روایت بمبئی پریزیڈنسی ثقافت سندھی صدر مملکت کلچرڈے کہا کہ سندھ
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار