حیدرآبادمیں سندھی ثقافت کا دن جوش وجذبے سے منایا گیا
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)سندھ کے دیگر شہروں کی طرف حیدرآبا دمیں بھی سندھ کی ثقافت اجرک اور ٹوپی کا دن جوش وخروش سے منایا گیا۔ شہر کی مختلف سیاسی و سماجی تنظیموں ، ٹریڈ یونینز، قوم پرست جماعتوں سمیت دیگر طبقات سے تعلق رکھنے والے ہزاروں افراد نے شہر کے مختلف مقامات سے ریلیاں نکالیں ، ریلی کے شرکاء جن میں مرد، خواتین اور بچے شامل تھے سندھی ٹوپی اور آجرک کے ڈیزائن کے لباس زیب تن کئے ہوئے تھے جبکہ گاڑیوں کو بھی اجرک کے ڈیزائن سے سجایا گیا۔ حیدرآباد، لطیف آباد ، قاسم آباد اور تعلقہ دیہی کے علاقوں سے نکالی جانے والی ریلیاں شہر بھر میں گشت کرتی رہیں جبکہ شہر کے مختلف مقامات پر استقبالیہ کیمپ بھی لگائے گئے تھے جن پر سندھی نغمے اور گیتوں پر نوجوان رقص کرتے رہے ۔ اس کے علاوہ پرائیویٹ تعلیمی ادارے اور دیگر مراکز پر بھی یوم ثقافت کے حوالے سے تقریبات کا انعقاد کیا گیا جن میں بڑی تعداد میں شہریوں نے شرکت کی ۔ شہر کا سب سے بڑا اجتماع حیدرآباد پریس کلب پر ہوا جہاں پر سارا دن نوجوان سندھ دھرتی سے وفاداری کے نعرے لگاتے رہے اور مختلف گانوں پر رقص کرتے رہے ۔
ذریعہ
ذریعہ: Jasarat News
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا