وزیراعظم سینٹرلائزیشن، اور ہم ڈی سینٹرلائزیشن پر یقین رکھتے ہیں، بلاول بھٹو
اشاعت کی تاریخ: 9th, December 2025 GMT
پاکستان پیپلز پارٹی کے چیئرمین بلاول بھٹو زرداری نے کہا ہے کہ وزیراعظم پاکستان سینٹرلائزیشن پر یقین رکھتے ہیں، لیکن پاکستان پیپلز پارٹی ڈی سینٹرلائزیشن پر یقین رکھتی ہے، حکومتوں کا فوکس معیشت کو ڈنڈے کے زور پر چلانا ہوتا ہے لیکن معیشت کو ڈنڈے کے زور پر نہیں چلایا جاسکتا۔
لاہور میں گفتگو کرتے ہوئے ان کا کہنا تھا کہ پاکستان میں بزنس کے حوالے سے تاریخ کو غلط پیش کیا جاتا ہے، لیکن ہم تاریخ کو چھوڑکر مستقبل کی طرف آتے ہیں، ہم ایف پی سی سی آئی کے ایڈوائزری گروپ کیساتھ مل کر کام کرینگے۔
بلاول بھٹو زرداری نے کہا کہ ہمیں فخر ہے کہ ہم تین نسلوں سے پاک چین تعلقات کو لے کر چل رہے ہیں، چین نے پاکستان کے لیے بہت سی کاروباری رعایتیں دی ہیں، بطور وزیر خارجہ میں نے دیکھا کہ ہم اس سے فائدہ نہیں اٹھا پارہے، ہمیں ضلعی سطح کی اکانومی کیلئے کام کرنا ہوگا۔
انہوں نے کہا کہ ٹیرف وار،کی وجہ سے پاکستان کیلئے عالمی سطح پر اکنامک گنجائش نکلی ہے۔جی ایس پی پلس کی وجہ سے بطور وزیر خارجہ یورپ کا شکریہ ادا کرتا تھا، لیکن اس سے یورپ کی ایکسپورٹ میں بھی 60 فیصد اضافہ ہوا، صدر پاکستان،گورنر پنجاب، گورنر کے پی کے ،سندھ حکومت کیساتھ ساتھ وزیراعظم بھی بزنس کمیونٹی کے مسائل حل کرنے کیلئے کوشاں ہیں۔
ان کا کہنا تھا کہ وزیراعظم پاکستان سینٹرلائزیشن پر یقین رکھتے ہیں، لیکن پاکستان پیپلز پارٹی ڈی سینٹرلائزیشن پر یقین رکھتی ہے، اس لیے ہم ایف پی سی سی آئی کی ضلعی سطح پر معاشی پروگرام کی حمایت کرتے ہیں، حکومتوں کا فوکس معیشت کو ڈنڈے کے زور پر چلانا ہوتا ہے لیکن معیشت کو ڈنڈے کے زور پر نہیں چلایا جاسکتا، 18ویں ترمیم سے پہلے وفاق سیلز ٹیکس لیتا تھا۔
.
ذریعہ: Express News
کلیدی لفظ: معیشت کو ڈنڈے کے زور پر سینٹرلائزیشن پر یقین
پڑھیں:
بلاول بھٹو سے پنجاب کے اراکین قومی و صوبائی اسمبلی کی ملاقات؛عوامی مسائل اور مشکلات سے آگاہ کیا
سٹی 42: پاکستان پیپلزپارٹی کے چیئرمین بلاول بھٹو زرداری سے پنجاب سے تعلق رکھنے والے اراکین قومی و صوبائی اسمبلی سے ملاقات ہوئی ۔
گورنر ہاوس میں ارکان اسمبلی سے ہونے والی ملاقات میں سید علی قاسم گیلانی، مخدوم طاہر رشیدالدین اور سید علی حیدر گیلانی، واصف مظہر ران، اقبال سراج، میاں کامران عبداللہ مرال، سید عامر علی شاہ، سردار غضنفر علی خان لنگاہ، قاضی احمد سعید، حبیب خان گوپانگ، ممتاز علی چانگ، علمدار قریشی، رئیس نبیل احمد، انعام باری، شازیہ عابد، روبینہ نذیر چانڈیہ، نیلم جبار، نرگس فیض ملک اور بصروجی موجود تھے۔
ڈولفن سکواڈ کی کارروائی؛ 2مشکوک ملزمان گرفتار ، اسلحہ برآمد
ملاقات میں ارکان قومی و صوبائی اسمبلی نے اپنے انتخابی حلقوں کے عوامی مسائل اور ان کے حل میں آنے والی مشکلات سے بلاول بھٹو کو آگاہ کیا۔
پاکستان پیپلزپارٹی کے چیئرمین بلاول بھٹو زرداری سے پنجاب بھر میں 15 ہزار سے زائد ووٹ لینے والے 70 سے زائد ٹکٹ ہولڈر نے گورنر ہاؤس میں ملاقات کی۔
ملاقات میں صوبے میں ہونے والے بلدیاتی انتخابات سمیت سیاسی امور کے حوالے سے مختلف لائحہ عمل پر تبادلہ خیال کیا گیا۔پاکستان پیپلزپارٹی کے چیئرمین بلاول بھٹو زرداری سے این اے 185 کے جیالے امیدوار سردار دوست محمد کھوسہ نے ملاقات کی
پیٹرولیم مصنوعات کی قیمتوں میں اضافے کا امکان
ملاقات میں سردار دوست محمد کھوسہ نے اپنے انتخابی حلقے میں ہونے والی دھاندلی کی صورت حال سے بلاول بھٹو کو آگاہ کیا۔پاکستان پیپلزپارٹی کے چیئرمین بلاول بھٹو زرداری سے سابق رکن قومی اسمبلی طارق شبیر میو اور آزاد امیدوار ڈاکٹر عامر علی حسین نے پی پی پی میں شمولیت کے بعد ملاقات کی، دانیال طارق بھی ملاقات میں موجود تھے۔چیئرمین بلاول بھٹو زرداری نے پی پی پی میں شمولیت کرنے والوں کو خوش آمدید کہا۔
پیپلز پارٹی کے رہنما حسن مرتضیٰ کے والد انتقال کر گئے
پاکستان پیپلزپارٹی کے چیئرمین بلاول بھٹو زرداری سے پی پی پی ضلع اٹک کے صدر اشعر حیات خان نے پی پی پی ٹکٹ ہولڈر خرم حیات خان اور سردار ذوالفقار کے ہمراہ ملاقات کی۔اس موقع پر سیاسی صورت حال پر بات چیت ہوئی۔
پاکستان پیپلزپارٹی کے چیئرمین بلاول بھٹو زرداری سے پارٹی کارکنان نے ملاقات کی ۔ملاقات میں جیالوں کی تجاویز کو سنا۔چیئرمین بلاول بھٹو زرداری کے ہمراہ پی پی پی سیکریٹری جنرل ہمایوں خان، سیکریٹری اطلاعات ندیم افضل چن بھی موجود تھے،
سندھ ہائی کورٹ؛ موسم سرما کی تعطیلات کا نوٹیفکیشن جاری
چیئرمین بلاول بھٹو زرداری سے ڈاکٹر رضوان بھیو، ملک مبشر، احمد گھمن، اویس بیگ، رانا شرافت، شائستہ اسلم، فہد گجر، علی سانول، حسن صفدر،،زینب علی، عثمان اعوان، عثمان پرویز ملک، جبار ناصر، ڈاکٹر ضرار یوسف، علی سانول، زاہدہ انصاری، اظہر عباس، ڈاکٹر اجمل اور میاں نعمان نے ملاقات کی۔پاکستان پیپلزپارٹی کے چیئرمین بلاول بھٹو زرداری سے لاہور سے پی پی پی ٹکٹ ہولڈرمنظر عباس کھوکھر اور فیاض بھٹی نے گورنر ہاؤس میں ملاقات کی۔ملاقات میں لاہور کی سیاسی صورت حال پر تبادلہ خیال کیا گیا۔
وزیر اعظم کی گوادر اور گلگت بلتستان میں بجلی کے منصوبوں کی منظوری
تیل و گیس کے شعبے سے معیشت کیلئے بڑی خوشخبری آگئی