پنجاب اسمبلی: دشمن ملک کی آلہ کار پارٹی پر پابندی کی قرار داد منظور
اشاعت کی تاریخ: 9th, December 2025 GMT
—فائل فوٹو
پنجاب اسمبلی نے دشمن ملک کی آلہ کار پارٹی پر پابندی کی قرار داد منظور کر لی۔
حکمراں جماعت مسلم لیگ ن کے رکن طاہر پرویز نے پنجاب اسمبلی میں قرار داد پیش کی۔
قرارداد میں دشمن ملک کی آلہ کار پارٹی اور اُس کے رہنماؤں پر پابندی لگانے کا مطالبہ کیا گیا، جسے صوبائی اسمبلی نے منظور کر لیا۔
قرارداد میں کہا گیا کہ ملک کے خلاف بیان بازی اور انتشار پھیلانے والوں پر پابندی لگائی جائے، ملک کے خلاف بات کرنے والوں کو قانون کے مطابق سزا دی جائے۔
قرارداد میں ملکی استحکام کے لیے کام کرنے والے اداروں کو خراجِ تحسین پیش کیا گیا۔
.ذریعہ: Jang News
کلیدی لفظ: پر پابندی
پڑھیں:
پنجاب اسمبلی: فیلڈ مارشل عاصم منیر کی چیف آف ڈیفنس فورسز تعیناتی کی قرارداد منظور
فائل فوٹوپنجاب اسمبلی میں فیلڈ مارشل عاصم منیر کی بطور چیف آف ڈیفنس فورسز تعیناتی کی قرارداد منظور کرلی گئی۔
صوبائی اسمبلی میں قرارداد ملک احمد سعید خان نے پیش کی، جس میں کہا گیا کہ اس عہدے پر تعیناتی سے بین الاقوامی سطح پر بھی پاکستان کا وقار بڑھا ہے۔
قرارداد کے متن میں مزید کہا گیا کہ اس تعیناتی سے ملک کی عسکری تاریخ میں سنہری باب رقم ہوا ہے، اس عہدے سے بھارت سمیت تمام دشمنوں کے اوسان خطا ہوچکے ہیں۔
قرارداد میں یہ بھی کہا گیا کہ یہ تعیناتی ملکی سرحدوں کومزید محفوظ اور ناقابل تسخیر بنانے کے عزم کا اظہار ہے، تعیناتی دفاعی نظام کے لیے اہم سنگ میل ہے، قوم کواس قیادت پر مکمل بھروسہ ہے۔
قرارداد کے متن میں کہا گیا کہ پاک فوج کی ملک میں معاشی استحکام اور سلامتی کے لیےکاوشوں پر پورا یقین ہے، دفاعی مضبوطی اور داخلی امن ہی معاشی و معاشرتی ترقی کی بنیاد ہے۔
قرارداد کے متن میں مزید کہا گیا کہ پنجاب اسمبلی کا ایوان فیلڈ مارشل سید عاصم منیر کی قیادت پر مکمل اعتماد کرتا ہے، یہ ایوان سی ڈی ایف کی قیادت میں بھرپور کامیابیوں کے لیے دعاگو ہے۔
پنجاب اسمبلی میں ڈی جی آئی ایس پی آر کی پریس کانفرنس کی حمایت میں بھی قرارداد منظور کی گئی اور کہا گیا کہ یہ ایوان اس کی بھرپور تائید کرتا ہے۔
کراچی، مشتعل افراد نے انسداد تجاوزارت کے ٹرک کو آگ لگادی