شدید دھند، پنجاب میں موٹرویز مختلف مقامات سے بند
اشاعت کی تاریخ: 28th, December 2025 GMT
data-id="863a0a8" data-element_type="widget" data-widget_type="theme-post-content.default">
لاہور:پنجاب کے مختلف علاقوں میں شدید دھند کے باعث حدِ نگاہ انتہائی کم ہو گئی ہے، جس کے پیش نظر موٹروے پولیس نے مسافروں کی حفاظت کو مدنظر رکھتے ہوئے متعدد موٹرویز کو مختلف مقامات سے بند کر دیا ہے۔
ترجمان موٹروے پولیس کے مطابق دھند کی شدت کے باعث ڈرائیونگ خطرناک ہو چکی ہے، اسی لیے حادثات سے بچاؤ کے لیے یہ اقدام کیا گیا ہے۔
موٹروے پولیس کے مطابق شدید دھند کے باعث موٹروے ایم ٹو (M-2) لاہور سے کوٹ مومن تک ہر قسم کی ٹریفک کے لیے بند کر دی گئی ہے۔ اسی طرح موٹروے ایم تھری (M-3) فیض پور سے درخانہ تک بند ہے، جہاں حدِ نگاہ چند میٹر تک محدود ہو گئی ہے۔ ترجمان کا کہنا ہے کہ ان علاقوں میں گاڑی چلانا انتہائی خطرناک ثابت ہو سکتا ہے۔
موٹروے پولیس نےمزید کہا کہ موٹروے ایم فور (M-4) پنڈی بھٹیاں سے ملتان تک شدید دھند کی لپیٹ میں ہے، جس کے باعث اس روٹ کو بھی عارضی طور پر بند کر دیا گیا ہے۔ اسی طرح موٹروے ایم فائیو (M-5) ملتان سے ظاہر پیر تک بند ہے، جہاں دھند کے باعث سامنے کا منظر واضح نظر نہیں آ رہا۔
موٹروے پولیس کے مطابق سیالکوٹ موٹروے ایم الیون (M-11) کو بھی شدید دھند کے باعث بند کر دیا گیا ہے۔ اس روٹ پر حدِ نگاہ انتہائی کم ہونے کے باعث ٹریفک کو روک دیا گیا تاکہ کسی بھی ناخوشگوار واقعے سے بچا جا سکے۔
ترجمان موٹروے پولیس نے شہریوں سے اپیل کی ہے کہ غیر ضروری سفر سے گریز کریں اور اگر سفر ناگزیر ہو تو دن کے اوقات میں روانہ ہوں۔ ڈرائیور حضرات کو ہدایت کی گئی ہے کہ وہ رفتار کم رکھیں، فوگ لائٹس کا درست استعمال کریں، لین کی پابندی کریں اور اگلی گاڑی سے مناسب فاصلہ برقرار رکھیں۔
موٹروے پولیس کا کہنا ہے کہ دھند کی صورتحال بہتر ہوتے ہی موٹرویز کو مرحلہ وار ٹریفک کے لیے کھول دیا جائے گا۔ شہریوں سے درخواست کی گئی ہے کہ روانگی سے قبل موٹروے پولیس کی ہیلپ لائن یا سوشل میڈیا پلیٹ فارمز کے ذریعے تازہ صورتحال سے آگاہی حاصل کریں تاکہ کسی پریشانی یا تاخیر سے بچا جا سکے۔
ذریعہ
ذریعہ: Jasarat News
کلیدی لفظ: موٹروے پولیس دھند کے باعث موٹروے ایم گئی ہے
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی