پاسپورٹ بنوانے والوں کیلئے خوشخبری، گھر بیٹھے بڑی سہولت مل گئی
اشاعت کی تاریخ: 28th, December 2025 GMT
پاسپورٹ بنوانے والوں کو بڑی سہولت دے دی گئی۔آن لائن پاسپورٹ درخواست گزاروں کے لئے فنگر پرنٹس ویریفکیشن کا نیا نظام متعارف کروا دیا گیا ہے۔درخواست گزاروں کو فنگر پرنٹس ویریفکیشن میں مشکلات کا سامنا کرنا پڑ رہا تھا. نادرا کے تعاون سے اب پاک آئی ڈی ایپ پر فنگر پرنٹس کی تصدیق کا جدید اور موثر نظام متعارف کروا دیا گیا ہے۔اس نظام کے ذریعے آن لائن پاسپورٹ درخواست دینے والے شہریوں کو اب گھر بیٹھے ہی فنگر پرنٹس کی تصدیق کروانے کی سہولت حاصل ہو گی۔اس نظام کے تحت فنگر پرنٹس کی تصدیق پاک آئی ڈی ایپ کے ذریعے نادرا کے ڈیٹا سے کی جائے گی اور فنگر پرنٹس ویریفکیشن کیلئے پاسپورٹ دفاتر کے چکر لگانے کی ضرورت نہیں رہے گی۔اس نئے نظام کی وجہ سے آن لائن پاسپورٹ درخواستوں کی پراسیسنگ میں شفافیت اور تیزی آنے کے ساتھ ساتھ وقت کی بچت اور اخراجات کی بھی کمی ہو گی۔
.
ذریعہ
ذریعہ: Nawaiwaqt
پڑھیں:
میرپور والوں کا جذبہ بتا رہا ہے آزاد کشمیر میں شیر آچکا، مریم نواز
فوٹو: اسکرین گریبوزیراعلیٰ پنجاب مریم نواز نے کہا کہ جتنی گرمی میں آج میرپور میں لوگ جلسے میں آئے ہیں پورے کشمیر میں شیر کامیاب ہوگا، میرپور والوں کا جذبہ بتا رہا ہے کہ آزاد کشمیر میں شیر آچکا ہے۔
انہوں نے ان خیالات کا اظہار مسلم لیگ ن کے میرپور آزاد کشمیر میں جلسہ سے خطاب کے دوران کیا۔ مریم نواز نے کہا کہ مظفر آباد میں بارش کے باوجود عوام ن لیگ کے جلسے میں موجود رہے، آج میں میرپور نہیں باپ دادا کے گھر آئی ہوں۔
مریم نواز نے کہا کہ میرپور میں اچھے گھر بنے ہوئے ہیں لیکن افسوس سڑکیں ٹوٹی ہوئی ہیں، اب وقت آگیا ہے کہ میرپور میں بھی ترقی کے چراغ جلیں، نواز شریف نے گاڑی میں متعدد بار کہا کہ کتنا خوبصورت خطہ ہے۔
وزیراعلیٰ پنجاب کا مزید کہنا تھا کہ آپ کا جذبہ بتا رہا ہے کہ کشمیر کے اصل وارث کشمیر آگئے ہیں، آزاد کشمیر انتخابات میں بھرپور کامیابی حاصل کریں گے۔
انہوں نے کہا کہ کشمیر میں سب کچھ ہے ایک ہی کمی ہے کہ نواز شریف کی حکومت نہیں، جتنی خطرناک سازشیں نواز شریف کے خلاف ہوئیں عوام کی سپورٹ نہ ہوتی تو ہمارا تو نام ختم ہوچکا ہوتا۔
مریم نواز نے کہا کہ کشمیر میں وسائل اور جذبہ کی کمی نہیں، بہترین انفرااسٹرکچر کی کمی ہے، آزاد کشمیر میں سیاحت سے ترقی اور ہر مشکل حل ہو سکتی ہے، آزاد کشمیر کو بہترین اسپتالوں اور سڑکوں کی ضرورت ہے۔
انہوں نے کہا کہ آزاد کشمیر میں ہماری کچھ عرصے کی حکومت تھی، تنقید کرنا آسان ہوتا ہے ن لیگ کے سوا کوئی جماعت بتادیں اگر کشمیر میں ایک اینٹ بھی لگائی ہو۔
نواز شریف نے کہا کہ میں پوچھنا چاہتا ہوں میرے بعد آنے والوں نے کشمیر کیلئے کیا کیا؟
مریم نواز نے کہا جو سہولتیں ہم پنجاب میں دے رہے ہیں الیکشن جیت کر آزاد کشمیر میں بھی دیں گے، ابھی الیکشن نہیں ہوا اور میں دس الیکٹرک بسوں کا تحفہ میرپور لے کر آئی ہوں۔
انہوں نے کہا کہ پنجاب میں دو سال میں دو لاکھ افراد کو اپنی چھت اپنا گھر مل چکا ہے، دیانتداری سے کام کیا جائے تو آزاد کشمیر 5 سال میں پنجاب سے آگے نکل سکتا ہے، آزاد کشمیر میں سیف سٹی اور اپنی چھت اپنا گھر منصوبہ ہونا چاہیے۔
وزیراعلیٰ پنجاب نے کہا سوچ سمجھ کر ووٹ دیں کہیں ایسا نہ ہو کہ پھر ترقی کو ترس جائیں، دیگر صوبے کے لوگ کہتے ہیں پنجاب کی وزیراعلیٰ ہمیں دے دیں، کیا پنجاب کے لوگوں نے کبھی کہا ہے کہ دوسرا صوبے کا وزیراعلیٰ ہمیں دیں۔
مریم نواز نے کہا نواز شریف کی خدمات نکال دی جائیں تو کھنڈرات نظر آئیں، آپ نے ن لیگ کو کامیاب کرایا تو وہ ترقی آئے گی جو آپ کےخواب و خیال میں بھی نہ ہو، عوام نے موقع دیا تو آزاد کشمیر کی تقدیر بدل دیں گے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم