شکارپور، دیرینہ دشمنی، باراتیوں پر فائرنگ، دولہے سمیت 3 افراد جاں بحق
اشاعت کی تاریخ: 28th, December 2025 GMT
شکار پور(نیوزڈیسک) مسلح افراد کی باراتیوں کی گاڑی پر فائرنگ سے دولہے سمیت 3 افراد جاں بحق جبکہ 4 زخمی ہوگئے۔
شکارپور کے علاقے رستم سے جیکب آباد جانے والی باراتیوں پر مسلح افراد کی فائرنگ سے دولہے سمیت 3 افراد جاں بحق جبکہ 4 زخمی ہوگئے۔ پولیس کے مطابق فائرنگ کا واقعہ مہر جتوئی خونی تصادم کا شاخسانہ ہے۔
جاں بحق ہونے والوں میں دولہا الطاف مہر، رمضان مہر اور ایک بچہ محمد حسن مہر شامل ہیں۔ فائرنگ کے دوران دو خواتین بھی زخمی ہوئیں، جنہیں فوری طبی امداد کے لیے سول اسپتال شکارپور منتقل کر دیا گیا۔
پولیس کے مطابق جتوئی اور مہر برادری میں کئی سال سے دشمنی چلی آرہی ہے۔ دونوں قبآئل میں 20 سے زائد قتل اور 50 سے زائدزخمی ہوچکے ہیں۔ پولیس کی نفری نے رستم کے کچے میں سرچ اپریشن جاری ہے جلد ملوث افراد کو گرفتار کرلیا جائے گا۔
.
ذریعہ
ذریعہ: Daily Mumtaz
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی