سید مصطفیٰ ربانی کی پاک اوورسیز اور یونائیٹڈ جرنلسٹس میڈیا سے ملاقات
اشاعت کی تاریخ: 29th, December 2025 GMT
data-id="863a0a8" data-element_type="widget" data-widget_type="theme-post-content.default">
251229-04-1
پاکستان قونصلیٹ جدہ میں نئے تعینات ہونے والے قونصل جنرل سید مصطفیٰ ربانی سے میڈیا نمائندگان کے وفد نے ملاقات کی۔ اس موقع پر وفد نے پاک اوورسیز میڈیا فورم اور یونائیٹڈ جرنلسٹس فورم کے تمام اراکین کا تعارف کروایا۔میڈیا وفد میں سینئر صحافی و سرپرستِ اعلیٰ پاک اوورسیز میڈیا فورم سید مسرت خلیل، چیئرمین چوہدری ریاض گھمن، صدر شعیب الطاف راجہ اور ایگزیکٹو ممبر شباب بھٹہ شامل تھے۔ وفد نے قونصل جنرل کو قونصلیٹ جدہ میں تعیناتی پر مبارکباد پیش کی اور اس عزم کا اظہار کیا کہ پاکستانی کمیونٹی کی فلاح و بہبود، ان کے مسائل کے حل اور پاک سعودی تعلقات کو مزید مستحکم بنانے کے لیے قونصلیٹ کی پالیسیوں کو ہر ممکن تعاون فراہم کیا جائے گا۔وفد نے سابق قونصل جنرل محترم خالد مجید اور ان کی پوری ٹیم کو شاندار خدمات انجام دینے پر زبردست خراجِ تحسین پیش کیا اور کہا کہ ان کے تاریخی اقدامات کو سنہری حروف میں یاد رکھا جائے گا۔اس موقع پر قونصل جنرل سید مصطفیٰ ربانی نے میڈیا وفد سے گفتگو کرتے ہوئے کہا کہ پاکستانی کمیونٹی کے مسائل کا حل ان کی اولین ترجیح ہے اور ہم وطنوں کی خدمت کے لیے ان کے دروازے ہر وقت کھلے رہیں گے۔ انہوں نے بتایا کہ جلد ہی پاکستان قونصلیٹ جدہ نئی عمارت میں منتقل ہو جائے گی، جہاں ایک نئے، باوقار اور سہولیات سے آراستہ دور کا آغاز ہوگا اور کمیونٹی کو پہلے سے زیادہ سہولتیں میسر آئیں گی۔میڈیا وفد نے قونصل جنرل کے پاکستانی کمیونٹی کے لیے خلوص پر مبنی جذبات، مثبت سوچ اور عملی اقدامات کو سراہتے ہوئے اس امید کا اظہار کیا کہ تمام درپیش مسائل خوش اسلوبی سے حل کیے جائیں گے۔ وفد نے اپنے بھرپور تعاون کا یقین دلایا اور ملاقات کے اختتام پر قونصل جنرل کا شکریہ ادا کیا۔
ذریعہ
ذریعہ: Jasarat News
کلیدی لفظ: وفد نے
پڑھیں:
معروف میکسیکن انفلوئنسر گھر میں مردہ پائی گئیں، قتل کا شبہ
میکسیکو کی معروف سوشل میڈیا انفلوئنسر پاؤلا مارکیز اپنے گھر میں مردہ حالت میں پائی گئی ہیں، جس کے بعد پولیس نے واقعے کی تحقیقات شروع کر دی ہیں۔
غیر ملکی میڈیا رپورٹس کے مطابق 30 سالہ پاؤلا مارکیز کی لاش 30 مئی کو ان کے گھر کے اندر سے اس وقت برآمد ہوئی جب ایک اہلِ خانہ نے انہیں بے ہوش حالت میں پایا۔ بعد ازاں طبی عملے نے موقع پر ہی ان کی موت کی تصدیق کر دی۔
ابتدائی تحقیقات میں پولیس مختلف پہلوؤں کا جائزہ لے رہی ہے جن میں خودکشی اور ممکنہ قتل دونوں امکانات شامل ہیں۔ حکام کا کہنا ہے کہ حتمی نتیجے تک پہنچنے کے لیے تمام شواہد کا باریک بینی سے تجزیہ کیا جا رہا ہے۔
غیر ملکی میڈیا کے مطابق پاؤلا مارکیز سوشل میڈیا پر خاصی مقبول تھیں اور مختلف پلیٹ فارمز پر ان کے فالوورز کی تعداد 20 لاکھ سے زائد تھی۔ وہ زیادہ تر لائف اسٹائل، سفر اور پرتعیش زندگی سے متعلق مواد شیئر کرتی تھیں۔
ان کی ایک حالیہ ٹک ٹاک ویڈیو بھی سامنے آئی ہے جس میں انہوں نے اپنی زندگی سے متعلق مایوس کن انداز میں گفتگو کی تھی۔ ویڈیو میں ان کا کہنا تھا کہ ’’میں نے جو کچھ چاہا وہ مانگا، لیکن شاید الٹا مانگا، کیونکہ جو تھوڑا بہت میرے پاس تھا وہ بھی ہاتھ سے نکل رہا ہے۔‘‘
افسوسناک خبر کے بعد ان کے والد ہیرکولیس مارکیز بالڈیرس نے فیس بک پر جذباتی پیغام میں اپنی بیٹی کو خراجِ عقیدت پیش کیا۔ انہوں نے لکھا کہ ان کی ’’پیارا بیٹی پاؤلا اب اس دنیا میں نہیں رہی‘‘ اور وہ دعا گو ہیں کہ اللہ انہیں بہترین مقام عطا کرے۔
والد کی پوسٹ پر صارفین کی جانب سے تعزیتی پیغامات کا سلسلہ بھی جاری رہا، جہاں مداحوں اور قریبی افراد نے اہلِ خانہ سے ہمدردی اور صبر کی دعا کی۔ بعد ازاں اہلِ خانہ نے تصدیق کی کہ پاؤلا مارکیز کی آخری رسومات یکم جون کو سان لوئیس پوٹوسی کے علاقے ہویچی ہوان میں ادا کی گئیں۔
پاؤلا مارکیز نے اپنی سوشل میڈیا پوسٹوں میں دنیا بھر کے سفر، لگژری ٹرپس اور ایونٹس کی جھلکیاں شیئر کرکے بڑی شہرت حاصل کی تھی۔ ان کے انسٹاگرام بائیو میں درج ایک جملہ ’’انسٹاگرام اصل زندگی نہیں ہے‘‘ بھی ان کی سوچ کی عکاسی کرتا تھا۔
وزارت آئی ٹی نے 1.67 ارب روپے سے زاید کے فنڈز طلب کرلیے