کراچی، نامعلوم سمت سے آنے والی گولی لگنے سے دو نوجوان زخمی
اشاعت کی تاریخ: 29th, December 2025 GMT
کراچی:
شہر قائد کے مختلف علاقوں میں اندھی گولیاں لگنے سے دو نوجوان زخمی ہو گئے۔
تفصیلات کے مطابق کورنگی کوسٹ گارڈ چورنگی کے قریب تھانہ زمان ٹاؤن کی حدود میں واقعے شادی ہال کے سامنے اندھی گولی لگنے سے ایک شخص زخمی ہوگیا۔
زخمی شخص کو جناح اسپتال منتقل کیا گیا جہاں اسکی شناخت 30 سالہ عامر ولد عمر کے نام سے کی گئی۔
پولیس کے مطابق شادی کی تقریب میں ہوائی فائرنگ کی جارہی تھی جسکے دوران مبینہ طور پر ایک شخص گولی لگنے سے زخمی ہوا تاہم واقعے کی مزید تفتیش کی جارہی ہے۔
ادھر سولجر بازار نمبر 1 میں ایک شخص نامعلوم سمت سے آنے والی گولی لگنے سے زخمی ہوا جسکی شناخت 25 سالہ ظفیر اللہ ولد محمد نعیم کے نام سے کی گئی۔
زخمی کو فوری طور پر طبی امداد کے لیے سول اسپتال منتقل کر دیا گیا۔
ترجمان کراچی پولیس کے مطابق آخری اطلاعات تک واقعی اندھی گولی لگنے کا شاخسانہ ہی۔معلوم ہوا ہے تاہم مزید تفتیش کا سلسلہ جاری ہے۔
.
ذریعہ
ذریعہ: Express News
کلیدی لفظ: سری لنکا کیساتھ ٹی20 سیریز کیلیے اسکواڈ کا اعلان اہم کھلاڑی کی واپسی Dec 28 2025 09 20 AM گولی لگنے سے
پڑھیں:
کراچی، شہر کے مختلف علاقوں میں حادثات کے نتیجے میں 3 افراد جاں بحق
کراچی:شہر قائد کے مختلف علاقوں میں پیش آنے والے افسوسناک حادثات کے نتیجے میں تین افراد جان کی بازی ہار گئے جبکہ لاشوں کو قانونی کارروائی کے لیے اسپتال منتقل کر دیا گیا۔
ریسکیو ذرائع کے مطابق بلوچ کالونی کے علاقے کشمیر کالونی نالے والے روڈ پر نامعلوم گاڑی کی ٹکر سے ایک 20 سالہ راہگیر جاں بحق ہوگیا۔
اطلاع ملنے پر چھیپا کے رضاکار موقع پر پہنچے اور لاش کو جناح اسپتال منتقل کیا جہاں متوفی کی شناخت کے لیے کوششیں جاری ہیں۔
دوسرا واقعہ ایف سی ایریا کے ایک اپارٹمنٹ میں پیش آیا جہاں کرنٹ لگنے سے ایک شخص جاں بحق ہوگیا۔
چھیپا حکام کے مطابق متوفی کی لاش عباسی شہید اسپتال منتقل کی گئی جہاں اس کی شناخت 40 سالہ اظہر احمد کے نام سے ہوئی۔
ادھر قیوم آباد میں جام صادق پل پر تیز رفتار ٹریلر کی ٹکر سے موٹرسائیکل سوار موقع پر ہی دم توڑ گیا۔
ریسکیو اہلکاروں نے لاش کو جناح اسپتال منتقل کیا جہاں متوفی کی شناخت 40 سالہ شکیل کے نام سے کی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ