دیوارپرلکھا ہواکہ جلد الیکشن نہیں ہوں گے،بلاول بھٹو
اشاعت کی تاریخ: 29th, December 2025 GMT
وفاقی حکومت معاشی بحران حل کرناچاہتی ہے تو پبلک پرائیویٹ پارٹنرشپ کرے
پی ٹی آئی کوآج نہیں تو کل سیاسی رویہ اپنانا ہوگا ورنہ نقصان ہوگا،میڈیا سے گفتگو
چیئرمین پیپلز پارٹی بلاول بھٹو نے تحریک انصاف کو انتہا پسندی کی سیاست چھوڑنے کا مشورہ دیتے ہوئے کہا ہے کہ پی ٹی کوآج نہیں تو کل سیاسی رویہ اپنانا ہوگا ورنہ نقصان ہوگا، قومی اداروں پر حملہ کریں گے تو ایکشن پر شکایت نہیں ہونی چاہیے ۔لاڑکانہ میں میڈیا نمائندوں سے گفتگو کرتے ہوئے بلاول بھٹو نے کہاچھوٹی سی گرفتاری پرقومی اداروں پرحملہ کریں گے توقانون اورآئین کے مطابق ایکشن ہوگا،انہوں نے کہاکہ سیاسی جماعتوں کو جمہوریت کی بقا کے لیے سیاسی حل نکالنا چاہیے، حالات کے پیش نظر تمام سیاسی جماعتوں کو ایک نقطے پر لانے کے لیے صدر آصف علی زرداری کو کردار ادا کرنا ہوگا۔۔ایک سوال کے جواب میں انہوں نے کہا کہ الیکشن جلدی نہیں ہو رہے، نئے انتخابات سے پہلے الیکٹرول ریفارم ضروری ہے، ایسے ریفارم لائیں جس پر سب کو اعتماد ہو۔،صاف وشفاف انتخابات کیلئے تمام جماعتوں کو کردار ادا کرنا چاہیے،ہمیں الیکشن کمیشن پرعوام کے اعتمادپراضافہ کرناہوگا، آراوالیکشن اور سلیکٹڈ الیکشن کاکوئی فائدہ نہیں ہوگا،دیوارپرلکھا ہواکہ جلد الیکشن نہیں ہوں گے۔ بلاول بھٹو نیکہاکہ عام آدمی سے اس کا معاشی حال پوچھنے پر ملک کی اصل معاشی صورتحال کا اندازہ ہوگا، عام آدمی کا جواب اصل ٹیسٹ ہوتا ہے، اس سے پوچھیں کیا اس کی معاشی ترقی ہو رہی ہے؟ حکومت کی طرف سیمعاشی بہتری کے دعوے ہورہی ہیں،وفاقی حکومت معاشی بحران حل کرناچاہتی ہیتو پبلک پرائیویٹ پارٹنرشپ کرے، تمام مسائل کا حل کسی ایک جماعت کی لمبی اننگزمیں نہیں،کوئی ایک جماعت ملکی مسائل حل نہیں کر سکتی،سیاسی
جماعتوں کو ذمہ دارانہ کردار ادا کرنا ہوگا ۔
ذریعہ
ذریعہ: Juraat
کلیدی لفظ: بلاول بھٹو جماعتوں کو
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا