ملزم کی ضمانت، سپریم کورٹ نے مقدمات میں پولیس کی کارکردگی پر سوالات اٹھا دیے
اشاعت کی تاریخ: 29th, December 2025 GMT
سپریم کورٹ نے ایک اہم سماعت کے دوران مخالف فریق کو زخمی کرنے والے ملزم عبدالستار کی ضمانت منظور کرلی۔
کیس کی سماعت جسٹس جمال مندوخیل اور جسٹس مسرت ہلالی پر مشتمل سپریم کورٹ کے 2 رکنی بینچ نے کی۔
سماعت کے دوران عدالت نے مقدمے کی نوعیت اور پولیس کی کارکردگی پر سخت سوالات اٹھائے۔
یہ بھی پڑھیں: مخالفین کے گھر اور جانور جلانے کا معاملہ، سپریم کورٹ نے ملزم کی ضمانت قبل از گرفتاری مسترد کر دی
وکیل مدعی کے مطابق، ملزم عبدالستار نے ارشاد نامی شخص پر 2 فائر کیے، جبکہ 3 ملزمان فائرنگ میں شامل تھے۔
ججز نے اس صورتحال پر شک ظاہر کرتے ہوئے کہا کہ کس کا فائر کس پر لگا، اتنے لوگوں میں کیسے پتہ چلتا ہے، پولیس ایسے مقدمات خود خراب کرتی ہے۔
جسٹس مسرت ہلالی نے استفسار کیا کہ مدعی نے کیا سامنے کھڑے ہو کر گولیاں شمار کی تھیں، انہوں نے پنجاب پولیس کے مقدمات میں ریکارڈنگ کے معیار پر سوال اٹھایا۔
مزید پڑھیں: سپریم کورٹ نے نفرت انگیز مواد پھیلانے کے ملزم سید محمد کی ضمانت منظور کرلی
جبکہ جسٹس جمال مندوخیل نے کہا کہ صرف پنجاب میں اس نوعیت کے مقدمات میں گولیوں کا اندراج ہوتا ہے، باقی جگہوں پر نہیں۔
بینچ نے مزید ریمارکس دیے کہ ایسے مقدمات سے جرم کرنے والا بچ جاتا ہے اور شکوک پیدا ہونے کی صورت میں فائدہ ملزم کو پہنچتا ہے۔
عدالت نے پولیس کے رویے پر بھی تنقید کرتے ہوئے کہا کہ پنجاب پولیس مقدمات میں سچ لکھے، بصورت دیگر ایک بے گناہ کو بچانے کے لیے 100 گنہگار چھوڑنا پڑتے ہیں۔
مزید پڑھیں: سپریم کورٹ کا ایک شاندار فیصلہ
جسٹس مسرت ہلالی نے مزید کہا کہ پنجاب کے سارے مقدمات ایک ہی پیٹرن پر درج کیے جاتے ہیں اور پولیس والے خود مشورے دیتے ہیں، جس سے عدالتی فیصلے متاثر ہو سکتے ہیں۔
عدالت نے واضح کیا کہ جرم کا ذمہ دار ایک شخص ہوتا ہے مگر مقدمات میں پورا خاندان نامزد ہوتا ہے، جس سے انصاف کی راہ میں مشکلات پیدا ہوتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیس جسٹس جمال مندوخیل جسٹس مسرت ہلالی سپریم کورٹ ضمانت فائرنگ ملزم.
ذریعہ
ذریعہ: WE News
کلیدی لفظ: پولیس جسٹس جمال مندوخیل جسٹس مسرت ہلالی سپریم کورٹ فائرنگ جسٹس مسرت ہلالی سپریم کورٹ نے مقدمات میں کی ضمانت کہا کہ
پڑھیں:
بلاول کے پنجاب کے شہروں کی صورتحال پر سوالات، مریم اورنگزیب نے ویڈیو جاری کرکے جواب دیدیا
پیپلز پارٹی کے چیئرمین بلاول بھٹو کے سوالات پر پنجاب کی سینئر وزیر مریم اورنگزیب نے ویڈیو ثبوت کے ساتھ جواب دیدیے۔آزاد کشمیر کے انتخابی جلسے میں پنجاب کے شہروں کی صورتِ حال پر سوال اٹھاتے بلاول کو پنجاب کی سینئر وزیر مریم اورنگ زیب نے ویڈیو جاری کر کے جواب دیا۔ بلاول نے لاہور کے علاوہ پنجاب کے جن شہروں کے حالات پر سوال اٹھایا ، مریم اورنگزيب نے انہی شہروں کی ویڈیو شیرکردی۔مریم اورنگزيب نے پنجاب کے مختلف شہروں کی سڑکوں اور صفائی کی صورتِحال کی ویڈیو شیئر کی۔ وہاڑی اور قصور پر بلاول کے سوالوں کا جواب دیتے ہوئے وہاڑی اور قصور کی سڑکوں ، گلیوں اور صفائی کی صورتِ حال کی ویڈیو کے ساتھ دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار