سابق گورنر سٹیٹ بنک ڈاکٹر شمشاد اختر سپردخاک‘ بلال اظہر کیانی کا اظہار افسوس
اشاعت کی تاریخ: 29th, December 2025 GMT
کراچی‘ اسلام آباد (نیٹ نیو+ اپنے سٹاف رپورٹر سے) سابق وفاقی وزیر خزانہ اور گورنر سٹیٹ بنک ڈاکٹر شمشاد اختر کو نماز جنازہ کے بعد کراچی میں سپردخاک کر دیا گیا۔ نماز جنازہ ڈیفنس کی سلطان مسجد میں ادا کی گئی جس میں عارف حبیب‘ تحصیل کریم ڈھیڈی‘ احمد چنائے‘ اہم کاروباری‘ سیاسی و سماجی شخصیات اور لواحقین نے شرکت کی انہیں جیوہ شاہ کے قبرستان میں والدہ کے پہلو میں سپردخاک کیا گیا۔ دریں اثناءوزیر مملکت خزانہ و ریلوے بلال اظہر کیانی نے ڈاکٹر شمشاد اختر کے انتقال پر افسوس اور تعزیت کا اظہار کیا۔ انہوں نے کہا ڈاکٹر شمشاد اختر کی ملک کیلئے خدمات کو ہمیشہ یاد رکھا جائے گا۔ وہ پاکستان کی ایک قابل فخر بیٹی اور قابل معاشی ماہر تھیں۔
.
ذریعہ
ذریعہ: Nawaiwaqt
کلیدی لفظ: ڈاکٹر شمشاد اختر
پڑھیں:
ضم اضلاع کیلئے ٹیکس استثنیٰ بحال کریں: گورنر خیبر پی کے کا وزیراعظم کو خط
پشاور (بیورو رپورٹ) گورنر خیبرپی کے فیصل کریم کنڈی نے وزیراعظم پاکستان سے ضم قبائلی اضلاع کیلئے وفاقی ٹیکس استثنیٰ بحالی کی درخواست کردی۔ وزیراعظم کو بھیجے گئے خط میں گورنر نے مطالبہ کیا کہ ضم شدہ اضلاع اور پاٹا کے لیے وفاقی ٹیکس استثنیٰ میں توسیع کرتے ہوئے انضمام کے وقت قبائلی عوام سے کیے گئے وعدوں کی پاسداری کی جائے۔ ضم قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ وفاقی ٹیکسوں کے خاتمے کے بغیر قبائلی عوام کو مکمل ٹیکس ریلیف فراہم نہیں کیا جا سکتا۔ صوبائی حکومت پہلے ہی ضم شدہ اضلاع اور پاٹا پر عائد تمام صوبائی ٹیکس ختم کر چکی ہے، تاہم وفاقی ٹیکس برقرار رہنے سے عوام کو مکمل ریلیف نہیں مل رہا۔ دریں اثناء گورنر فیصل کریم کنڈی سے پاکستان کونسل آف سائنٹیفک اینڈ انڈسٹریل ریسرچ (پی سی ایس آئی آر) پشاور کے ڈائریکٹر جنرل انجینئر سہیل امیر مروت نے گورنر ہاؤس پشاور میں ملاقات کی۔ ادارے کی تحقیق و ترقی (ریسرچ اینڈ ڈویلپمنٹ)، جاری پی ایس ڈی پی منصوبوں، ادارے کی تحقیقی صلاحیتوں اور استعداد سے متعلق تفصیلی بریفنگ دی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی