بنگلہ دیش: خالدہ ضیا کے حلقوں کے لیے متبادل امیدوار تیار
اشاعت کی تاریخ: 29th, December 2025 GMT
بنگلہ دیش کی مرکزی اپوزیشن جماعت بنگلہ دیش نیشنلسٹ پارٹی (بی این پی) نے پارٹی چیئرپرسن بیگم خالدہ ضیا کے ممکنہ انتخابی حلقوں کے لیے متبادل امیدوار تیار کر لیے ہیں، کیونکہ ان کی صحت اور آئندہ عام انتخابات میں شرکت کے حوالے سے غیر یقینی صورتحال برقرار ہے۔
بی این پی ذرائع کے مطابق خالدہ ضیا کی جانب سے بوگرا، دیناجپور اور فینی کے 3 پارلیمانی حلقوں کے لیے کاغذاتِ نامزدگی جمع کرا دیے گئے ہیں۔ سابق وزیر اعظم خالدہ ضیا گزشتہ نومبر کے آخر سے ڈھاکہ کے ایک اسپتال میں زیرِ علاج ہیں۔
پارٹی کے اندرونی ذرائع کا کہنا ہے کہ اگر خالدہ ضیا انتخابات میں حصہ لینے کے قابل نہ ہو سکیں تو ان حلقوں میں پہلے سے تیار متبادل امیدوار میدان میں اتار دیے جائیں گے۔
یہ بھی پڑھیے بی این پی کا 7 اتحادی جماعتوں کے ساتھ نشستوں کی تقسیم کا اعلان
اسی دوران بی این پی نے کم از کم 15 حلقوں میں اپنے امیدواروں میں تبدیلی کی ہے۔ پارٹی کے مطابق یہ فیصلے نچلی سطح سے ملنے والی آراء، اندرونی اختلافات اور انتخابی حکمتِ عملی کو مدنظر رکھتے ہوئے کیے گئے ہیں۔ پارٹی قیادت کا کہنا ہے کہ ان ردوبدل کا مقصد پارٹی کے انتخابی نشان ’دھان کی بالی‘ کے تحت کامیابی کے امکانات کو مضبوط بنانا ہے۔
بی این پی کے قائم مقام چیئرمین طارق رحمان کے بارے میں بتایا گیا ہے کہ وہ 2 حلقوں بوگرا-6 اور ڈھاکہ-17 سے انتخاب لڑنے کا ارادہ رکھتے ہیں۔ اس کے علاوہ اتحادی جماعتوں کو بھی سیٹ ایڈجسٹمنٹ کے تحت ٹکٹ دیے گئے ہیں۔
پارٹی میں ہونے والی بڑی تبدیلیوں میں ڈھاکہ، چٹاگانگ، جیسور، منشی گنج اور دیگر اضلاع شامل ہیں۔ بعض حلقوں میں امیدواروں کو اندرونی اختلافات، ذاتی عدم دلچسپی یا قانونی پیچیدگیوں کے باعث واپس لیا گیا۔
بی این پی رہنماؤں کا کہنا ہے کہ بنگلہ دیش میں انتخابات سے قبل آخری لمحات میں اس نوعیت کی تبدیلیاں معمول کی بات ہیں۔ ان کے مطابق پارٹی نے تمام 300 پارلیمانی حلقوں کے لیے امیدواروں کو حتمی شکل دے دی ہے، اگرچہ تمام نام تاحال عوام کے سامنے نہیں لائے گئے۔
واضح رہے کہ بنگلہ دیش میں آئندہ عام انتخابات 12 فروری کو ہونے جا رہے ہیں، جن میں بی این پی حکمراں جماعت عوامی لیگ کے مقابلے میں اپوزیشن قوتوں کو یکجا کرنے کی کوشش کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بنگلہ دیش نیشنلسٹ پارٹی بی این پی بیگم خالدہ ضیا.
ذریعہ
ذریعہ: WE News
کلیدی لفظ: بنگلہ دیش بنگلہ دیش نیشنلسٹ پارٹی بی این پی بیگم خالدہ ضیا حلقوں کے لیے بنگلہ دیش خالدہ ضیا بی این پی
پڑھیں:
’میری قبر پہلے ہی تیار ہے‘، موت کی تیاریوں سے متعلق عطا اللہ خان عیسیٰ خیلوی کا حیران کن بیان
پاکستان کے لیجنڈری گلوکار عطا اللہ خان عیسیٰ خیلوی نے اپنی زندگی سے متعلق ایک ایسا انکشاف کیا ہے جس نے مداحوں کو حیران کر دیا۔ معروف گلوکار کا کہنا ہے کہ انہوں نے اپنے آبائی علاقے عیسیٰ خیل میں اپنی قبر پہلے ہی تیار کروا رکھی ہے اور وہ آخرت کی تیاری کو زندگی کا اہم ترین حصہ سمجھتے ہیں۔ ان کے اس بیان نے سوشل میڈیا پر نئی بحث چھیڑ دی ہے جہاں صارفین اس پر مختلف آراء کا اظہار کر رہے ہیں۔
عطا اللہ خان عیسیٰ خیلوی نے حال ہی میں صحافی ارشاد بھٹی کے پوڈکاسٹ میں شرکت کی، جہاں انہوں نے اپنی زندگی، موسیقی اور ذاتی خیالات پر کھل کر گفتگو کی۔ اس دوران انہوں نے بتایا کہ انہوں نے اپنی قبر پہلے ہی تیار کروا رکھی ہے۔
انہوں نے کہا کہ میں نے آخرت کی تیاری کر لی ہے۔ میری قبر عیسیٰ خیل میں تیار ہے، مکمل بن چکی ہے۔ اگر آپ میری زندگی میں آئیں گے تو میں آپ کو دکھا دوں گا ورنہ بعد میں خود ہی دیکھ لیں گے۔ ہمارا اپنا خاندانی قبرستان بھی ہے، جہاں میں نے اپنے لیے ایک قبر مخصوص کر رکھی ہے۔ اس کے ساتھ چند جگہیں اور بھی ہیں جن میں سے ایک کے بارے میں میں نے مذاق میں کہا تھا کہ وہ میری اہلیہ کے لیے ہے لیکن ساتھ ہی کہا کہ مذاق کر رہا ہوں حقیقت میں صرف اپنی قبر محفوظ کروائی ہے۔ اللہ ہم سب پر رحم فرمائے۔
گلوکار نے قبر کے بارے میں بتایا کہ یہ خیال اس وقت آیا جب میں نے ایک فارم ہاؤس اور مسجد تعمیر کروائی۔ پھر سوچا کہ میرے لیے بھی ایک جگہ ہونی چاہیے۔ میں اپنے کئی قریبی دوستوں، عزیزوں، خاندان کے افراد اور اپنی والدہ کو کھو چکا ہوں، اسی لیے موت کا خیال ہمیشہ ذہن میں رہتا ہے۔ میری صرف یہی دعا ہے کہ اللہ مجھے پُرسکون موت عطا فرمائے۔
یہ بھی پڑھیں: عطااللہ عیسیٰ خیلوی کس کے لکھے گانے گا کر مشہور ہوئے؟
عطا اللہ خان عیسیٰ خیلوی کے اس بیان کے بعد سوشل میڈیا پر مختلف آراء سامنے آنے لگیں۔ ایک صارف نے لکھا قبر پہلے سے بنوانا درست نہیں البتہ کفن کی تیاری کی جا سکتی ہے۔
ایک اور نے تبصرہ کیا صرف قبر تیار کر لینا کافی نہیں، اصل تیاری آخرت کی ہونی چاہیے۔ ایک صارف نے لکھا کہ ان کا ایمان مضبوط ہے، ہم تو قبر کا ذکر کرنے سے بھی گھبراتے ہیں جبکہ ایک اور صارف کا کہنا تھا قبر بنانے کے بجائے اگر اولڈ ایج ہوم بنا دیتے تو زیادہ بہتر ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ عیسیٰ خیلوی عیسیٰ خیلوی عیسیٰ خیلوی قبر قبر گلوکار ویڈیو وائرل
بھارت سے جنگ اور افغانستان میں کارروائی خارج ازامکان نہیں، وزیردفاع