ورلڈ اکنامک فورم 2026: پاکستان عالمی اقتصادی قیادت سے روابط بڑھانے کے لیے متحرک
اشاعت کی تاریخ: 29th, December 2025 GMT
نائب وزیراعظم و وزیر خارجہ سینیٹر محمد اسحاق ڈار نے وزیراعظم کے آئندہ دورۂ سوئٹزرلینڈ کے سلسلے میں ایک اعلیٰ سطحی بریفنگ اجلاس کی صدارت کی۔
یہ دورہ 19 سے 23 جنوری 2026 کے دوران ڈیووس-کلوسٹرز میں ہونے والے ورلڈ اکنامک فورم کے 56ویں سالانہ اجلاس میں شرکت کے لیے متوقع ہے۔
یہ بھی پڑھیں: وزیراعظم شہباز شریف کی ورلڈ اکنامک فورم کے صدر سے ملاقات، تبادلہ خیال
اجلاس میں سیکریٹری خارجہ، جینیوا میں پاکستان کے مستقل نمائندے اور وزارتِ خارجہ کے سینئر حکام نے نائب وزیراعظم کو دورے کی تیاریوں، مجوزہ پروگرام اور ورلڈ اکنامک فورم کے ایجنڈے پر تفصیلی بریفنگ دی۔
Deputy Prime Minister/Foreign Minister Senator Mohammad Ishaq Dar @MIshaqDar50 chaired a briefing session today to oversee preparations in context of the Prime Minister's upcoming visit, to attend 56th Annual meeting of world Economic Forum (WEF) from 19 to 23 January, 2026 in… pic.
— Ministry of Foreign Affairs – Pakistan (@ForeignOfficePk) December 29, 2025
اس موقع پر وزیراعظم شہباز شریف کے دورے کے دوران ہونے والی دو طرفہ ملاقاتوں، عالمی رہنماؤں سے روابط اور وسیع میڈیا مصروفیات پر بھی تفصیل سے تبادلہ خیال کیا گیا۔
وزیر خارجہ سینیٹر محمد اسحاق ڈار نے ہدایت کی کہ دورے کے دوران آنے والے سربراہانِ مملکت و حکومت کے علاوہ عالمی اقتصادی، کاروباری اور مالیاتی اداروں کی اعلیٰ قیادت کے ساتھ زیادہ سے زیادہ مؤثر ملاقاتیں یقینی بنائی جائیں۔
مزید پڑھیں: ورلڈ اکنامک فورم کے دوران عالمی اشرافیہ نے لاکھوں ڈالر کہاں لٹائے؟
انہوں نے اس بات پر بھی زور دیا کہ نجی شعبے کے کاروباری اداروں کے ساتھ تعاون کے نئے مواقع تلاش کیے جائیں تاکہ پاکستان کی معیشت، سرمایہ کاری اور تجارتی روابط کو فروغ دیا جا سکے۔
انہوں نے کہا کہ ورلڈ اکنامک فورم جیسے عالمی پلیٹ فارم سے بھرپور فائدہ اٹھاتے ہوئے پاکستان کے مؤقف، معاشی ترجیحات اور سرمایہ کاری کے امکانات کو مؤثر انداز میں اجاگر کیا جانا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار شہباز شریف نائب وزیراعظم ورلڈ اکنامک فورم وزارت خارجہ وزیر خارجہ وزیراعظم
ذریعہ
ذریعہ: WE News
کلیدی لفظ: اسحاق ڈار شہباز شریف ورلڈ اکنامک فورم ورلڈ اکنامک فورم کے کے دوران
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی