فہد مصطفیٰ اور ماہرہ خان کی نئی فلم کی شوٹنگ مکمل، تابش ہاشمی بھی جلوہ گر ہوں گے
اشاعت کی تاریخ: 29th, December 2025 GMT
پاکستان کی شوبز انڈسٹری کے معروف اداکار فہد مصطفیٰ نے اپنی نئی اور بے حد متوقع فلم کی شوٹنگ مکمل کر لی ہے، جس میں ماہرہ خان ان کے ساتھ مرکزی کردار میں جلوہ گر ہیں۔
اس خبر کے بعد فلمی دنیا اور مداحوں میں خوشی اور جوش و خروش کی لہر دوڑ گئی۔
فہد مصطفیٰ نے انسٹاگرام پر خوشخبری شیئر کرتے ہوئے لکھا کہ فلم پر کئی ماہ کی محنت، لگن اور کہانی کو کیمرے میں قید کیا گیا، اور اب ریلیز کے لیے کاؤنٹ ڈاؤن کا آغاز ہو چکا ہے۔
View this post on Instagram
A post shared by Fahad Mustafa (@mustafafahad26)
انہوں نے مزید کہا کہ ناظرین کے لیے آنے والے دنوں میں دلچسپ سرپرائزز بھی موجود ہیں۔
میڈیا رپورٹس کے مطابق فلم کی تیاری میں باریک بینی سے منصوبہ بندی، تخلیقی سوچ اور بھرپور محنت شامل رہی، جس کا مقصد شائقین کو ایک معیاری اور جذباتی سنیما تجربہ فراہم کرنا ہے۔
رپورٹس کے مطابق ماہرہ خان کا کردار کہانی کا ایک اہم ستون ہے، جبکہ فلم کی تحریر اور ہدایت کاری بلال الطاف خان نے کی ہے، جو پاکستانی فلم انڈسٹری کے ابھرتے ہوئے ہدایتکاروں میں شمار ہوتے ہیں اور اپنی منفرد کہانی گوئی کے انداز کے لیے جانے جاتے ہیں۔
میڈیا رپورٹس میں کہا گیا ہے کہ یہ فلم عید الاضحیٰ پر نمائش کے لیے پیش کی جائے گی۔
فہد مصطفیٰ کی پوسٹ کے منظرِ عام پر آتے ہی سوشل میڈیا پر مداحوں اور شوبز شخصیات نے جوش و خروش کا اظہار کیا اور دونوں بڑے ستاروں کو اسکرین پر ایک ساتھ دیکھنے کے لیے بے صبری ظاہر کی۔
شائقین کا کہنا ہے کہ فہد مصطفیٰ اور ماہرہ خان کی یہ جوڑی پاکستانی سنیما کے لیے یادگار تجربہ ثابت ہو سکتی ہے۔
رپورٹس کے مطابق فلم میں تابش ہاشمی بھی ایک اہم کردار میں جلوہ گر ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تابش ہاشمی فلم کی شوٹنگ مکمل فہد مصطفی ماہرہ خان وی نیوز.
ذریعہ
ذریعہ: WE News
کلیدی لفظ: تابش ہاشمی فلم کی شوٹنگ مکمل فہد مصطفی ماہرہ خان وی نیوز ماہرہ خان فہد مصطفی کے لیے فلم کی
پڑھیں:
ایران پر 13 ویں رات فضائی حملوں کے اہداف مکمل کر لیے گئے، سینٹکام
واشنگٹن:امریکا نے ایران کے خلاف مسلسل 13 ویں رات بھی فضائی حملے مکمل کرنے کا اعلان کرتے ہوئے کہا ہے کہ کارروائی کے دوران ایرانی فوجی تنصیبات، ڈرون مراکز اور ساحلی نگرانی کے نظام کو نشانہ بنایا گیا۔
امریکی سینٹرل کمانڈ نے سوشل میڈیا پلیٹ فارم ایکس پر جاری بیان میں بتایا کہ تازہ کارروائی میں فوجی کمانڈ سینٹرز، ڈرون ذخیرہ گاہیں، مواصلاتی نیٹ ورک، ساحلی نگرانی کے مراکز اور بحری صلاحیتوں سے متعلق اہداف کو نشانہ بنایا گیا۔
https://t.co/Wtbk84dEsc
— U.S. Central Command (@CENTCOM) July 24, 2026سینٹکام کے مطابق ان حملوں کا مقصد آبنائے ہرمز سے گزرنے والے تجارتی جہازوں اور شہری بحری نقل و حمل کو درپیش خطرات میں مزید کمی لانا ہے۔
بیان میں کہا گیا کہ آبنائے ہرمز بدستور کھلی ہوئی ہے اور تجارتی جہاز امریکی فوج کی معاونت کے ساتھ معمول کے مطابق اس اہم بحری راستے سے گزر رہے ہیں۔
امریکی سینٹرل کمانڈ نے مزید بتایا کہ اس وقت مشرق وسطیٰ کے مختلف علاقوں میں 50 ہزار سے زائد امریکی فوجی اہلکار تعینات ہیں جو خطے میں جاری صورتحال پر مسلسل نظر رکھے ہوئے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع