سندھ بلڈنگ حیدر آباد میں اندھیر نگری چوپٹ راج
اشاعت کی تاریخ: 30th, December 2025 GMT
اسسٹنٹ ڈائریکٹر اورنگزیب سسٹم کے مرکزی مہرے ، کرپشن کے جھنڈے گاڑ دیے
ماں جی ہسپتال کے قریب واقع فور سیزن نامی شادی ہال منظوری اور نقشے کے بغیر برقرار
(رپورٹ: اظہر رضوی) ایس بی سی اے میں اندھیر نگری چوپٹ راج، چند افسران پر مشتمل سسٹم نے شہر کا نقشہ بگاڑ دیا،ذاتی خرچہ وصول کرکے حکومتی خزانے کو کروڑوں کا چونا لگایا جا رہا ہے۔ اسسٹنٹ ڈائریکٹر اورنگزیب رضی سسٹم کے مرکزی مہرے ہیں جنہوں نے کرپشن کے جھنڈے گاڑ دیئے ۔ذرائع کے مطابق ایس بی سی اے حیدرآباد اپنی کرپشن اور دفتری بے ضابطگییوں کے باعث حکومت سندھ کے تمام اداروں میں بازی لے گیا جس کے باعث ایک طرف تو حیدرآباد شہر میں غیر قانونی عمارتوں کی تعمیر کا سلسلہ جاری ہے تو دوسری جانب حکومت سندھ کو کروڑوں نہیں اربوں روپے کا نقصان پہنچایا جارہا ہے۔ تمام غیر قانونی کاموں کو سسٹم کے تحت چلایا جارہا ہے۔ اس کا سب سے اہم مہرہ اورنگزیب نامی ایک اسسٹنٹ ڈائریکٹر ہے جو بذات خود غیر قانونی طور پر سینئر ڈائریکٹر جیسی اہم پوسٹ پر قابض ہے گو کہ مذکورہ افسر کی کرپشن لوٹ مار ،عہدے کے قانونی اختیارات سے تجاوز کی فہرست کافی طویل ہے لیکن انکی کرپشن کی تازہ ترین مثال ماں جی ہسپتال کے قریب واقع فور سیزن نامی شادی ہال ہے جو کہ محض موصوف کی آشیر باد سے چل رہا ہے جبکہ نہ تو اس شادی ہال کا باقاعدہ طور پر نقشہ پاس کیا گیا ہے اور نہ ہی اس جگہ کو کمرشل بنیادوں پر استعمال کرنے کی قانونی منظوری حاصل کی گئی ہے ۔یاد رہے کہ بلڈنگ کنٹرول ایکٹ کی کھلی خلاف ورزی کرتے ہوئے تعمیر ہونے والے اس شادی ہال کے انہدام کے احکامات پہلے ہی جارے ہوئے ہیں لیکن مبینہ طور پر بھاری رشوت کے عوض ان احکامات کو ردی کی ٹوکری میں ڈال دیا گیا۔ حیدرآباد کے عوام سوال کرتے ہیں کہ جب غیر قانونی تعمیرات کا سد باب کرنے والا محکمہ ہی ان غیر قانونی احکامات کی باقاعدہ سرپرستی کا بیڑہ اٹھالے تو عوام کس کی طرف دیکھے ،کیا اورنگزیب رضی جیسے نا اہل اور بد عنوان افسران کے لیء حکومت سندھ کے پاس کوئی قانون نہیں جسکی بدعنوانیاں نہ صرف حیدرآباد شہر کی بدصورتی بلکہ سندھ حکومت کے خزانے کو کروڑوں روپے کے نقصان کا باعث بن رہی ہے۔
.
ذریعہ
ذریعہ: Juraat
کلیدی لفظ: شادی ہال
پڑھیں:
وفاقی کابینہ، ادویات ٹریک اینڈ ٹریس سسٹم نفاذ کی باقاعدہ منظوری دے دی
اسلام آباد،وفاقی وزیرِ صحت مصطفیٰ کمال (mustafa kamal)نے کہا ہے کہ وفاقی کابینہ نے ملک بھر میں ادویات پر ٹریک اینڈ ٹریس سسٹم کے نفاذ کی باضابطہ منظوری دے دی ہے۔
اس سلسلے میں ڈرگ لیبلنگ اینڈ پیکنگ رولز 1978 میں ضروری ترامیم کی بھی منظوری دے دی گئی ہے۔منگل کو جاری بیان کے مطابق وفاقی وزیرِ صحت نے کہا کہ یہ فیصلہ پاکستان میں جعلی ادویات کے خاتمے کی جانب ایک بڑا اور تاریخی قدم ہے۔
پہلی بار ملک میں ہر دوا کو ڈیجیٹل طریقے سے ٹریک اور ویریفائی کیا جا سکے گا، جس سے جعلی، غیر معیاری اور نقلی ادویات کی مؤثر نشاندہی اور ان کے خاتمے میں مدد ملے گی۔
انہوں نے کہا کہ نئے نظام کے نفاذ کے بعد عام صارفین باآسانی دوا کی میعادِ استعمال، قیمت اور دیگر اہم معلومات کی مستند تصدیق کر سکیں گے، جس سے عوام کا ادویات کے نظام پر اعتماد مزید مضبوط ہوگا۔
مصطفیٰ کمال نے بتایا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی۔ نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں۔
وفاقی وزیرِ صحت نے کہا کہ یہ اہم اقدام پاکستان میں ادویات کی سپلائی چین کو محفوظ، شفاف اور معیاری بنانے کے لیے کیا گیا ہے۔
حکومت ادویات کے شعبے کو جدید خطوط پر استوار کرنے کے لیے عملی اقدامات کر رہی ہے اور ٹریک اینڈ ٹریس سسٹم کے نفاذ سے جعلی ادویات کے خلاف ایک مضبوط اور مؤثر دیوار قائم ہوگی۔
انہوں نے مزید کہا کہ پاکستان جدید ٹیکنالوجی کے استعمال میں خطے کے نمایاں ممالک میں شامل ہوگا۔ اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گاجس سے عوام کی صحت، زندگی اور اعتماد کا مکمل تحفظ یقینی بنایا جا سکے گا۔
مزید پڑھیں:میئر لندن، 16 سال سے کم عمر بچوں کیلئے سوشل میڈیا پر پابندی کی حمایت
وفاقی وزیرِ صحت کے مطابق ڈریپ کی جانب سے صنعت کو سہولت فراہم کرنے کے لیے جلد تکنیکی رہنما اصول جاری کیے جائیں گے، جبکہ متعلقہ فریقین کے ساتھ مشاورتی اجلاس بھی منعقد کیے جا چکے ہیں تاکہ نظام کے مؤثر اور مرحلہ وار نفاذ کو یقینی بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ