پنجاب پولیس کی سال 2025 میں خطرناک مجرمان کے خلاف بڑی کارروائیاں، لاکھوں اشتہاری گرفتار
اشاعت کی تاریخ: 31st, December 2025 GMT
پنجاب پولیس نے سال 2025 کے دوران صوبے بھر میں خطرناک اور عادی مجرمان کے خلاف بھرپور کریک ڈاؤن کیا، جس کے نتیجے میں ایک لاکھ 45 ہزار 506 اشتہاری مجرمان گرفتار ہوئے۔ لاہور سمیت مختلف اضلاع میں پولیس کی کارروائیوں نے جرائم پیشہ افراد کے لیے خطرناک صورتحال پیدا کر دی ہے۔
یہ بھی پڑھیں:پنجاب پولیس نے سال 2025 میں کتنے ہزار منشیات فروش گرفتار کیے؟
پنجاب پولیس کے ترجمان کے مطابق گرفتار اشتہاریوں میں اے کیٹیگری کے 50 ہزار سے زائد اور بی کیٹیگری کے 98 ہزار سے زائد افراد شامل ہیں۔ اس کے علاوہ 53 ہزار 297 عدالتی مفرور بھی گرفتار کیے گئے، جن میں اے کیٹیگری کے 13 ہزار سے زائد اور بی کیٹیگری کے 40 ہزار 270 عدالتی مفرور شامل تھے۔
آپریشنز کے دوران 30 ہزار 788 ٹارگٹ آفینڈرز (عادی مجرم) بھی گرفتار کیے گئے، جن میں 12 ہزار 644 اے کیٹیگری اور 18 ہزار 144 بی کیٹیگری کے مجرم شامل ہیں۔ سنگین جرائم میں مطلوب 89 اشتہاری مجرمان کو بیرون ملک سے گرفتار کر کے پاکستان منتقل کیا گیا۔
صوبائی دارالحکومت لاہور میں 31 ہزار 967 اشتہاری مجرمان گرفتار کیے گئے، جن میں 19 ہزار 828 عدالتی مفرور اور 12 ہزار 131 ٹارگٹ آفینڈرز شامل ہیں۔
یہ بھی پڑھیں:پنجاب پولیس کے صوبہ بھر میں کومبنگ آپریشنز اور موک ایکسرسائز
آئی جی پنجاب ڈاکٹر عثمان انور نے پولیس ٹیموں کو شاباش دی اور کہا کہ اگلے سال بھی کریک ڈاؤن جاری رہے گا۔ انہوں نے کہا کہ موثر تفتیش کے ذریعے مقدمات جلد مکمل کیے جا رہے ہیں اور مجرمان کو قرار واقعی سزائیں دلائی جا رہی ہیں۔ آر پی اوز اور ڈی پی اوز کی زیر نگرانی خطرناک مجرمان کے خلاف ٹارگٹڈ آپریشنز بھی جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پولیس پنجاب پولیس کارروائی کریک ڈاؤن.
ذریعہ
ذریعہ: WE News
کلیدی لفظ: پنجاب پولیس پنجاب پولیس کارروائی کریک ڈاؤن پنجاب پولیس گرفتار کیے کیٹیگری کے
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے