پنجاب کی 98 تحصیلوں میں اسمارٹ سیف سٹیز کے قیام کے منصوبے پر دستخط
اشاعت کی تاریخ: 31st, December 2025 GMT
وزیر اعلیٰ مریم نواز شریف کے وژن کے مطابق پنجاب کو مزید محفوظ بنانے کے لیے ایک اہم قدم اٹھاتے ہوئے 98 تحصیلوں میں اسمارٹ سیف سٹیز کے قیام کے منصوبے پر معاہدے پر دستخط کر دیے گئے۔ یہ اقدام صوبے میں سیکیورٹی اور عوامی تحفظ کو فروغ دینے کی جانب ایک نمایاں پیش رفت ہے۔
اس موقع پر سینٹرل پولیس آفس میں تقریب منعقد ہوئی، جس میں ایم ڈی نیشنل ریڈیو اینڈ ٹیلی کمیونیکیشن کارپوریشن (NRTC) بریگیڈیئر عظمت شبیر اور ایم ڈی سیف سٹیز اتھارٹی محمد احسن یونس نے معاہدے پر دستخط کیے۔ اس معاہدے کے تحت این آر ٹی سی 31 دسمبر 2026 تک پنجاب کی تمام 98 تحصیلوں میں اسمارٹ سیف سٹیز قائم کرے گی۔
تقریب میں آئی جی پنجاب ڈاکٹر عثمان انور، چیف آپریٹنگ آفیسر سیف سٹیز کیپٹن (ر) مستنصر فیروز، سی پی ایل او عبد اللہ احمد، ایس ایس پی سیف سٹی محمد افضل اور دیگر سینئر افسران موجود تھے۔ این آر ٹی سی کی جانب سے جی ایم بریگیڈیئر (ر) زاہد میتلا، جنرل مینجر بریگیڈیئر (ر) شاہد منظور، جنرل مینجر سید عامر جاوید اور پراجیکٹ ڈائریکٹر بریگیڈیئر (ر) مظفر احمد بھی شریک ہوئے۔
ایم ڈی سیف سٹی احسن یونس کے مطابق فیز ون میں ملتان، شیخوپورہ، سیالکوٹ، جہلم، اٹک، سرگودھا اور ڈی جی خان سمیت 18 شہروں میں اسمارٹ سیف سٹیز کے پراجیکٹ مکمل ہو چکے ہیں، جبکہ فیز ٹو کے تحت مزید 19 شہروں میں 31 مارچ تک اسمارٹ سیف سٹیز کی تکمیل متوقع ہے۔
آئی جی پنجاب ڈاکٹر عثمان انور نے کہا کہ وزیر اعلیٰ کے رہنمائی میں تحصیل کی سطح پر سیف سٹیز کے قیام سے پنجاب میں شہری تحفظ کو بہتر بنانے میں مدد ملے گی اور عوام کو محفوظ ماحول فراہم کیا جا سکے گا۔
ذریعہ
ذریعہ: Daily Mumtaz
کلیدی لفظ: میں اسمارٹ سیف سٹیز سیف سٹیز کے
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
تحریکِ تحفظِ آئینِ پاکستان کا پارلیمنٹ ہائوس سے دھرنا ختم