کراچی میں دہائیوں بعد ڈبل ڈیکر بس کا افتتاح، سفر کا کرایہ کتنا ہوگا؟
اشاعت کی تاریخ: 31st, December 2025 GMT
سندھ حکومت نے طویل انتظار کے بعد ڈبل ڈیکر بس سروس کا افتتاح کر دیا، جس کے ذریعے کراچی کے شہریوں کو پبلک ٹرانسپورٹ کی ایک نئی سہولت فراہم کی گئی ہے۔
ڈبل ڈیکر بس سروس کا افتتاح سندھ کے سینیئر وزیر شرجیل انعام میمن اور وزیرتوانائی ناصر شاہ نے کیا۔
یہ بھی پڑھیں:
افتتاحی تقریب کے دوران حکام نے شرجیل میمن کو بسوں کی اہم خصوصیات کے بارے میں بریفنگ دی۔
A positive step forward for the City of Quaid ????
The Sindh Government has launched Double Decker Buses,
providing citizens with comfortable, safe, and modern travel facilities.
Public service is our true identity.#DoubleDeckerBusKarachi@BBhuttoZardari@sharjeelinam pic.twitter.com/vI4wHyFuzH
— Baksher Boto (@baksher_boto321) December 31, 2025
حکام کے مطابق ابتدائی طور پر ڈبل ڈیکر بسیں 22 کلومیٹر طویل روٹ پر چلائی جائیں گی، جو ملیر ہالٹ سے فوارہ چوک تک محیط ہوگا۔
ڈبل ڈیکر بس سروس کا کرایہ 80 روپے سے 120 روپے کے درمیان مقرر کیا گیا ہے۔
شرجیل انعام میمن نے کراچی کے شہریوں کو بہتر سفری سہولیات فراہم کرنے کے حکومتی عزم کا اعادہ کرتے کہا کہ حکومت اپنے وعدے کے مطابق عوامی ٹرانسپورٹ کے نظام کو بہتر بنا رہی ہے۔
انہوں نے بتایا کہ بسیں اگلے روز سے باقاعدہ طور پر سڑکوں پر آجائیں گی اور اگر یہ سروس کامیاب رہی تو اس سروس میں مزید بسیں بھی شامل کی جائیں گی۔
مزید پڑھیں:
شرجیل میمن نے بتایا کہ بس ریپڈ ٹرانزٹ منصوبے کو مکمل کرنے کے لیے بھی اقدامات جاری ہیں اور امید ہے کہ آئندہ سال مارچ یا اپریل تک کراچی کے ٹریفک اور سڑکوں کے مسائل میں نمایاں بہتری آئے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بس ریپڈ ٹرانزٹ پبلک ٹرانسپورٹ ٹریفک ڈبل ڈیکر شرجیل انعام میمن کراچی
ذریعہ
ذریعہ: WE News
کلیدی لفظ: بس ریپڈ ٹرانزٹ پبلک ٹرانسپورٹ ٹریفک ڈبل ڈیکر شرجیل انعام میمن کراچی ڈبل ڈیکر بس سروس کا
پڑھیں:
وزیراعظم اور فیلڈ مارشل نے اسکائی47 ڈیٹا سینٹر قراقرم ون کا افتتاح کردیا
وزیراعظم شہباز شریف اور فیلڈ مارشل سید عاصم منیر نے اسکائی47 ڈیٹا سینٹر قراقرم ون کا افتتاح کردیا۔
وزیراعظم شہباز شریف کو ڈیٹا سینٹر اسکائی 47 قراقرم ون پر بریفنگ دی گئی، جس میں بتایا گیا کہ ڈیٹا سینٹر کلاؤڈ کمپیوٹنگ، ڈیٹا ہوسٹنگ اور ڈیجیٹل خدمات کیلئے مضبوط بنیاد فراہم کرے گا۔
اسکائی47 ڈیٹا سینٹر ٹیکنالوجی کے میدان میں خود انحصاری کی جانب اہم پیشرفت ہے، ڈیٹا سینٹر مصنوعی ذہانت، مشین لرننگ، ہائی پرفارمنس کمپیوٹنگ کے تقاضے پورے کرنے کی صلاحیت رکھتا ہے۔
جدید ترین ڈیٹا سینٹر متاثر کن ہے، وزیراعظمڈیٹا سینٹر کی افتتاحی تقریب سے خطاب کرتے ہوئے وزیراعظم نے کہا کہ جدید ترین ڈیٹا سینٹر متاثر کن اور قابل تحسین ہے، عظیم منصوبے کو دیکھ کر بے حد خوشی ہوئی ہے، منصوبہ انتہائی مختصر مدت میں غیر معمولی عزم، پختہ یقین، اعلیٰ مہارت سے مکمل کیا گیا۔
وزیراعظم نے کہا کہ فیلڈ مارشل کی بصیرت افروز قیادت، شراکت دار زیڈ ٹی ای کو خراج تحسین پیش کرتا ہوں، معرکہ حق میں کامیابی ملکی تاریخ کا عظیم ترین لمحہ تھا، مشکلات اور چیلنجز کا امید، حوصلے سے مقابلہ کریں تو معرکہ حق جیسے تاریخی کارنامے جنم لیتے ہیں۔
انہوں نے کہا کہ مسلسل محنت ایسے عظیم منصوبوں کو حقیقت کا روپ دیتی ہے، متحد ہو کر کام کریں تو کوئی ہدف ناقابل حصول نہیں۔
شہباز شریف نے کہا کہ اسکائی47 جیسے منصوبے پاکستان کے مستقبل کی ضمانت ہیں، قوم کو اسکائی 47 جیسا تحفہ دینے پر تمام اسٹیک ہولڈرز کا مشکور ہوں، منصوبہ ملک کو ناقابل تسخیر سیکیورٹی فراہم کرے گا۔
ڈیٹا سینٹر پاکستان میں مصنوعی ذہانت کے نئے دور کا آغاز، شزا فاطمہوفاقی وزیر آئی ٹی شزا فاطمہ خواجہ نے ڈیٹا سینٹر کی افتتاحی تقریب سے خطاب کرتے ہوئے کہا کہ اسکائی 47 ڈیٹا سینٹر کا افتتاح پاکستان میں مصنوعی ذہانت کے نئے دور کا آغاز ہے، آج ایک نئے معاشی دور کے دروازے کھل رہے ہیں، ہم اپنے وسائل اور افرادی صلاحیت سے بھرپور فائدہ اٹھا سکیں گے۔
شزا فاطمہ خواجہ نے کہا کہ ڈیٹا کو عملی اقدامات میں تبدیل کرنے، مصنوعی ذہانت کو حقیقی معاشی قدر میں ڈھالنے کی صلاحیت ہے، ڈیٹا سے حاصل ہونے والی بصیرت مستقبل کی حقیقی معاشی طاقت ہے، مصنوعی ذہانت کی عالمی دوڑ محفوظ، کم لاگت اور مؤثر استعمال پر منحصر ہوگی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم