ڈی سی دادو اور پولیس کے توہین آمیز رویے پر لیڈی ہیلتھ ورکرز کا احتجاج
اشاعت کی تاریخ: 31st, December 2025 GMT
فائل فوٹو
سندھ کے ضلع دادو میں ڈپٹی کمشنر اور ڈی ایس پی کے مبینہ توہین آمیز ریمارکس کے خلاف لیڈی ہیلتھ ورکرز کی جانب سے احتجاج کیا گیا۔
لیڈی ہیلتھ ورکرز کی رہنما نور بانو ملاح نے پولیو ورکرز کے ساتھ احتجاج کرتے ہوئے کہا کہ پولیو مہم پر مامور 35 ٹیموں کے لیے صرف 4 اہلکار دیے گئے۔
انہوں نے کہا کہ غیرتسلی بخش سیکیورٹی پر ڈپٹی کمشنر سے شکوہ کیا جو انہیں ناگوار گزرا اور ہمارے تحفظات کو ہوائی خبریں اور ڈرامہ قرار دیا۔
سپریم کورٹ کے آئینی بینچ نے لیڈی ہیلتھ ورکرز کو ریگولر کرنے سے متعلق کیس کی سماعت وکیل کی عدم پیشی کے باعث ملتوی کردی۔
نور بانو ملاح کے مطابق ڈی ایس پی نے انہیں کہا کہ ہوائی خبروں پر پولیو ورکر خاتون پر مقدمہ ہونا چاہیے، ہمارا مسئلہ حل نہیں ہوا تو ہائیکورٹ میں آئینی پٹیشن داخل کریں گے۔
رہنما نور بانو ملاح نے مزید کہا کہ افسران کے تمام الزامات بے بنیاد ہیں، ڈی ایچ او معاملے کے حل کے لیے سنجیدہ اقدامات کریں۔
.
ذریعہ
ذریعہ: Jang News
کلیدی لفظ: لیڈی ہیلتھ ورکرز کہا کہ
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی