معاشی اشاریے بہتر، مہنگائی ملکی تاریخ کی کم ترین سطح پر ہے، وفاقی وزیر خزانہ
اشاعت کی تاریخ: 31st, December 2025 GMT
وزیر خزانہ محمد اورنگزیب : فائل فوٹو
وزیر خزانہ محمد اورنگزیب کا کہنا ہے کہ معاشی اشاریے بہتری کی جانب گامزن ہیں، مہنگائی ملکی تاریخ کی کم ترین سطح پر ہے۔
اسلام آباد میں پریس کانفرنس کرتے ہوئے وفاقی وزیر خزانہ نے کہا کہ معاشی استحکام، مہنگائی کے خاتمے اور سرمایہ کاری کے فروغ کےلیے متعدد اقدامات کیے۔
انہوں نے کہا کہ 2025ء میں بھی بدترین سیلاب کا سامنا کرنا پڑا، بد ترین سیلاب کے باوجود عالمی اداروں سے مدد نہ لینے کا فیصلہ کیا، معاشی اصلاحات کی بدولت سرمایہ کاروں کا اعتماد بحال ہوا۔
وزیر خزانہ نے کہا کہ معاشی بہتری کے باعث متعدد قرضوں کی ادائیگی بروقت کی، 2025ء میں اسٹاک ایکس چینج مارکیٹ کی کارکردگی بہترین رہی۔
اُن کا کہنا تھا کہ قومی ایئر لائن کی نجکاری اہم کامیابی ہے، مالیاتی بچت اور قرضوں کی درست منصوبہ بندی سے 6 سے 7 سو ارب کی بچت کی، ٹیرف اصلاحات سے مالیاتی بہتری میں مدد ملی۔
محمد اورنگزیب نے کہا کہ عالمی مالیاتی اداروں نے ڈھانچہ جاتی اصلاحات کو سراہا ہے، ڈیجیٹلائزیشن سے عوام کی زندگی میں آسانی آئی ہے، 2026ء کے دوران 16 نئے آئی پی اوز متوقع ہیں۔
.
ذریعہ
ذریعہ: Jang News
کلیدی لفظ: نے کہا کہ
پڑھیں:
رواں مالی سال کے دوران زرعی شعبے کی شرح نمو 2.9 فیصد، رقبہ کم ہونے کے باوجود پیداوار بہتر رہی
رواں مالی سال26-2025 کے دوران زرعی شعبے کی شرح نمو 2.9 فیصد رہی اور قابل کاشت رقبہ 3.6 فیصد کم ہونے کے باوجود پیداوار بہتر رہی اور اہم فصلوں کی مجموعی پیداوار میں 0.6 فیصد اضافہ ہوا ہے۔
قومی اقتصادی سروے 26-2025 کے اہم نکات کے مطابق گندم کاشت رقبہ 4.4 فیصد اور پیداوار4.3 فیصد بڑھ کر 2 کروڑ 96 لاکھ ٹن رہی۔
مالی سال 26-2025 کے دوران چاول کی پیداوار میں 2.8 فیصد اضافہ ہوگیا، گنے کی پیداوار میں 6.2 فیصد اضافہ ہوا اور مجموعی پیداوار8 کروڑ 94 لاکھ ٹن ریکارڈ کی گئی۔
رپورٹ کے مطابق مکئی کی پیداوار میں 2.7 فیصد کمی آئی تاہم کاشت کا رقبہ گزشتہ سال کے برابر رہا، کپاس کی پیداوار میں بھی 0.5 فیصد کمی رہی اور کاشت کا رقبہ بھی 1.5 فیصد کم ہوگیا۔
دیگر فصلوں میں 2.4 فیصد نمواور پیداوار میں ریکارڈ 50.4 فیصد اضافہ ہوگیا، آلو کی پیداوار 27.6 فیصد، آم 11.6 فیصد اور کیلے کی پیداوار 30.8 فیصد بڑھ گئی۔
اسی طرح ہلدی کی پیداوار میں 25.1 فیصد مرچوں کی پیداوار میں 9.2 فیصد، کاٹن جننگ اور متفرق زرعی شعبوں کی شرح نمو صرف 0.1 فیصد رہی اور لائیو اسٹاک شعبے کی شرح نمو 3.8 فیصد رہی۔
وزارت آئی ٹی نے 1.67 ارب روپے سے زاید کے فنڈز طلب کرلیے