جماعت اسلامی کراچی کے ترقیاتی کاموں کا جائزہ، عوامی خدمت کے عزم کا اعادہ
اشاعت کی تاریخ: 31st, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان نے نائب امیر کراچی انجینئر سلیم اظہر، ٹاؤن چیئرمین نارتھ ناظم آباد عاطف علی خان اور سیکریٹری اطلاعات زاہد عسکری کے ہمراہ نارتھ ناظم آباد کے مختلف بلاکس (اے، بی، ای، ایف، ایل، ایم، این، آئی، اور جی) کا دورہ کیا اور ٹاؤن کے تحت جاری ترقیاتی کاموں کا تفصیلی جائزہ لیا۔
اس موقع پر منعم ظفر خان نے کہا کہ نارتھ ناظم آباد میں تیز رفتاری سے جاری ترقیاتی کام خوش آئند ہیں، اور ٹاؤن چیئرمین سمیت پوری ٹیم اس کا خراج تحسین کی مستحق ہے، سندھ حکومت کی جانب سے ٹاؤنز کو ترقیاتی فنڈز نہ دینے اور اختیارات نچلی سطح تک منتقل نہ کرنے کے باوجود جماعت اسلامی کے منتخب نمائندے عوامی خدمت کے کاموں میں مصروف ہیں،ہمارا عزم ہے کہ جماعت اسلامی اپنے 9 ٹاؤنز میں عوام کو ریلیف پہنچانے کے لیے ہر ممکن کوشش کرے گی۔
منعم ظفر خان نے کہا کہ نارتھ ناظم آباد ٹاؤن میں مختلف ترقیاتی منصوبوں کے ساتھ ساتھ بڑے پیمانے پر سیوریج کے کام بھی جاری ہیں۔ ٹاؤن چیئرمین کے ذمے سیوریج کے مسائل کا حل نہ ہونے کے باوجود جماعت اسلامی عوام کو ریلیف فراہم کرنے کے لیے بھرپور کوششیں کر رہی ہے۔ ان ترقیاتی کاموں میں 75 فیصد کام سڑکوں کی تعمیر، گلیوں میں پیور بلاکس، اسٹریٹ لائٹس کی تنصیب اور پارکوں کی بحالی شامل ہیں۔
انہوں نے بتایا کہ ٹاؤن کے تحت وضو اور رین واٹر کو زیرِ زمین جمع کرنے کا بھی انتظام کیا جا رہا ہے جس سے عوام کو فائدہ ہوگا،ہماری کوشش ہے کہ ہم نہ صرف کام کو احسن طریقے سے مکمل کریں بلکہ کام کے معیار کو بھی بہتر رکھیں، اور جہاں جہاں ضرورت ہو، کام کی ٹیسٹنگ بھی کی جائے گی۔
منعم ظفر خان نے مزید کہا کہ جماعت اسلامی کے زیر انتظام ٹاؤنز میں محدود وسائل کے باوجود تعمیر و ترقی کے کام جاری ہیں۔ نئی کراچی میں سیکڑوں گلیوں کی تعمیر، نارتھ ناظم آباد میں ماڈل حیدری مارکیٹ اور فری وائی فائی سروس، گلبرگ، لانڈھی، لیاقت آباد، ناظم آباد اور دیگر ٹاؤنز میں علاقوں کی بہتری، اسکولز کی بحالی، ہیلتھ یونٹس اور روڈ سائیڈ جنگل کے منصوبے عملی شکل اختیار کر رہے ہیں۔
ذریعہ
ذریعہ: Jasarat News
کلیدی لفظ: نارتھ ناظم آباد جماعت اسلامی ترقیاتی کام
پڑھیں:
شہید آیت اللہ خامنہ ای کی تدفین کی تیاریاں، 3 روزہ تقریبات کا اعلان
ایرانی میڈیا میں شہید آیت اللہ سید علی خامنہ ای کی تدفین سے متعلق دعؤوں کے حوالے سے نئی تفصیلات سامنے آئی ہیں، جبکہ ایرانی حکام کی جانب سے مبینہ طور پر تدفین کے انتظامات کے حوالے سے تیاریوں کا ذکر کیا گیا ہے۔ اسلام ٹائمز۔ ایرانی خبررساں ایجنسی کے مطابق تہران کے نائب میئر برائے سماجی و ثقافتی امور محمد امین توکلی زادہ نے کہا ہے کہ تدفین سے قبل 3 روزہ عوامی تقریبات کا انعقاد کیا جائے گا، جن کے دوران عوام کو عظیم شہید راہنما کو خراجِ عقیدت پیش کرنے کا موقع دیا جائے گا۔ محمد امین توکلی زادہ کے مطابق عوامی تقریبات کے اختتام پر نمازِ جنازہ ادا کی جائے گی، جس کے بعد جلوس کا آغاز ہوگا، تہران میں یہ جلوس کم از کم 24 گھنٹے تک جاری رہ سکتا ہے۔ انہوں نے مزید بتایا کہ بعد ازاں تقریبات ایران کے اہم مذہبی مراکز قم اور مشہد میں بھی جاری رہیں گی، شہید آیت اللہ سید علی خامنہ ای کی خواہشات کے مطابق تدفین مشہد میں روضۂ امام رضاؑ کے قریب کیے جانے کا امکان ہے۔
ایرانی حکام کے مطابق یہ تقریب ملک کی جدید تاریخ کے بڑے عوامی اجتماعات میں شمار ہو سکتی ہے، تہران میں انتظامات اس انداز سے کیے جا رہے ہیں کہ ایک کروڑ 50 لاکھ سے 2 کروڑ افراد تک ان تقریبات میں شرکت کر سکیں۔ ان کے مطابق انتظامات کی مجموعی نگرانی پاسدارانِ انقلاب کریں گے جبکہ بلدیاتی حکام اور دیگر ریاستی ادارے لاجسٹک اور عوامی سہولیات کی فراہمی میں معاونت کریں گے۔ تاہم ان دعؤوں اور تفصیلات کی آزاد ذرائع سے تصدیق نہیں ہو سکی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ