دنیا بھر سمیت پاکستان میں بھی نئے سال کا رنگا رنگ آغاز، آتش بازی کا شاندار مظاہرہ
اشاعت کی تاریخ: 31st, December 2025 GMT
دنیا بھر کی طرح پاکستان میں بھی عیسوی سال 2026 کا رنگا رنگ آغاز ہو گیا ہے اور رات کے 12 بجتے ہی مختلف شہروں میں آتش بازی کا مظاہرہ کیا گیا ہے۔
12 بجتے ہی اسلام آباد سمیت مختلف شہروں میں آسمان آتش بازی کے شاندار مظاہرے سے جگمگا اٹھا۔ اسلام آباد میں سینٹوریس مال کے قریب رنگا رنگ آتش بازی کی گئی۔
نئے سال کا آغاز سب سے پہلے نیوزی لینڈ سے ہوا، پھر اس کے بعد آسٹریلیا میں نئے سال نے دستک دی، جہاں لوگوں کی جانب سے بھرپور جشن منایا گیا۔
آسٹریلیا کے بعد جاپان، کوریا، انڈونیشیا میں نیا سال شروع ہوا، جبکہ اب پاکستان میں بھی نئے سال کا آغاز ہو گیا ہے۔
یہ بھی پڑھیے: سڈنی میں نئے سال کی تقریبات، بانڈی بیچ حملے میں ہلاک ہونے والے افراد کو خراج عقیدت
پاکستانی وقت کے مطابق سہ پہر 4 بجے جب گھڑی نے 12 کا ہندسہ چھوا تو نیوزی لینڈ کے شہر آکلینڈ کے معروف سکائی ٹاور سے رنگا رنگ آتشبازی کا آغاز ہوا جس نے آسمان کو روشن کر دیا۔
سال نو کی خوشیوں میں شریک ہونے کے لیے شہریوں کی بڑی تعداد سکائی ٹاور اور اطراف کے علاقوں میں جمع تھی۔
دوسری طرف آسٹریلیا کے شہر سڈنی میں نئے سال کی آمد اس بار روایتی جوش و خروش کے بجائے غم، یکجہتی اور خراجِ عقیدت کے ماحول میں ہوئی۔
چند ہفتے قبل بانڈی بیچ میں ہونے والے ہولناک دہشت گرد حملے میں جاں بحق ہونے والے 15 افراد کی یاد میں ہزاروں افراد نے سڈنی ہاربر پر ایک منٹ کی خاموشی اختیار کی۔
یہ بھی پڑھیے: سال 2026 کا نیوزی لینڈ کے بعد سڈنی سے بھی رنگا رنگ آغاز، آتش بازی کا مظاہرہ
بانڈی بیچ حملے کے متاثرین کو خراجِ عقیدت پیش کرنے کے لیے رات 11 بجے شہریوں نے اپنے موبائل فون کی لائٹس روشن کیں، جبکہ سڈنی ہاربر برج پر منورہ، امن کی علامت کبوتری نقش اور الفاظ ‘امن’ اور ‘اتحاد’ نمایاں طور پر روشن کیے گئے۔
نیو ایئر نائٹ کے موقع پر اسلام آباد سمیت ملک بھر میں سیکیورٹی کے فول پروف انتظامات کیے ہیں۔ ملک کے کئی شہروں میں پولیس نے فول پروف سیکیورٹی انتظامات کرتے ہوئے شہریوں کو انتباہ جاری کیا ہے کہ قانون کی خلاف ورزی پر کارروائی کی جائےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
2025 2026 آتش بازی نیا سال.
ذریعہ
ذریعہ: WE News
کلیدی لفظ: نیا سال رنگا رنگ بازی کا نئے سال
پڑھیں:
کوہاٹ: ڈیرہ اسماعیل خان میں نامعلوم افراد کی فائرنگ، بچے سمیت 3 افراد قتل
ڈیرہ اسماعیل خان+ کوہاٹ (نامہ نگاران) کوہاٹ شہر کے علاقہ چشمہ جات کے قریب فائرنگ سے ایک راہگیر بچے سمیت دو افراد کو قتل کر دیا گیا۔ قتل ہونے والا شخص کرم پولیس کا اہلکار ہے۔ تفصیلات کے مطابق کوہاٹ شہر کے علاقہ چشمہ جات کے قریب نامعلوم ملزموں کی جانب سے فائرنگ میں کرم پولیس کا اہلکار رحیم سکنہ جنگل خیل کوہاٹ اور ایک راہگیر بچہ نقیب اللہ سکنہ میاں گڑھی جو نہانے کے لئے چشمہ جات آیا ہوا تھا۔ لگ کر جان بحق ہوگئے۔ جبکہ ڈیرہ اسماعیل خان کی تحصیل پنیالہ کے گائوں کٹہ خیل میں نامعلوم ملزموں نے فائرنگ کرکے ایک نوجوان کو قتل کردیا۔ تفصیلات کے مطابق تحصیل پنیالہ کی گائوں کٹہ خیل میں نامعلوم ملزموں نے مسجد کے اندر نماز ادا کرنیوالے نوجوان وحید اللہ ولد عبدالرشید سکنہ محلہ بیگ خیل کو فائرنگ کرکے قتل کردیا اور موقع سے فرار ہوگئے۔
بھارت سے جنگ اور افغانستان میں کارروائی خارج ازامکان نہیں، وزیردفاع