راولپنڈی سے 20 سالہ لڑکی اغوا ہوکر دبئی پہنچ گئی، اغواکاروں کا 2 کروڑ روپے تاوان کا مطالبہ
اشاعت کی تاریخ: 31st, December 2025 GMT
راولپنڈی میں 20 سالہ لڑکی پراسرار طور پر اغوا ہوکر دبئی پہنچ گئی جس کے بعد اغواکاروں نے گھر والوں سے رہائی کے بدلے 2 کروڑ روپے تاوان کا مطالبہ کیا۔
پولیس کے مطابق راولپنڈی کے تھانہ چکلالہ کے علاقے افضل ٹاؤن سے 20 سالہ لڑکی کے پراسرار حالات میں لاپتا ہونے کا معاملہ سامنے آیا ہے جس کے بعد اہلِ خانہ سے واٹس ایپ کے ذریعے دو کروڑ روپے تاوان کا مطالبہ بھی کیا گیا ہے۔ واقعے نے اس وقت نیا رخ اختیار کر لیا جب تفتیش کے دوران لڑکی کے دبئی پہنچنے کی اطلاعات سامنے آئیں۔
پولیس کے مطابق مغویہ کے بھائی کی مدعیت میں مقدمہ درج کر لیا گیا ہے، مدعی مقدمہ نے پولیس کو بتایا کہ 30 دسمبر کو اس کی 20 سالہ ہمشیرہ گھر سے میڈیکل اسٹور جانے کے لیے نکلی، تاہم کافی دیر گزرنے کے باوجود واپس نہ آئی۔ اہلِ خانہ نے رابطہ کرنے کی کوشش کی تو لڑکی کا موبائل فون بند ملتا رہا۔ تلاش کے باوجود کوئی سراغ نہ ملا، بعدازاں مغویہ کے واٹس ایپ نمبر سے ایک پیغام موصول ہوا۔
مدعی کے مطابق واٹس ایپ پیغام میں ایک نامعلوم شخص پشتو زبان میں بات کر رہا تھا جس نے تین دن کے اندر دو کروڑ روپے کا بندوبست کرنے کا مطالبہ کیا اور دھمکی دی کہ رقم نہ دی گئی تو لڑکی سے ہاتھ دھو بیٹھیں گے۔ اہلِ خانہ کا مؤقف ہے کہ لڑکی کو کسی نامعلوم شخص یا گروہ نے اغوا کر کے تاوان کا مطالبہ کیا ہے۔
پولیس نے اغوا برائے تاوان کے جرم میں مقدمہ درج کر کے تفتیش شروع کر دی۔ تفتیش کے دوران حیران کن طور پر یہ اطلاعات سامنے آئیں کہ مذکورہ لڑکی دبئی جا چکی ہے۔ اس پیش رفت کے بعد پولیس نے ایئرپورٹ سے ٹریول ہسٹری چیک کرنے کے لیے ایف آئی اے امیگریشن سے رجوع کرنے کا فیصلہ کیا۔
پولیس حکام کے مطابق معاملہ اس وجہ سے پیچیدہ ہو گیا ہے کہ بظاہر اغوا شدہ لڑکی ایئرپورٹ کے ذریعے سفر نہیں کر سکتی، تاہم ایئرپورٹ امیگریشن کی جانب سے لڑکی کے دبئی جانے کی تصدیق کر دی گئی ہے۔
پولیس ذرائع کا کہنا ہے کہ لڑکی نے دبئی روانگی کے دوران ایئرپورٹ پر کسی قسم کا ردِعمل ظاہر نہیں کیا جس سے یہ ظاہر ہوتا ہے کہ لڑکی نے اپنی مرضی سے سفر کیا۔
راولپنڈی پولیس کے مطابق چکلالہ پولیس واقعے کی مکمل تفتیش کر رہی ہے اور جدید ٹیکنالوجی، ہیومن انٹیلیجنس سمیت تمام دستیاب ذرائع بروئے کار لائے جا رہے ہیں۔
پولیس کا کہنا ہے کہ سینئر افسران تفتیش کی نگرانی کر رہے ہیں اور مغویہ کی بازیابی کو ہر صورت یقینی بنایا جائے گا، پولیس نے تفتیش کا دائرہ مزید وسیع کر دیا ہے۔
.
ذریعہ
ذریعہ: Express News
کلیدی لفظ: تاوان کا مطالبہ کروڑ روپے کے مطابق
پڑھیں:
بجٹ 2026-27، پائیڈ کی کم از کم ماہانہ تنخواہ 45 ہزار روپے مقرر کرنے کی تجویز
اسلام آباد، نئے مالی سال 2026-27 کے بجٹ میں کم از کم ماہانہ اجرت یا تنخواہ (minimum wages monthly)کے تعین کے حوالے سے پاکستان انسٹی ٹیوٹ آف ڈیویلپمنٹ اکنامکس (پائیڈ) نے اہم سفارشات پیش کر دی ہیں۔
پائیڈ نے مالی سال 2026-27 کیلئے کم از کم ماہانہ اجرت 40 ہزار روپے سے بڑھا کر 45 ہزار روپے مقرر کرنے کی تجویز دی ہے، جو موجودہ کم از کم اجرت کے مقابلے میں 12.5 فیصد اضافے کے برابر ہے۔
ادارے نے کم از کم اجرت کے تعین کیلئے شفاف اور سائنسی بنیادوں پر مبنی نظام تجویز کرتے ہوئے کہا ہے کہ اجرت کا تعلق غربت، مہنگائی اور عوام کی قوتِ خرید سے براہِ راست جڑا ہوا ہے۔
سفارشات کے مطابق سندھ میں کم از کم ماہانہ اجرت 46 ہزار روپے، پنجاب اور خیبرپختونخوا میں 45 ہزار روپے جبکہ بلوچستان میں 45 ہزار 500 روپے مقرر کرنے کی تجویز دی گئی ہے۔
پائیڈ نے کم از کم اجرت کے نفاذ کو مرحلہ وار یقینی بنانے کی سفارش کرتے ہوئے کہا ہے کہ سرکاری ٹھیکوں اور آؤٹ سورس خدمات میں کم از کم اجرت پر عملدرآمد کو لازمی قرار دیا جانا چاہیے۔
ادارے کے مطابق پاکستان میں 80 فیصد سے زائد روزگار غیر رسمی شعبے میں ہونے کے باعث کم از کم اجرت کے قانون پر عملدرآمد ایک بڑا چیلنج ہے۔
پائیڈ نے یہ بھی تجویز دی ہے کہ تمام صوبے سالانہ کم از کم اجرت پر عملدرآمد کی رپورٹ جاری کریں تاکہ نظام کی نگرانی اور مؤثر جائزہ ممکن ہو سکے۔رپورٹ کے مطابق مجوزہ فریم ورک پلاننگ کمیشن کو غور کیلئے بھجوا دیا گیا ہے۔
مزید پڑھیں:سانحہ اٹلی، جاں بحق افراد کی شہریت کی تصدیق تاحال نہیں ہو سکی، دفتر خارجہ
پائیڈ کا کہنا ہے کہ کم از کم اجرت کا نظام محض سالانہ اعلان تک محدود نہیں ہونا چاہیے بلکہ اسے مؤثر طرزِ حکمرانی، نگرانی اور عملدرآمد کے نظام سے جوڑا جانا ضروری ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ