سوات کے میدانی علاقوں میں بارش ، پہاڑوں پر برفباری
اشاعت کی تاریخ: 1st, January 2026 GMT
data-id="863a0a8" data-element_type="widget" data-widget_type="theme-post-content.default">
260101-08-24
سوات (صباح نیوز)سوات کے میدانی علاقوں میں بارش اور پہاڑی مقامات پر برفباری، سرد موسم کی شد ت میں اضافہ ہوگیا، گزشتہ روز سوات کے تمام میدانی علاقوں بشمول مرکزی شہر مینگورہ میں بارش جبکہ پہاڑی اور سیاحتی مقامات پر برف باری کا سلسلہ شروع ہوگیا، موسم کی دوسری برفباری کا سلسلہ دیکھنے کے لیے ملک کے مختلف علاقوں سے سیاحوں نے ایک بارپھر سوات کا رُخ کرلیا ہے، دوسری جانب بارش اور برفباری سے سوات کے طول وعرض میں سردی کی شدت بڑھ گئی اور لوگوں نے گرم ملبوسات کا استعمال شروع کردیا، محکمہ موسمیات کے مطابق بارش اور برفباری کا موجودہ سلسلہ آج جمعرات تک جاری رہنے کا امکان ہے، ضلعی انتظامیہ نے سیاحتی علاقوں مالم جبہ، گبین جبہ، مدین، بحرین اور کالام کا سفر کرنے والوں کو احتیاطی تدابیر کی ہدایات جاری کرتے ہوئے برف والے علاقوں میں گاڑیوں کے ٹائروں پر چین کے استعمال کی ہدایت کی ہے تاکہ کسی ناخوشگوار واقعہ سے بچا جاسکے۔
ذریعہ
ذریعہ: Jasarat News
کلیدی لفظ: سوات کے
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
بھارت سے جنگ اور افغانستان میں کارروائی خارج ازامکان نہیں، وزیردفاع