وزیراعظم نے بیرونی اور ملکی سرمایہ کاروں کے لیے سہولت کاری کی تجاویز طلب کر لیں
اشاعت کی تاریخ: 1st, January 2026 GMT
وزیراعظم نے بیرونی اور ملکی سرمایہ کاروں کو مزید سہولیات فراہم کرنے کے لیے متعلقہ وزارتوں سے سفارشات طلب کر لی ہیں اور ہدایت دی ہے کہ سرمایہ کاری میں اضافہ کرنے کے لیے برآمدات کے شعبے کو خاص ترجیح دی جائے۔
نجی میڈیا رپورٹس کے مطابق نئے سال کے پہلے دن وزیراعظم کی صدارت میں معیشت سے متعلقہ تمام وزارتوں کے اجلاس کا انعقاد کیا گیا، جس میں موجودہ انتظامی اور معاشی اصلاحات، سرمایہ کاری میں پیش رفت اور ترقیاتی منصوبوں کا جائزہ لیا گیا۔ اجلاس میں نائب وزیراعظم اسحاق ڈار، وزیر منصوبہ بندی احسن اقبال، وزیر اطلاعات عطاء اللہ تارڑ، وزیر پٹرولیم علی پرویز ملک، وزیر اقتصادی امور احد خان چیمہ، مشیر رانا ثناء اللہ، معاون خصوصی ہارون اختر، تمام صوبوں کے چیف سیکریٹریز، نیشنل کوآرڈینیٹرز، ایس آئی ایف سی کے حکام اور دیگر متعلقہ حکام شریک ہوئے۔
اپنے خطاب میں وزیراعظم نے کہا کہ تمام وزارتیں جلد از جلد بیرونی اور ملکی سرمایہ کاری اور ترقیاتی منصوبوں کے لیے سفارشات مرتب کریں۔ انہوں نے زور دیا کہ حکومت کی اقتصادی اصلاحات اور معاشی گورننس کی پالیسی پر موثر عملدرآمد ناگزیر ہے، اور سرمایہ کاروں کی سہولت کے لیے ادارہ جاتی اور انتظامی اقدامات اولین ترجیح ہیں۔
وزیراعظم نے خاص طور پر ہدایت دی کہ برآمدات کے شعبے کی ترویج اور ترقیاتی منصوبوں کو ترجیح دی جائے تاکہ سرمایہ کاری میں اضافہ ممکن ہو۔ انہوں نے وزارتوں کے درمیان تعاون اور وفاقی و صوبائی حکومتوں کی ہم آہنگی کو معاشی ترقی کے لیے کلیدی قرار دیا۔
وزیراعظم شہباز شریف نے مزید کہا کہ بیرونی سرمایہ کاری میں اضافے کے لیے وزارتیں پاکستانی سفارت خانوں کے ذریعے سرمایہ کاروں کو مؤثر سہولت فراہم کریں، ابتدائی معلومات اور رہنمائی کو یقینی بنائیں، اور صنعتی پیداوار، زراعت اور دیگر اہم شعبوں پر یکساں توجہ دیں تاکہ سرمایہ کاری میں مستحکم اضافہ ممکن ہو۔
ذریعہ
ذریعہ: Daily Mumtaz
کلیدی لفظ: سرمایہ کاری میں سرمایہ کاروں کے لیے
پڑھیں:
کاروباری عدم اعتماد، 80 فیصد اداروں کے سرمایہ کاری فیصلے موخر، اوورسیز چیمبر
اسلام آباد،اوورسیز چیمبر آف کامرس سروے (overseas chamer commerce)میں بتایا گیا کہ پاکستان میں کاروباری اعتماد کمزور ہوگیا، 70 سے 80 فیصد اداروں کے سرمایہ کاری فیصلے موخر ہوئے۔
سروے میں بتایا گیا کہ مجموعی کاروباری اعتماد 9 فیصد پوائنٹس کمی سے مثبت 13 فیصد رہ گیا، خدمات کے شعبے میں اعتماد 20 پوائنٹس گر کر مثبت 14 فیصد رہ گیا۔
اوورسیز چیمبر سروے کے مطابق مینوفیکچرنگ کے شعبے میں کاروباری اعتماد 7 پوائنٹس کم ہوگیا، صرف ریٹیل سیکٹر میں کاروباری اعتماد 3 پوائنٹس اضافے سے مثبت 20 فیصد ہوگیا۔
مزید پڑھیں:سیکیورٹی خدشات: ڈرون اڑانے پر پابندی میںمزید 30 دن کی توسیع
سروے میں یہ بھی بتایا گیا کہ نئی سرمایہ کاری انڈیکس 10 پوائنٹس کمی سے صرف مثبت 2 فیصد رہ گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ