گلشن اقبال ٹاؤن کونسل ، چیئرمین ڈاکٹر فواد احمد کے حق میں قرارداد منظور
اشاعت کی تاریخ: 2nd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) گلشن اقبال ٹاؤن کونسل کے 14ویں اجلاس میں چیئرمین ڈاکٹر فواد احمد کی بہترین کارکردگی اور ترقیاتی خدمات کے اعتراف میں متفقہ طور پر تہنیتی قرارداد منظور کر لی گئی۔ قرارداد رکن کونسل اور وائس چیئرمین یوسی 8 آصف عبدالکریم نے پیش کی جس کی تمام ارکان نے تائید کی۔ قرارداد میں کہا گیا کہ چیئرمین کی قیادت میں سڑکوں کی تعمیر، اسٹریٹ لائٹس، پارکس کی تزئین و آرائش اور ملازمین کے لیے ہیلتھ پالیسی و حج قرعہ اندازی جیسے اقدامات قابل ستائش ہیں۔ آصف عبدالکریم نے کہا کہ ٹاؤن کی ہر یوسی میں ماڈل روڈ بنائی جا رہی ہے، عزیز بھٹی پارک سے شاہین اسٹور تک ڈرین لائن اور سڑک کا کام مکمل ہو چکا ہے۔ کونسل نے چیئرمین کے وڑن ’’آؤ مل کر گلشن کو گلشن بنائیں‘‘ کی تکمیل کے لیے متحد ہو کر کام کرنے کے عزم کا اعادہ کیا۔
ذریعہ
ذریعہ: Jasarat News
پڑھیں:
کے پی اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم ہے، الیکشن کمیشن
الیکشن کمیشن نے خیبر پختونخوا اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم قرار دے دیا۔
اسلام آباد سے الیکشن کمیشن کے خط کے مطابق خیبر پختونخوا اسمبلی کی جانب سے کی جانے والی ترمیم آئین اور قانون سے متصادم ہے۔
الیکشن کمیشن آف پاکستان کے ایڈیشنل ڈائریکٹر جنرل چوہدری ندیم قاسم کی جانب سے چیف سیکریٹری خیبر پختونخوا کو تحریر کیے گئے خط کے مطابق خیبر پختونخوا اسمبلی نے بلدیاتی حکومت کا نیا ترمیمی بل 6 جولائی کو منظور کیا۔
الیکشن کمیشن کے خط کے مطابق گورنر کے پی نے بلدیاتی حکومت کے نئے ترمیمی بل کی توثیق کر دی ہے، ترمیم کے مطابق ضلع میں ویلیج اور نیبر ہڈ کونسل کی آبادی 30 سے 40 ہزار کے درمیان ہوگی، ترمیم کے مطابق الیکشن کمیشن حکومت سے مشاورت سے کوئی تبدیلی کر سکے گا۔
خط کے مطابق الیکشن ایکٹ اور آئین کے مطابق بلدیاتی حکومتوں کے الیکشن کے لیے حلقہ بندی کرنا الیکشن کمیشن کا اختیار ہے، حلقہ بندی کے معاملے پر حکومت سے مشاورت بھی آئین کی روح کے خلاف ہے۔
الیکشن کمیشن کے خط کے مطابق الیکشن کمیشن کے لیے اس ترمیم کے تحت 30 سے 40 ہزار کی آبادی کے لیے حلقہ بندی کرنا قابل عمل نہیں۔
خط کے متن کے مطابق آئین کے تحت کوئی قانون الیکشن کمیشن کے اختیارات نہیں لے سکتا، اتنی تاخیر سے یہ ترمیم کرنا بظاہر بلدیاتی انتخابات میں تاخیر کا حربہ ہے۔
الیکشن کمیشن کے خط کے مطابق خیبر پختونخوا حکومت اس معاملے پر معاونت کرے تاکہ بلدیاتی انتخابات کا انعقاد کیا جا سکے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی