امریکا میں ٹریفک حادثہ، سابق ائیر چیف نور خان کی صاحبزادی ڈاکٹر فائقہ نور خان جاں بحق
اشاعت کی تاریخ: 2nd, January 2026 GMT
data-id="863a0a8" data-element_type="widget" data-widget_type="theme-post-content.default">
سابق سربراہ پاک فضائیہ ائیر مارشل نور خان کی بیٹی ڈاکٹر فائقہ نور خان امریکا میں ایک افسوسناک ٹریفک حادثے میں جاں بحق ہو گئیں۔
غیر ملکی میڈیا کے مطابق یہ حادثہ امریکی ریاست ورجینیا کی کاؤنٹی ڈینوڈی میں ویک اینڈ پر پیش آیا۔
ورجینیا پولیس کے مطابق ڈاکٹر فائقہ نور خان کی گاڑی سڑک سے ٹکرا گئی جس کے بعد گاڑی میں آگ بھڑک اٹھی، حادثے کے نتیجے میں وہ موقع پر ہی دم توڑ گئیں۔ پولیس کا کہنا ہے کہ حادثے کی مزید تحقیقات جاری ہیں۔
میڈیا رپورٹس کے مطابق 75 سالہ ڈاکٹر فائقہ نور خان ایک معروف پیڈیاٹریشن تھیں اور انہوں نے 1993 میں بچوں کے دی کنگز ڈاٹر اسپتال میں بطور فزیشن خدمات کا آغاز کیا۔ بعد ازاں وہ طویل عرصے تک اسی اسپتال کے ایمرجنسی ڈپارٹمنٹ کی میڈیکل ڈائریکٹر کے طور پر فرائض انجام دیتی رہیں۔
اسپتال انتظامیہ کی جانب سے جاری بیان میں کہا گیا ہے کہ ڈاکٹر فائقہ بچوں اور ان کے اہل خانہ کے لیے نہایت مخلص اور ہمدرد معالجہ تھیں، جبکہ نوجوان ڈاکٹروں کی تربیت میں بھی ان کا کردار نمایاں رہا۔
دوسری جانب کنگ ایڈورڈ میڈیکل یونیورسٹی لاہور نے بھی ڈاکٹر فائقہ نور خان کے انتقال پر گہرے دکھ اور افسوس کا اظہار کیا ہے۔ یونیورسٹی کے مطابق ڈاکٹر فائقہ نے 1973 میں کنگ ایڈورڈ میڈیکل کالج سے گریجویشن کی تھی اور وہ تدریسی خدمات بھی انجام دے چکی تھیں۔
.
ذریعہ
ذریعہ: Jasarat News
کلیدی لفظ: ڈاکٹر فائقہ نور خان کے مطابق
پڑھیں:
سابق گورنر چودھری سرور کے بیٹے انس برطانیہ کے وزیر تجارت نامزد
لندن، لاہور (نمائندہ خصوصی، خصوصی نامہ نگار) سابق گورنر پنجاب چودھری محمد سرور کے بیٹے انس سرور برطانیہ کے نئے وزیر تجارت مقرر ہوگئے۔ برطانوی وزیر اعظم اینڈی برنہم نے انس سرور کو وزیر تجارت مقرر کر دیا ہے۔ وہ اپنی نئی تقرری کے بعد ہاؤس آف لارڈ کے ممبر بھی بن جائیں گے۔ انس سرور کو برطانیہ کے تینوں ہاؤسز کا ممبر بننے کا منفرد اعزاز بھی حاصل ہو گیا ہے، وہ اس سے پہلے برطانوی سیاست میں مختلف اہم ذمہ داریاں انجام دے چکے ہیں۔ برطانیہ بھر میں پاکستانیوں نے خوشی کا اظہار کیا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی