بنگلہ دیش :جماعتِ اسلامی کے امیر کی طارق رحمان سے ملاقات، بی این پی کے ساتھ تعاون پر آمادگی کا اظہار
اشاعت کی تاریخ: 2nd, January 2026 GMT
بنگلہ دیش جماعتِ اسلامی کے امیر ڈاکٹر شفیق الرحمان نے ملک میں سیاسی استحکام اور اصلاحات کے لیے بنگلہ دیش نیشنلسٹ پارٹی (بی این پی) کے ساتھ مل کر کام کرنے کی خواہش ظاہر کی ہے۔ یہ بات انہوں نے بی این پی کے قائم مقام چیئرمین طارق رحمان سے ملاقات کے بعد میڈیا سے گفتگو میں کہی۔
یہ بھی پڑھیں:بنگلہ دیش: سارک کی روح زندہ ہے، تنظیم فعال ہونی چاہیے، چیف ایڈوائزر محمد یونس
وی نیوز کے مطابق جماعتِ اسلامی کے امیر ڈاکٹر شفیق الرحمان نے جمعرات کی شام ڈھاکہ کے علاقے گلشن میں بی این پی کے دفتر میں طارق رحمان سے ملاقات کی۔ اس موقع پر انہوں نے سابق وزیرِاعظم اور بی این پی کی چیئرپرسن بیگم خالدہ ضیا کے انتقال پر طارق رحمان اور ان کے اہلِ خانہ سے تعزیت بھی کی۔
ملاقات میں بی این پی کے سیکریٹری جنرل مرزا فخرالاسلام عالمگیر اور اسٹینڈنگ کمیٹی کے رکن صلاح الدین احمد بھی موجود تھے۔ رہنماؤں کے درمیان ملک کی مجموعی سیاسی صورتحال اور بیگم خالدہ ضیا کے انتقال پر عوامی ردعمل پر تفصیلی تبادلہ خیال کیا گیا۔
یہ بھی پڑھیں:خالدہ ضیا کی نماز جنازہ ادا کردی گئی، بنگلہ دیش کی سیاست کا ایک دور ختم
بعد ازاں صحافیوں سے گفتگو کرتے ہوئے ڈاکٹر شفیق الرحمان نے کہا کہ بیگم خالدہ ضیا قوم کی جانب سے غیرمعمولی احترام کے ساتھ رخصت ہوئیں وہ سیاسی اتحاد کی علامت تھیں۔ ان کا کہنا تھا کہ خالدہ ضیا کی سیاسی وراثت مستقبل میں اپوزیشن جماعتوں کے درمیان تعاون کی بنیاد بن سکتی ہے۔
انہوں نے فروری کی 12 تاریخ کو متوقع قومی انتخابات اور ریفرنڈم کا حوالہ دیتے ہوئے کہا کہ یہ دونوں مراحل پُرامن اور شفاف ہونے چاہئیں۔ ڈاکٹر شفیق الرحمان نے کہا کہ ماضی میں بھی ملکی مفاد میں جماعتِ اسلامی اور بی این پی نے مل کر کام کیا ہے اور آئندہ بھی ایسا کرنے کے لیے تیار ہیں۔
جماعتِ اسلامی کے امیر نے انتخابات کے بعد اور نئی حکومت کی تشکیل سے قبل تمام سیاسی قوتوں کے درمیان وسیع مشاورت کی تجویز دیتے ہوئے کہا کہ آئندہ 5 برس کے استحکام کے لیے کھلے دل سے بیٹھ کر قومی مفاد میں فیصلے کرنا ہوں گے۔ ان کے مطابق خالدہ ضیا کے دور میں قائم ہونے والا اتحاد کا پلیٹ فارم مستقبل کے تعاون کے لیے ایک مضبوط بنیاد فراہم کر سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیر جماعت بنگلہ دیش بی این پی جماعت اسلامی بنگلہ دیش ڈاکٹر شفیق الرحمان طارق رحمان.
ذریعہ
ذریعہ: WE News
کلیدی لفظ: امیر جماعت بنگلہ دیش بی این پی جماعت اسلامی بنگلہ دیش ڈاکٹر شفیق الرحمان
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع