مذاکرات کی راہ میں رکاوٹ خود عمران خان ہیں، مشیر وزیر اعظم

اشاعت کی تاریخ: 2nd, January 2026 GMT

اسلام آباد:وزیراعظم شہباز شریف کے مشیر برائے سیاسی امور رانا ثنا اللہ نے کہا ہے کہ پی ٹی آئی کے چیئرمین عمران خان ہی وہ اصل رکاوٹ ہیں جو حکومت اور اپوزیشن کے درمیان مذاکرات کے عمل کو آگے بڑھنے نہیں دے رہے۔

رانا ثنا نے کہا کہ یہ تصور کرنا کہ وزیراعظم نے مذاکرات کی پیشکش سے پہلے نواز شریف یا اسٹیبلشمنٹ کو اعتماد میں نہ لیا ہو، غلط ہے، پی ٹی آئی کی دوسرے یا تیسرے درجے کی قیادت یہ کہتی ہے کہ وہ ڈائیلاگ چاہتے ہیں مگر جب تک پی ٹی آئی کے بانی یعنی عمران خان خود اس مذاکراتی عمل کو قبول نہیں کرتے، تب تک کوئی بھی مذاکرات کامیاب نہیں ہو سکتے۔

رانا ثنا اللہ نے مزید کہا کہ پی ٹی آئی کی قیادت، خاص طور پر عمران خان، نے کبھی بھی مذاکرات کا اختیار کسی اور کو نہیں دیا،علیمہ خان نے کہا کہ جو مذاکرات کرے گا، وہ پی ٹی آئی میں سے نہیں ہوگا، جس سے واضح ہوتا ہے کہ پارٹی کی اعلیٰ قیادت مذاکرات کے حق میں نہیں ہے۔

انہوں نے کہا کہ پی ٹی آئی نے حالیہ دنوں میں پہیہ جام ہڑتال کا پیغام دیا ہے اور اس بات میں کوئی شک نہیں کہ مذاکرات میں سب سے بڑی رکاوٹ عمران خان ہی ہیں، بانی پی ٹی آئی ہمیشہ سے مذاکرات کے مخالف ہیں اور 2011 سے لے کر آج تک یہی رکاوٹ بنے ہوئے ہیں، مذاکرات کے لیے بالکل واضح موقف ہے لیکن دوسری طرف ابہام ہے۔

رانا ثنا اللہ نے کہا کہ وزیراعظم نے خود پی ٹی آئی کو مذاکرات کی پیشکش کی ہے اور حتیٰ کہ یہ بھی کہا ہے کہ اگر پی ٹی آئی کے رہنما وزیراعظم کے پاس نہیں آتے تو وہ اسپیکر چیمبر میں ملاقات کرنے کے لیے آ جائیں گے، وزیراعظم نے کوئی شرط نہیں رکھی، بس یہ کہا کہ اگر ملاقات کرنا چاہتے ہیں تو آ کر ملیں، وزیراعظم نے ہمیشہ مذاکرات کے لیے دروازے کھلے رکھے ہیں۔

رانا ثنا نے قومی اسمبلی کے اجلاس کے حوالے سے بات کرتے ہوئے کہا کہ اسپیکر اور اپوزیشن لیڈر کا فیصلہ جلد متوقع ہے اور اپوزیشن نے اس فیصلے کی کاپی اسپیکر آفس میں جمع کروا دی ہے، پی ٹی آئی والے وزیراعظم سے مذاکرات کے لیے آئیں اور پھر بیٹھ کر بات کریں، ہم نے کسی کو مائنس نہیں کیا، بلکہ ہمیں مائنس کرنے کی کوشش کی گئی تھی۔

رانا ثنا اللہ کا کہنا تھا کہ پی ٹی آئی کے رہنما مذاکرات کے لیے حکومت کے ساتھ بیٹھنے کی بجائے مسلسل اس عمل میں رکاوٹ ڈال رہے ہیں، وزیراعظم نے ہمیشہ مذاکرات کے لیے اپنا موقف واضح کیا ہے اور یہی پیغام دیا ہے کہ اگر پی ٹی آئی مذاکرات میں سنجیدہ ہے تو وہ حکومت کے ساتھ بات چیت کے لیے تیار ہیں۔

ذریعہ

ذریعہ: Al Qamar Online

کلیدی لفظ: پاکستان کھیل مذاکرات کے لیے رانا ثنا اللہ کہ پی ٹی آئی پی ٹی آئی کے نے کہا کہ ہے اور

پڑھیں:

پاکستان بحریہ سعودی عرب کی خواہش پر حوثی باغیوں کو کنٹرول کرے گی، ایمبیسیڈر عمران علی

پاکستان کے سابق سفیر عمران علی کا کہنا ہے کہ اگر سعودی عرب نے خواہش ظاہر کی کہ پاکستان اپنی بحریہ کے ذریعے حوثی باغیوں کو کنٹرول کرے تو پاکستان بھی اس پر پورا اترتے ہوئے ویسا ہی کرے گا۔

یہ بھی پڑھیں: ’پاک سعودی دفاعی معاہدہ محض مالی یا وقتی تعلق نہیں بلکہ فعال حکمت عملی کا حصہ ہے‘

وی نیوز کے ساتھ خصوصی گفتگو میں انہوں نے کہا کہ سعودی عرب پاکستان کی ریڈلائن ہے اور دونوں ممالک کے مابین دفاعی معاہدے کا یہ مطلب نہیں کہ صرف ان کی سرزمین پر حملے کی صورت میں دفاعی تعاون ہوگا بلکہ پاکستان اس سلسلے میں سعودی عرب کی خواہشات پر پورا اترے گا۔

انہوں نے کہا کہ سعودی عرب پاکستان کی مستقل ’ریڈ لائن‘ ہے اور دونوں ممالک کے درمیان دفاعی تعاون محض معاہدوں تک محدود نہیں بلکہ تاریخی اور برادرانہ تعلقات پر مبنی ہے۔ ان کا کہنا تھا کہ اگر سعودی عرب کو پاکستان سے کسی بھی نوعیت کے تعاون کی ضرورت پیش آئی تو اسلام آباد اس کی توقعات پر پورا اترے گا۔

ایمبیسیڈر عمران علی نے وزیراعظم پاکستان اور سعودی ولی عہد محمد بن سلمان کے درمیان حالیہ رابطے کو اہم سفارتی پیغام قرار دیتے ہوئے کہا کہ اس سے واضح ہو گیا ہے کہ پاکستان اس معاملے میں سعودی عرب کے ساتھ مضبوطی سے کھڑا ہے۔

مزید پڑھیے: وی ایکسکلوسیو: پاکستان، سعودی عرب دفاعی معاہدہ امت مسلمہ کو متحد کرسکتا ہے، وفاقی وزیر سردار یوسف

انہوں نے کہا کہ سعودی عرب نے اشتعال انگیزی کے باوجود انتہائی متوازن اور ذمہ دارانہ کردار ادا کیا ہے اور پاکستان بھی یہی چاہتا ہے کہ مسلم دنیا مزید تقسیم نہ ہو۔ ان کے مطابق اگرچہ ایران کو اپنے مؤقف پر نظرثانی کرنی چاہیے تاہم امریکا کی بعض کارروائیاں بھی کشیدگی میں اضافے کا باعث بنی ہیں۔

ایران کے پاس 2 ہفتوں کی مہلت

ان کا کہنا تھا کہ ایران کے پاس کشیدگی کم کرنے کے لیے صرف 2 ہفتوں کی مہلت ہے اور اگر تہران آبنائے ہرمز سے متعلق سخت مؤقف ترک کرکے دوبارہ مذاکراتی عمل کی طرف آ جائے اور پاکستان کی ثالثی کو موقع دے تو خطے میں جاری بحران پر قابو پایا جا سکتا ہے۔

عمران علی نے کہا کہ پاکستان پہلے بھی ایران اور امریکا کے درمیان ایک قابل قبول مفاہمتی دستاویز تیار کرا چکا ہے اس لیے اب بھی اسلام آباد مؤثر ثالث کا کردار ادا کر سکتا ہے۔ ان کا کہنا تھا کہ ایران کو جذباتی فیصلوں کے بجائے وسیع تر علاقائی اور عالمی تناظر میں حکمت عملی اپنانا ہوگی۔

ایمبیسیڈر عمران علی کے مطابق ایران کی موجودہ پالیسی کا مقصد عالمی تجارت اور تیل کی ترسیل پر دباؤ ڈال کر دنیا کو غزہ کے مسئلے پر متوجہ کرنا ہے تاہم یہ حکمت عملی اب الٹا اثر دکھا رہی ہے۔ ان کے بقول ریڈ سی اور باب المندب میں کشیدگی سے عالمی تجارت اور مسلم ممالک کو زیادہ نقصان پہنچ رہا ہے جبکہ اسرائیل اور امریکہ پر مطلوبہ دباؤ نہیں پڑ رہا۔

عالمی جنگ کے امکانات نہیں

عالمی جنگ کے خدشات پر انہوں نے کہا کہ تیسری عالمی جنگ کے امکانات کم ہیں کیونکہ روس اور چین براہ راست اس تنازع میں شامل ہونے سے گریز کریں گے تاہم خلیجی خطے میں محدود علاقائی جنگ کا خطرہ موجود ہے خاص طور پر اگر کشیدگی میں مزید اضافہ ہوا تو یورپ سمیت دنیا کی توانائی منڈی بھی متاثر ہو سکتی ہے۔

مزید پڑھیں: پاک سعودی دفاعی معاہدہ، آج یوم تشکر منایا گیا

ایران کے اندر ممکنہ رجیم چینج سے متعلق سوال پر انہوں نے کہا کہ موجودہ حالات میں اس کا امکان کم ہے کیونکہ ریاستی کنٹرول مضبوط ہے، البتہ ایران کو جنگی کامیابی کے بیانیے کے بجائے امن اور سفارت کاری کو ترجیح دینی چاہیے۔

پاکستان امریکا سے براہ راست مالی معاونت حاصل کرے

پاکستان کی سفارتی کامیابیوں کا ذکر کرتے ہوئے انہوں نے کہا کہ حالیہ ثالثی کی کوششوں سے عالمی سطح پر پاکستان کا مثبت تشخص ابھرا ہے تاہم اس سفارتی کامیابی کو معاشی فوائد میں تبدیل کرنا ضروری ہے۔

انہوں نے تجویز دی کہ پاکستان کو اپنی سب سے بڑی معاشی ضرورت یعنی مالی خسارے کے لیے امریکا سے براہ راست مالی معاونت حاصل کرنے کی کوشش کرنی چاہیے۔

یہ بھی پڑھیے: پاکستان اور سعودی عرب کے درمیان اب تک کتنے معاشی معاہدے اور اُن پر کیا پیشرفت ہوئی؟

ایمبیسیڈر عمران علی کے مطابق پاکستان کو اسلحے سے زیادہ معاشی استحکام کی ضرورت ہے اور حالیہ سفارتی کردار کو اسی مقصد کے لیے استعمال کیا جانا چاہیے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

پاک سعودی دفاعی معاہدہ حوثی باغی سابق سفیر عمران علی سعودی عرب پاکستان کی ریڈ لائن سعودی عرب کی خواہش

مذاکرات کی راہ میں رکاوٹ خود عمران خان ہیں، مشیر وزیر اعظم

پاکستان بحریہ سعودی عرب کی خواہش پر حوثی باغیوں کو کنٹرول کرے گی، ایمبیسیڈر عمران علی

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر