لاہور میں فضائی معیار میں بہتری، اے کیو آئی کم ہو کر 156 ریکارڈ
اشاعت کی تاریخ: 4th, January 2026 GMT
موسمی نمی اور ہوا کی بہتر گردش کے باعث لاہور کے فضائی معیار میں نمایاں بہتری دیکھی گئی ہے، جس کے نتیجے میں ایئر کوالٹی انڈیکس (AQI) 156 ریکارڈ کیا گیا۔ شہر میں موجودہ دھند صرف سرد موسم کی قدرتی فوگ ہے اور اس کا صنعتی یا ٹریفک اخراج سے براہِ راست تعلق نہیں۔
یہ بھی پڑھیں:لاہور میں فضائی معیار میں بہتری، اے کیو آئی 160 پر مستحکم، اسموگ کنٹرول پلان مؤثر
موسمی حالات کی وجہ سے آلودگی کے ذرات کم ہو گئے ہیں اور شہر میں اسموگ کی صورتحال موجود نہیں۔ ہوا کی رفتار میں اضافے نے آلودہ ذرات کے پھیلاؤ اور صفائی میں مدد دی ہے۔ سائنسی تجزیوں کے مطابق اس وقت موجود فوگ کو اسموگ قرار دینا درست نہیں۔
انسدادِ اسموگ اقدامات مؤثروزیراعلیٰ مریم نواز کی ہدایت پر فضائی آلودگی کے خلاف اقدامات مسلسل جاری ہیں۔ دھواں چھوڑنے والی گاڑیوں اور ماحولیاتی قوانین کی خلاف ورزی کرنے والی صنعتوں کے خلاف سخت کارروائیاں کی جا رہی ہیں۔ اینٹوں کے بھٹوں کی نگرانی بھی سخت کر دی گئی ہے تاکہ ماحولیاتی ضوابط پر مکمل عملدرآمد یقینی بنایا جا سکے۔
ای پی اے اور ضلعی انتظامیہ کی زیرو ٹالرنس پالیسی کے مثبت نتائج سامنے آ رہے ہیں۔ مسلسل مانیٹرنگ کے باعث لاہور کے فضائی معیار میں عملی اور پائیدار بہتری دیکھنے کو ملی ہے۔
عوامی رہنمائی اور احتیاطی تدابیرسینیئر صوبائی وزیر مریم اورنگزیب نے عوام سے اپیل کی ہے کہ حقائق کی روشنی میں صورتحال کو سمجھیں اور فوگ کو اسموگ سے نہ جوڑیں۔ محکمہ صحت نے رہائشیوں کو فوگ کے دوران احتیاطی تدابیر اختیار کرنے کی ہدایت دی ہے، جیسے کہ کم حدِ نگاہ کے دوران محتاط ڈرائیونگ اور سانس کے مریضوں کے لیے ماسک کا استعمال۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسموگ فوگ لاہور مریم نواز وزیراعلٰی پنجاب.
ذریعہ
ذریعہ: WE News
کلیدی لفظ: اسموگ فوگ لاہور مریم نواز فضائی معیار میں
پڑھیں:
بلاول کے پنجاب کے شہروں کی صورتحال پر سوالات، مریم اورنگزیب نے ویڈیو جاری کرکے جواب دیدیا
پیپلز پارٹی کے چیئرمین بلاول بھٹو کے سوالات پر پنجاب کی سینئر وزیر مریم اورنگزیب نے ویڈیو ثبوت کے ساتھ جواب دیدیے۔آزاد کشمیر کے انتخابی جلسے میں پنجاب کے شہروں کی صورتِ حال پر سوال اٹھاتے بلاول کو پنجاب کی سینئر وزیر مریم اورنگ زیب نے ویڈیو جاری کر کے جواب دیا۔ بلاول نے لاہور کے علاوہ پنجاب کے جن شہروں کے حالات پر سوال اٹھایا ، مریم اورنگزيب نے انہی شہروں کی ویڈیو شیرکردی۔مریم اورنگزيب نے پنجاب کے مختلف شہروں کی سڑکوں اور صفائی کی صورتِحال کی ویڈیو شیئر کی۔ وہاڑی اور قصور پر بلاول کے سوالوں کا جواب دیتے ہوئے وہاڑی اور قصور کی سڑکوں ، گلیوں اور صفائی کی صورتِ حال کی ویڈیو کے ساتھ دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع