لیڈر کی ہدایات پر من و عن عمل کروں گا، مجھ سے منسوب خبریں ذاتی قیاس آرائیاں ہیں: وزیراعلیٰ سہیل آفریدی
اشاعت کی تاریخ: 4th, January 2026 GMT
وزیراعلیٰ خیبر پختونخوا سہیل آفریدی نے کہا ہے کہ ان کا موقف بالکل واضح اور ایک ہی ہے، اور وہ اپنے لیڈر کی ہدایات کے مطابق صوبے کے انتظامی معاملات چلانے کے ساتھ ساتھ اسٹریٹ موومنٹ کی تیاری بھی جاری رکھیں گے۔
سماجی رابطے کے پلیٹ فارم ’ایکس‘ پر ایک پوسٹ میں وزیراعلیٰ سہیل خان آفریدی نے کہا ’میرے لیڈر نے مجھے صوبے کے انتظامی امور سنبھالنے کے ساتھ ساتھ اسٹریٹ موومنٹ کی تیاری کی ہدایات دی ہیں، اور میں ان پر من و عن عمل کروں گا، ان شاء اللہ۔‘
یہ بھی پڑھیے سہیل آفریدی کو اسلام آباد تک کوئی نہیں پہنچنے دےگا، رانا ثنااللہ کا اسٹریٹ موومنٹ کی تیاریوں پر ردعمل
وزیراعلیٰ نے واضح کیا کہ ان سے منسوب کی جانے والی بعض خبریں محض لوگوں کے ذاتی تصورات ہیں، جن کا حقیقت سے کوئی تعلق نہیں۔
میرا موقف ایک ہی ہے۔ کہ میرے لیڈر نے مجھے اپنے صوبے کے انتظامی معاملات چلانے کے ساتھ ساتھ سٹریٹ موومنٹ کی تیاری کے ہدایات دی ہیں۔ میں ان پر من و عن عمل کرونگا انشاءاللّٰہ۔
باقی مجھ سے منسوب کوئی بھی خبر کسی کی ذاتی تصور ہو۔
سندھ کے دورے پر وزیر اعلیٰ سندھ نے جمہوری اقدار اور…
— Sohail Afridi (@SohailAfridiISF) January 4, 2026
سندھ کے دورے سے متعلق گفتگو کرتے ہوئے وزیراعلیٰ خیبر پختونخوا نے بتایا کہ وزیراعلیٰ سندھ نے جمہوری اقدار اور منصب کے احترام کو مدنظر رکھتے ہوئے انہیں ملاقات کی دعوت دی ہے۔
انہوں نے کہا کہ میں نے وزیراعلیٰ سندھ کا شکریہ ادا کیا ہے اور انہیں بتایا ہے کہ میں وہاں اپنے صوبے کے لوگوں سے ملاقات کروں گا، اور اگر وہاں میرے صوبے کے کسی فرد کو کسی قسم کی تکلیف یا مسئلہ درپیش ہوا تو اس کے حل کے لیے میں ضرور ان سے ملاقات کروں گا۔
یہ بھی پڑھیے اسٹیبلشمنٹ سے بات چیت کے لیے تیار ہوں، وزیراعلیٰ خیبر پختونخوا سہیل آفریدی
انہوں نے مزید بتایا کہ کراچی میں 11 جنوری بروز اتوار، عصر 4 بجے، ان شاء اللہ ہم بابائے قوم قائداعظم محمد علی جناحؒ کے مزار پر حاضری دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دورہ سندھ وزیراعلیٰ خیبر پختونخوا سہیل آفریدی.
ذریعہ
ذریعہ: WE News
کلیدی لفظ: وزیراعلی خیبر پختونخوا سہیل ا فریدی خیبر پختونخوا سہیل ا فریدی موومنٹ کی صوبے کے کروں گا
پڑھیں:
صدر آصف علی زرداری سے بلوچستان کے صوبائی وزراء کی ملاقات
ویب ڈیسک: صدرِ مملکت آصف علی زرداری سے بلوچستان کے صوبائی وزراء کی بلاول ہاؤس کراچی میں ملاقات ہوئی جس میں بلوچستان میں امن و امان، ترقیاتی منصوبوں اور صوبے کی مجموعی صورتحال پر تبادلہ خیال کیا گیا۔
صدر ِمملکت نے بلوچستان میں ترقی کے عمل کو مزید تیز کرنے کی ضرورت پر زور دیتے ہوئے کہا کہ بلوچستان کے عوام کو بنیادی سہولیات کی فراہمی اور صوبے کی ترقی حکومت کی اولین ترجیحات میں شامل ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
انہوں نے بلوچستان میں جاری ترقیاتی منصوبوں پر پیش رفت تیز کرنے کی ہدایت کی۔
صدر مملکت نے کہا کہ بلوچستان کی ترقی، امن و امان کی صورتحال کو بہتر کرنے، عوامی فلاح اور صوبے میں معاشی سرگرمیوں کے فروغ کے لیے تمام متعلقہ ادارے مربوط انداز میں کام کریں۔
ملاقات میں صوبائی وزیرِ آبپاشی صادق عُمرانی، وزیرِ منصوبہ بندی و ترقی ظہور بلیدی، وزیرِ صحت میر بخت کاکڑ، وزیرِ لائیو اسٹاک سردار فیصل جمالی، وزیرِ صنعت و تجارت کویار ڈومکی، وزیرِ محنت غلام رسول عُمرانی اور پاکستان پیپلز پارٹی بلوچستان کے سینئر نائب صدر میر علی حسن زہری شریک تھے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
پاکستان نے ورلڈ کپ 2028 کیلیے براہ راست کوالیفائی کر لیا