مستقبل میں انٹرنیشنل لیگ ٹی20 کے میچز پاکستان میں کرانے پر بھی غور ہوسکتا ہے، چیف ایگزیکٹو ڈیوڈ وائٹ
اشاعت کی تاریخ: 4th, January 2026 GMT
متحدہ عرب امارات میں جاری انٹرنیشنل لیگ ٹی20 کے چیف ایگزیکٹو ڈیوڈ وائٹ نے کہا ہے کہ مستقبل میں لیگ کے کچھ میچ پاکستان میں کرانے پر بھی غور کیا جا سکتا ہے۔
ان کا کہنا تھا کہ پاکستانی کرکٹ بورڈ کے ساتھ ہمارے تعلقات اچھے ہیں اور ہم چاہتے ہیں کہ پاکستانی شائقین بھی اس لیگ سے لطف اندوز ہوں۔ ڈیوڈ وائٹ کا پاکستان کے ساتھ گہرا تعلق ہے۔ 1990 میں پاکستان کے دورے کے دوران انہوں نے 2 ٹیسٹ اور 3 ون ڈے میچز کھیلے۔
یہ بھی پڑھیے: اعظم خان کی تیز ترین ففٹی، انٹرنیشنل لیگ ٹی20 میں نیا ریکارڈ بنا ڈالا
ڈیوڈ وائٹ نے کہا کہ 3 سال قبل انہوں نے لیگ ٹی20 میں انتظامی امور سنبھالے۔ ان کا کہنا تھا کہ اگرچہ انٹرنیشنل ٹورنامنٹس کی وجہ سے لیگ کو ونڈو کے چیلنجز کا سامنا ہے، لیکن دنیا کے بہترین کھلاڑی اس میں حصہ لے رہے ہیں۔
ان کا کہنا تھا کہ لیگ میں پاکستانی کھلاڑیوں کا کردار اہم ہے۔ اس وقت فخر زمان، نسیم شاہ، عثمان طارق، حسن نواز اور ظفر گوہر ڈیزٹ وائزر ٹیم کا حصہ ہیں۔
انہوں نے مائیک ہیسن کی تعریف کرتے ہوئے کہا کہ وہ بہت آرگنائز اور کرکٹ کے باریک اصولوں کو سمجھنے والے کوچ ہیں، اور نیوزی لینڈ کرکٹ کو بلندیوں پر پہنچانے میں ان کی محنت شامل ہے۔ وائٹ نے کہا کہ پاکستان نے مائیک ہیسن کو مقرر کرکے ایک اچھا فیصلہ کیا، اور ایشیا کپ کے دوران ان کی کارکردگی شاندار رہی۔
یہ بھی پڑھیے: انٹرنیشنل لیگ ٹی 20 سیزن 2 میں کھلاڑیوں کی وائلڈ کارڈ انٹری متعارف
ڈیوڈ وائٹ نے آخر میں کہا کہ اگلے سال لیگ کی ونڈو میں مزید ایشیائی اور پاکستانی کھلاڑی شرکت کریں گے، اور لیگ کے ذریعے عرب ممالک میں کرکٹ کی مقبولیت مزید بڑھے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیشنل کرکٹ ڈیوڈ وائٹ.
ذریعہ
ذریعہ: WE News
کلیدی لفظ: انٹرنیشنل کرکٹ ڈیوڈ وائٹ انٹرنیشنل لیگ ڈیوڈ وائٹ لیگ ٹی20 وائٹ نے کہا کہ
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع