وینزویلا میں اقتدار کا مستقبل: ٹرمپ کے اپوزیشن لیڈر ماچاڈو کی صلاحیت پر شکوک و شبہات، رابطہ نہ کرنے کا اعلان
اشاعت کی تاریخ: 4th, January 2026 GMT
امریکی حملے اور صدر نکولس مادورو کی گرفتاری کے بعد وینزویلا کی سیاست میں اہم تبدیلی دیکھنے میں آ رہی ہے، جب کہ صدر ڈونلڈ ٹرمپ کی جانب سے وینزویلا کی اپوزیشن قیادت سے رابطہ نہ کرنے کا عندیہ بھی سامنے آیا ہے۔
امریکا نے ہفتے کے روز وینزویلا پر کارروائی کی، جس کے دوران امریکی ڈیلٹا فورس نے صدر مادورو اور ان کی اہلیہ کو صدارتی محل سے حراست میں لے لیا۔ بعد ازاں صدر ٹرمپ نے ایک تفصیلی پریس کانفرنس میں بتایا کہ ان کی ہدایت پر امریکی فوج نے وینزویلا میں غیر معمولی آپریشن کیا، جس میں متعدد طیاروں اور ہیلی کاپٹروں نے حصہ لیا۔ ان کے مطابق اس کارروائی کی خفیہ منصوبہ بندی دسمبر کے اوائل میں شروع کی گئی تھی اور امریکا آئندہ مزید کارروائیوں کے لیے بھی تیار ہے۔
ڈونلڈ ٹرمپ نے دعویٰ کیا کہ مادورو اور ان کی اہلیہ کو ان کے بیڈروم سے گرفتار کر کے نیویارک منتقل کیا جا رہا ہے، جہاں ان کے خلاف منشیات اسمگلنگ اور دہشت گردی کے الزامات کے تحت مقدمات چلائے جائیں گے۔ امریکی صدر کا کہنا تھا کہ اقتدار کی منتقلی تک وینزویلا کا انتظام امریکا سنبھالے گا اور امریکی تیل کمپنیاں ملک میں کام شروع کریں گی۔
پریس کانفرنس کے دوران یہ بات بھی نمایاں رہی کہ صدر ٹرمپ نے وینزویلا کی اپوزیشن لیڈر اور نوبیل امن انعام یافتہ ماریا کورینا ماچاڈو کا ذکر خود سے نہیں کیا، بلکہ صرف ایک صحافی کے سوال کے جواب میں ان کا نام لیا، جس سے یہ تاثر پیدا ہوا کہ انہیں نظر انداز کیا جا رہا ہے۔
.
ذریعہ
ذریعہ: Al Qamar Online
پڑھیں:
دیو ہیکل بحری جہاز "ایم ایس سی ڈیلیٹا” کراچی پورٹ پہنچ گیا
کراچی : دیو ہیکل بحری جہاز ‘ایم ایس سی ڈیلیٹا ‘ کراچی پورٹ پر لنگر انداز ہوگیا ، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔تفصیلات کے مطابق دنیا کا دیو ہیکل کنٹینر بحری جہاز "ایم ایس سی ڈینلیٹا” کامیابی کے ساتھ کراچی پورٹ پہنچ گیا ہے اور کے پی ٹی کے مخصوص ٹرمینل پر لنگر انداز ہوگیا۔کراچی پورٹ ٹرسٹ نے بتایا کہ یہ بحری جہاز اپنی نوعیت اور حجم کے اعتبار سے انتہائی وسیع ہے، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔کے پی ٹی کا کہنا تھا کہ 400 میٹر طویل اور 67 میٹر چوڑا یہ بحری جہاز 255,288 ڈیڈ ویٹ ٹن گنجائش رکھتا ہے، جو اسے دنیا کے بڑے تجارتی جہازوں میں شامل کرتا ہے۔ترجمان نے کہا کہ اتنے بڑے جہاز کی آمد اس بات کا مظہر ہے کہ کراچی پورٹ جدید سہولیات اور بڑے بحری جہازوں کو سنبھالنے کی مکمل صلاحیت رکھتی ہے۔ادارے کے مطابق ایسے بڑے جہازوں کی آمد سے بندرگاہ کی استعداد میں مزید اضافہ ہوگا، عالمی شپنگ کمپنیوں کا اعتماد مضبوط ہوگا اور پاکستان کی تجارتی سرگرمیوں کو بھی فروغ ملے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع