خیبرپختونخوا، سی ٹی ڈی کارروائی میں 3 خارجی دہشت گرد ہلاک
اشاعت کی تاریخ: 4th, January 2026 GMT
کاؤنٹر ٹیررازم ڈیپارٹمنٹ (سی ٹی ڈی) نے لکی پر دل بیگوخیل میں 3 خارجی دہشت گرد ہلاک کردیے۔
سی ٹی ڈی بنوں ریجن اور لکی مروت پولیس نے انٹیلی جنس بیسڈ آپریشن کیا اور 3 خارجی دہشت گرد ہلاک کردیے۔
سی ٹی ڈی اعلامیے کے مطابق ہلاک دہشت گرد پولیس،ایف سی اور شہریوں پر حملوں میں مطلوب تھے، آپریشن میں ٹارگٹ کلر محمد نذیر عرف مجاہد ہلاک ہوا۔
اعلامیے کے مطابق محمد نذیر ٹریفک کانسٹیبلز اور سی ٹی ڈی اہلکار کی شہادت میں ملوث تھا جبکہ دہشت گرد فواد اللہ عرف معاذ اور آفنان خان عرف آفنانی بھی آپریشن میں ہلاک ہوا۔
سی ٹی ڈی اعلامیے کے مطابق فواد اللہ اور آفنان خان سیکیورٹی اہلکاروں کی ٹارگٹ کلنگ میں مطلوب تھے، دہشت گردوں سے کلاشنکوف، دو 9 ایم ایم پستول اور موبائل فون برآمد ہوا ہے۔
اعلامیے کے مطابق ہلاک دہشت گردوں سے کالعدم تنظیم کے 3 کارڈ بھی برآمد ہوئے ہیں۔
آئی جی خیبر پختونخوا اور ایڈیشنل آئی جی سی ٹی ڈی نے سی ٹی ڈی اور پولیس کو شاباش دی۔
آئی جی ذوالفقار حمید نے کہا کہ دہشت گردوں کے لیے صوبے کی سرزمین تنگ ہو چکی ہے،آخری خارجی کے خاتمے تک دہشت گردی کے خلاف کارروائیاں جاری رہیں گی۔
.
ذریعہ
ذریعہ: Jang News
کلیدی لفظ: اعلامیے کے مطابق سی ٹی ڈی
پڑھیں:
مسجد اقصیٰ کی حرمت پر کوئی سمجھوتہ نہیں، پاکستان سمیت 8 ممالک کے وزرائے خارجہ کا دوٹوک اعلان
پاکستان سمیت آٹھ مسلم ممالک کے وزرائے خارجہ نے مسجد اقصیٰ میں اسرائیلی آبادکاروں اور انتہا پسند عناصر کی حالیہ کارروائیوں کی سخت الفاظ میں مذمت کرتے ہوئے خبردار کیا ہے کہ ایسے اقدامات نہ صرف مذہبی تقدس کی پامالی ہیں بلکہ پورے خطے میں کشیدگی کو خطرناک حد تک بڑھا رہے ہیں۔
مشترکہ اعلامیے پر پاکستان، سعودی عرب، متحدہ عرب امارات، قطر، مصر، اردن، ترکیہ اور انڈونیشیا کے وزرائے خارجہ نے اتفاق کیا۔ اعلامیے میں کہا گیا کہ مسجد اقصیٰ میں اسرائیلی آبادکاروں کی اشتعال انگیز کارروائیاں اور اسرائیلی انتہا پسند وزرا و گروہوں کی سرگرمیاں ناقابلِ قبول ہیں اور ان سے خطے میں امن و استحکام کو شدید خطرات لاحق ہو رہے ہیں۔
وزرائے خارجہ نے اس بات پر زور دیا کہ مسجد اقصیٰ کی تاریخی، قانونی اور مذہبی حیثیت کا ہر صورت احترام کیا جانا چاہیے اور اس میں کسی بھی قسم کی یکطرفہ تبدیلی ناقابلِ قبول ہے۔
مشترکہ اعلامیے میں مسجد اقصیٰ کے انتظامی اور مذہبی امور پر اردن کے محکمہ اوقاف کے خصوصی اختیار کا اعادہ کرتے ہوئے عالمی برادری سے مطالبہ کیا گیا کہ اس حیثیت کو برقرار رکھنے کے لیے مؤثر اقدامات کیے جائیں۔
اعلامیے میں اسرائیل سے مطالبہ کیا گیا کہ مسلمانوں کو مسجدِ اقصیٰ میں عبادت سے روکنے کا سلسلہ فوری طور پر بند کیا جائے، مذہبی آزادی کا احترام کیا جائے اور ایسے تمام اقدامات سے گریز کیا جائے جو مزید کشیدگی اور تصادم کا سبب بن سکتے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی