2026 میں مطلوبہ بہترین مہارتیں کیا ہوں گی؟
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
سال 2026 میں مطلوبہ بہترین مہارتوں کے بارے میں جاننا ترقی کی تیاری یا نئی ملازمت کی تلاش کے لیے بہت اہمیت رکھتا ہے۔ ماہرین اس بات پر متفق ہیں کہ مصنوعی ذہانت (اے آئی ) کی ٹیکنالوجیز کے استعمال کے طریقے سے واقفیت ان سب سے اہم مہارتوں میں سے ایک ہے جو اگلے سال کے آغاز سے پہلے سیکھ لینی چاہئیں کیونکہ ان ٹیکنالوجیز کی تیزی سے ترقی ہو رہی ہے اور بڑی تعداد میں شعبوں میں ان کا استعمال پھیل رہا ہے۔میگزین ’’ فوربز ‘‘ کی ایک رپورٹ نے 3 بنیادی مہارتوں کی نشاندہی کی ہے جو سال 2026 کے آغاز سے پہلے سیکھ لینی چاہئیں ۔ میگزین نے ان مہارتوں میں تیزی سے مہارت حاصل کرنے اور زیادہ مالی آمدنی حاصل کرنے کے لیے صرف 30 دن کی مدت مقرر کی ہے۔ سب سے اہم مہارت یہ جاننا ہے کہ مصنوعی ذہانت کے آلات جیسے ’’ چیٹ جی پی ٹی ‘‘ کا استعمال کیسے کیا جائے تاکہ ایسی معلومات حاصل کی جا سکیں جو کام کی رفتار کو مؤثر طریقے سے بڑھانے اور معمول کے کاموں کی انجام دہی میں ضائع ہونے والے وقت اور لاگت کو کم کرنے کی ضمانت دیں۔ ڈیٹا کو قائل کرنے والی کہانیوں میں تبدیل کرنے کا فن، یا جسے بزنس سٹوری ٹیلنگ کہا جاتا ہے، اور کسی خیال کی منظوری حاصل کرنے کے لیے مؤثر پریزنٹیشن 2026 کے دوران کاروباری برادری میں مطلوبہ اہم ترین مہارتوں میں سے ایک ہے۔رپورٹ میں اس بات کی بھی تصدیق کی گئی کہ وہ پیشہ ور افراد جو خیالات اور ڈیٹا کی سٹوری ٹیلنگ میں مہارت رکھتے ہیں وہ برتری حاصل کر لیتے ہیں کیونکہ وہ خام تکنیکی معلومات اور ان اعداد و شمار کو سمجھنے کے اہل ہوتے ہیں اور براہ راست اپنے سامعین اور سٹیک ہولڈرز تک پہنچ جاتے ہیںرپورٹ کے مطابق قیمتوں کے تعین کی نفسیات یا ان خدمات کی قدر کا تعین کرنا جو آپ پیش کر سکتے ہیں لیبر مارکیٹ میں ایک بنیادی مہارت ہے۔ خاص طور پر اگر آپ فری لانس یا کنٹریکٹ پر کام کرنے والے پیشہ ور ہیں تو اس کی اہمیت مزید بڑھ جاتی ہے کیونکہ یہ مہارت تنخواہ یا کام کے معاوضے پر گفت و شنید کرنے کی صلاحیت فراہم کرتی ہے اور دوسروں کو خدمات پیش کرتے وقت سیلز ٹیم کی قیادت کرنے میں بھی مدد دیتی ہے۔ ایک مسئلہ تب پیدا ہوتا ہے جب آپ اپنی اصل قیمت نہیں جانتے یا اعتماد کے ساتھ اس کا اظہار کرنے سے قاصر ہوتے ہیں۔ اس کے نتیجے میں آپ اپنی خدمات کی قدر کم کر دیتے ہیں یا آپ اتنے شرمیلے ہوتے ہیں کہ آپ کو سنجیدگی سے نہیں لیا جاتا لہذا قیمتوں کے تعین کی نفسیات کو سیکھنا آپ کو تیزی سے اضافی آمدنی حاصل کرنے اور اعتماد کے ساتھ اپنی خدمات کی قدر متعین کرنے میں مدد دیتا ہے۔
ذریعہ
ذریعہ: Jasarat News
پڑھیں:
ایکس نے ’ری ایکٹ ود ویڈیو‘ فیچر متعارف کرا دیا، یہ کام کیسے کرتا ہے؟
سوشل میڈیا پلیٹ فارم ایکس نے صارفین کے لیے نیا ’ری ایکٹ ود ویڈیو‘ فیچر متعارف کرا دیا ہے جس کے ذریعے صارفین کسی بھی پوسٹ پر براہِ راست ویڈیو ردِعمل ریکارڈ کر سکیں گے۔
یہ بھی پڑھیں: ایکس نے ایڈیٹ شدہ تصاویر کے لیے نیا لیبل متعارف کروانے کا اعلان کردیا
نئے فیچر کو انسٹاگرام اور ٹک ٹاک پر مقبول ری ایکشن ویڈیوز کے تصور سے مشابہ قرار دیا جا رہا ہے جس کا مقصد صارفین کو اپنے خیالات اور تبصروں کے اظہار کے لیے مزید تخلیقی اور بصری طریقہ فراہم کرنا ہے۔
ایکس کے ہیڈ آف پروڈکٹ نکیتا بیئر نے فیچر کا اعلان کرتے ہوئے کہا کہ تبصرہ اور رائے کا اظہار ایکس کی بنیادی خصوصیات میں شامل ہے اور بعض اوقات خیالات کے اظہار کا بہترین طریقہ ویڈیو ہوتا ہے۔
انہوں نے کہا کہ اب صارفین ’ری ایکٹ ود ویڈیو‘ کے ذریعے کسی بھی پوسٹ پر فوری ویڈیو ردعمل دے سکیں گے۔
فیچر کیسے کام کرتا ہے؟صارفین کو کسی پوسٹ کے نیچے موجود ری پوسٹ بٹن پر کلک کرنا ہوگا جہاں انہیں ویڈیو ری ایکشن ریکارڈ کرنے کا آپشن ملے گا۔
مزید پڑھیے: سوشل میڈیا پلیٹ فارم ایکس کو ایک ہفتے میں دوسری بار عالمی سطح پر تکنیکی خرابی کا سامنا
ابتدائی مرحلے میں یہ سہولت صرف آئی او ایس صارفین کے لیے دستیاب کی گئی ہے۔
ویڈیو ریکارڈنگ کے دوران اصل پوسٹ پس منظر میں نظر آتی ہے جبکہ صارف اپنی رائے یا ردعمل ویڈیو کی صورت میں ریکارڈ کر سکتا ہے۔ ریکارڈنگ کے دوران ویڈیو کو عارضی طور پر روکنے اور دوبارہ شروع کرنے کی سہولت بھی فراہم کی گئی ہے۔
ویڈیو مکمل ہونے کے بعد صارف اسے پوسٹ کرنے سے قبل دیکھ اور جانچ بھی سکتا ہے۔
مختلف ڈسپلے موڈزنئے فیچر میں متعدد ویژول آپشنز شامل کیے گئے ہیں۔
پکچر اِن پکچر: ویڈیو اصل پوسٹ کے اوپر نظر آتی ہے۔
اسپلٹ اسکرین : اسکرین 2 حصوں میں تقسیم ہو جاتی ہے، ایک جانب صارف اور دوسری جانب اصل پوسٹ۔
مزید پڑھیں: انسٹاگرام کا نیا فیچر ’انسٹاگرام میپ‘، اسنیپ چیٹ کو ٹکر دینے کی کوشش
فل اسکرین میڈیا: اصل پوسٹ کے متن کو چھپا کر صرف تصویر یا ویڈیو پر توجہ مرکوز کی جا سکتی ہے۔
گرین اسکرین: پس منظر تبدیل یا ہٹانے کی سہولت۔
صارفین ویڈیو کے سائز اور اس کی پوزیشن کو بھی اپنی مرضی کے مطابق تبدیل کر سکتے ہیں۔
بیرونی ایڈیٹنگ ٹولز کی ضرورت ختمایکس کے مطابق اس فیچر کی بدولت صارفین کو ویڈیوز ڈاؤن لوڈ کرنے، الگ سے ایڈیٹنگ کرنے یا پیچیدہ ورک فلو اختیار کرنے کی ضرورت نہیں رہے گی کیونکہ بیشتر بنیادی ایڈیٹنگ سہولیات ایپ کے اندر ہی دستیاب ہوں گی۔
صارفین کا ردعملفیچر کے اعلان کے بعد سوشل میڈیا پر ملا جلا ردعمل سامنے آیا ہے۔
کئی صارفین نے اسے ایکس کے لیے مثبت پیشرفت قرار دیتے ہوئے کہا کہ ویڈیو ری ایکشنز پلیٹ فارم پر گفتگو کو زیادہ مؤثر اور دلچسپ بنائیں گے۔
ایک صارف نے لکھا کہ ’یہ شاندار فیچر ہے، ایکس پر تبصرے اور اظہارِ خیال کے لیے یہی چیز درکار تھی‘۔
تاہم بعض صارفین نے خدشہ ظاہر کیا کہ اس سے ایکس بھی دیگر سوشل میڈیا پلیٹ فارمز کی طرح ہو جائے گا۔
ایک صارف نے تبصرہ کیا کہ ’ فیچر دلچسپ تو ہے لیکن امید ہے کہ ایکس فیس بک یا یوٹیوب جیسا پلیٹ فارم نہیں بن جائے گا۔
یہ بھی پڑھیے: انسٹاگرام کا نیا فیچر ‘انسٹنٹس’ متعارف: غیر فلٹر شدہ اور عارضی تصاویر کا نیا تجربہ
ماہرین کے مطابق ویڈیو ری ایکشنز کا یہ نیا فیچر ایکس کو روایتی ٹیکسٹ بیسڈ پلیٹ فارم سے بڑھ کر ایک ملٹی میڈیا اور ویڈیو سینٹرک سوشل نیٹ ورک میں تبدیل کرنے کی کوشش کا حصہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’ری ایکٹ ود ویڈیو‘ ایکس ایکس کا نیا فیچر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ