سپیکر قومی اسمبلی کی وزیراعظم شہباز شریف سے ملاقات، اہم پارلیمانی و سیاسی امور پر گفتگو
اشاعت کی تاریخ: 5th, January 2026 GMT
اسلام آباد (نیوز ڈیسک)سپیکر قومی اسمبلی سردار ایاز صادق نے وزیراعظم محمد شہباز شریف سے ملاقات کی، جس میں پارلیمانی امور، سپیکر کے حالیہ دورۂ بنگلہ دیش، تحریکِ انصاف سے ممکنہ مذاکرات اور اپوزیشن لیڈر کی تقرری سے متعلق معاملات پر تفصیلی تبادلۂ خیال کیا گیا۔
ملاقات کے دوران سپیکر قومی اسمبلی نے وزیراعظم کو اپنے دورۂ بنگلہ دیش پر جامع بریفنگ دی اور بتایا کہ یہ دورہ سفارتی لحاظ سے نہایت مثبت اور مؤثر ثابت ہوا۔ سردار ایاز صادق نے بنگلہ دیشی قیادت، چیف ایڈوائزر، مشیران اور دیگر اہم شخصیات سے ہونے والی ملاقاتوں کو خوشگوار قرار دیا۔ انہوں نے سابق بنگلہ دیشی وزیراعظم مرحومہ خالدہ ضیاء کے خاندان، بالخصوص ان کے فرزند سے ملاقاتوں کے بارے میں بھی وزیراعظم کو آگاہ کیا۔
سپیکر نے وزیراعظم کو بھارتی وزیر خارجہ ڈاکٹر ایس جے شنکر سے ہونے والی ایک مختصر اور غیر رسمی ملاقات پر بھی بریفنگ دی۔ سردار ایاز صادق کے مطابق بھارتی وزیر خارجہ خود ان کی نشست پر آئے، مصافحہ کیا اور اپنا تعارف کروایا۔ انہوں نے بتایا کہ ملاقات محض چھ سے سات سیکنڈ پر مشتمل تھی، تاہم بھارتی وزیر خارجہ کی جانب سے اس غیر متوقع مصافحے پر وہ حیران رہ گئے۔ سپیکر نے واضح کیا کہ اس دوران انہوں نے انتہائی محتاط رویہ اختیار کیا۔
سردار ایاز صادق نے مزید بتایا کہ بنگلہ دیش میں عوام کی جانب سے پاکستانی وفد کا پرتپاک اور مثبت استقبال کیا گیا، جو دونوں ممالک کے درمیان بہتر تعلقات کی عکاسی کرتا ہے۔
وزیراعظم محمد شہباز شریف نے سپیکر قومی اسمبلی کو کامیاب اور مثبت دورۂ بنگلہ دیش پر مبارکباد دیتے ہوئے کہا کہ پاکستان اور بنگلہ دیش کے درمیان دوطرفہ تعلقات کو تمام شعبوں میں مزید مستحکم کیا جائے گا۔ وزیراعظم نے اس بات پر زور دیا کہ دونوں ممالک کے درمیان پارلیمانی روابط کا فروغ ناگزیر ہے۔
ملاقات میں وزیراعظم نے اپوزیشن سے مذاکرات کے حوالے سے اپنے مؤقف کا بھی اعادہ کیا اور سیاسی استحکام کے لیے مشاورت اور بات چیت کی اہمیت پر زور دیا۔
.
ذریعہ
ذریعہ: Daily Mumtaz
کلیدی لفظ: سپیکر قومی اسمبلی سردار ایاز صادق بنگلہ دیش
پڑھیں:
وزیراعظم کا سرمایہ کاری اور صنعتی ترقی کیلئے اصلاحات تیز کرنے کا حکم
سٹی 42: وزیراعظم شہباز شریف کی زیر صدارت سرمایہ کاری میں اضافے، صنعتی ترقی اور معیشت کی بہتری کے حوالے سے اہم جائزہ اجلاس منعقد ہوا، جس میں مختلف شعبوں میں اصلاحات اور پالیسی اقدامات پر غور کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اجلاس سے خطاب کرتے ہوئے وزیراعظم شہباز شریف نے کہا کہ ملکی معیشت کی پائیدار ترقی کے لیے صنعت و حرفت کا فروغ اور بیرونی سرمایہ کاری میں اضافہ ناگزیر ہے۔ انہوں نے ہدایت کی کہ صنعتی پیداوار اور برآمدات بڑھانے کے لیے مؤثر اور دیرپا پالیسی اقدامات کو ترجیح دی جائے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
وزیراعظم نے کہا کہ صنعت، تجارت اور معیشت کے مختلف شعبوں میں اصلاحات عوامی فلاح اور طویل المدتی معاشی استحکام پر مرکوز ہونی چاہئیں۔ انہوں نے متبادل توانائی کے ذرائع کے فروغ اور مستقبل کی توانائی ضروریات پوری کرنے کے لیے جامع حکمت عملی پر تیزی سے عملدرآمد کی ضرورت پر زور دیا۔
شہباز شریف کا کہنا تھا کہ توانائی کی بچت اور سستی ٹرانسپورٹ کے فروغ کے لیے مؤثر الیکٹرک وہیکلز پالیسی وقت کی اہم ضرورت ہے، جبکہ جدید ٹیکنالوجی کو مختلف شعبوں میں متعارف کرانے کے لیے وزارتوں اور ماہرین کے درمیان مؤثر مشاورت یقینی بنائی جائے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
اجلاس میں نائب وزیراعظم و وزیر خارجہ اسحاق ڈار، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطاء اللہ تارڑ، وزیر موسمیاتی تبدیلی مصدق ملک، وزیر توانائی اویس لغاری، وزیر پٹرولیم علی پرویز ملک اور دیگر اعلیٰ حکام نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ