تربت میں سیکیورٹی فورسز کی بڑی کارروائی، غیر قانونی اسلحے کی بڑی کھیپ ضبط کر لی۔
اشاعت کی تاریخ: 5th, January 2026 GMT
بلوچستان کے ضلع کیچ کی تحصیل تربت میں سیکیورٹی فورسز نے ایک بڑی کارروائی کرتے ہوئے بھاری مقدار میں غیر قانونی اسلحہ ضبط کر لیا ۔ تفصیلات کے مطابق تربت میں سیکیورٹی فورسز نے ایک بڑی کارروائی کرتے ہوئے بھاری مقدار میں غیر قانونی اسلحہ ضبط کر لیا ہے۔ذرائع کے مطابق یہ کارروائی ایم-8 شاہراہ سمی ناکے پر ایک مشتبہ پک اپ گاڑی کی تلاشی کے دوران کی گئی۔کارروائی میں سیکیورٹی فورسز نے مشتبہ گاڑی سے 400 پستول اور 340 میگزین برآمد کر لیے جبکہ ایک شخص کو گرفتار کیا گیا۔ گرفتار شدہ شخص کی شناخت احسن اللہ ولد میر باز خان، ساکن پشاور کے طور پر ہوئی ہے۔
.
ذریعہ
ذریعہ: Nawaiwaqt
پڑھیں:
کراچی: ملیر 15 میں رینجرز اور ایس آئی یو کی کارروائی، 3 بھتہ خور ہلاک
— فائل فوٹوکراچی کے علاقے ملیر 15 میں رینجرز اور اسپیشل انویسٹی گیشن یونٹ پولیس نے بھتہ خوروں کے خلاف مشترکہ کارروائی کی۔
اس دوران فائرنگ کے تبادلے میں 3 بھتہ خور ہلاک جبکہ ایک کو زخمی حالت میں گرفتار کر لیا گیا۔
ترجمان رینجرز کے مطابق بھتہ خوروں کی موجودگی کی خفیہ اطلاع پر ایس آئی یو کے ہمراہ کارروائی کی گئی تو وہاں موجود بھتہ خوروں نے رینجرز اور ایس آئی یو کی نفری پر حملہ کر دیا۔
ڈاکٹر آکاش سے 13جولائی کو ہلاک ڈاکوؤں نے کلفٹن میں اپنے ساتھیوں کے ہمراہ بینک کے باہر لوٹ مار کی تھی۔
ترجمان کے مطابق اس کے بعد مزید نفری کو طلب کیا گیا اور فائرنگ کے تبادلے میں 3 بھتہ خور ہلاک ہو گئے جبکہ 1 کو زخمی حالت میں گرفتار کر لیا گیا۔
ہلاک اور زخمی ہونے والے بھتہ خوروں کی شناخت کا عمل جاری ہے۔
ملزمان سے اسلحہ، موبائل فون اور موٹر سائیکل ملی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی