بھارتی وفد نے جنازے میں شرکت سے روکنے کی کوشش کی، سپیکر قومی اسمبلی کا بڑا انکشاف
اشاعت کی تاریخ: 5th, January 2026 GMT
اسلام آباد (نیوز ڈیسک)سپیکر قومی اسمبلی سردار ایاز صادق نے بنگلہ دیش میں سابق وزیراعظم خالدہ ضیاء کے جنازے میں شرکت سے متعلق ایک بڑا انکشاف کیا ہے۔ انہوں نے بتایا کہ بھارتی وفد نے انہیں جنازے میں شرکت سے زبردستی روکنے کی کوشش کی۔سپیکر قومی اسمبلی کے مطابق پاکستان، مالدیپ، نیپال اور بھوٹان کے وفود کو ایک ہی بس کے ذریعے جنازہ گاہ لایا گیا۔ بس میں سوار ہونے پر بھارتی وزیر خارجہ جے شنکر اور بھارتی ہائی کمشنر فرنٹ سیٹوں پر بیٹھے ہوئے تھے جبکہ بس کے شیشوں پر پردے لگائے گئے تھے تاکہ بنگالی عوام سے بچا جا سکے۔سردار ایاز صادق نے بتایا کہ وہ اپنے ہائی کمشنر کے ساتھ بس میں قدرے پیچھے بیٹھ گئے اور انہوں نے جان بوجھ کر پردے ہٹا دیے، جس کے بعد بنگالی عوام کے نعروں کا ہاتھ ہلا کر جواب دیتے رہے۔سپیکر کے مطابق جیسے ہی بس جنازہ گاہ پہنچی تو بھارتی ہائی کمشنر بس کے دروازے پر کھڑے ہو گئے اور انہیں نیچے اترنے سے روکنے کی کوشش کی۔ بھارتی ہائی کمشنر نے کہا کہ رش زیادہ ہے اور صورتحال خطرناک ہو سکتی ہے، تاہم سپیکر نے واضح جواب دیا کہ وہ جنازے میں شرکت کے لیے ہی آئے ہیں۔سردار ایاز صادق نے بتایا کہ جب بھارتی ہائی کمشنر نے دروازہ کھولنے سے انکار کیا تو انہوں نے سخت لہجے میں دروازہ کھولنے کا کہا، جس کے بعد وہ نیپال اور مالدیپ کے وفود کے ساتھ بس سے اتر گئے اور بنگالی عوام کے درمیان کھڑے ہو کر نمازِ جنازہ ادا کی۔سپیکر قومی اسمبلی کے مطابق بھارتی وزیر خارجہ جے شنکر اور بھارتی ہائی کمشنر بس میں ہی بیٹھے رہے کیونکہ وہ جنازے میں شرکت کے لیے نہیں آئے تھے۔ ان کا کہنا تھا کہ بھارتی ہائی کمشنر کی پوری کوشش تھی کہ وہ نمازِ جنازہ ادا نہ کر سکیں اور اس معاملے کو ایک ایشو بنایا جا سکے۔سردار ایاز صادق نے دعویٰ کیا کہ بھارتی وفد مکمل تیاری اور منصوبہ بندی کے تحت وہاں موجود تھا، تاہم وہ اپنے مؤقف پر قائم رہے اور جنازے میں شرکت کی۔
.
ذریعہ
ذریعہ: Daily Mumtaz
کلیدی لفظ: سردار ایاز صادق نے بھارتی ہائی کمشنر سپیکر قومی اسمبلی جنازے میں شرکت
پڑھیں:
جامعہ کراچی میں سالانہ یومِ حسینؑ، شیعہ سنی علماء کا خطاب، اساتذہ و طلباء کی شرکت
تقریب سے جامعہ کراچی کے وائس چانسلر ڈاکٹر خالد محمود عراقی، معروف عالمِ دین مولانا سید شہنشاہ حسین نقوی، معروف اہلِ سنت عالمِ دین مفتی فضل ہمدرد، مولانا سید عروج زیدی اور مولانا سید فرخ عباس سمیت دیگر نے خطاب کیا۔ اس موقع پر شرکاء کے لیے سبیلِ حسینی اور تبرکات کا خصوصی اہتمام کیا گیا، جبکہ ماحولیاتی آلودگی سے آگاہی کے فروغ کے لیے مفت پودے بھی تقسیم کیے گئے۔ اس موقع پر میناب اسکول کے شہداء کو خراج تحسین بھی پیش کیا گیا۔ متعلقہ فائیلیںرپورٹ: میثم عابدی
جامعہ کراچی میں آئی ایس او ڈسٹرکٹ پروفیشنل اور دفترِ مشیر امورِ طلبہ کے زیر اہتمام سالانہ یومِ حسینؑ نہایت عقیدت و احترام کے ساتھ منایا گیا، جس میں جامعہ کے اساتذہ، طلبہ، علمائے کرام اور مختلف مکاتبِ فکر سے تعلق رکھنے والے افراد نے بڑی تعداد میں شرکت کی۔ تقریب سے خطاب کرتے ہوئے جامعہ کراچی کے وائس چانسلر ڈاکٹر خالد محمود عراقی نے کہا کہ حضرت امام حسینؑ کی عظیم قربانی رہتی دنیا تک حق و باطل کے درمیان امتیاز کی علامت بنی رہے گی۔ انہوں نے کہا کہ شہدائے کربلا کی قربانی کا مقصد انسانیت کو گمراہی کے اندھیروں سے نکال کر ہدایت کی روشنی سے آشنا کرنا تھا۔ ان کا کہنا تھا کہ آج جمہوری اسلامی ایران امریکا اور اسرائیل کے خلاف جس استقامت اور ثابت قدمی کا مظاہرہ کر رہا ہے، وہ تعلیماتِ حسینی کا عملی مظہر ہے۔ تقریب کے مقررین میں معروف عالمِ دین مولانا سید شہنشاہ حسین نقوی نے کہا کہ کربلا شعور، بصیرت اور حق شناسی کا راستہ ہے، حضرت امام حسینؑ نے اپنی لازوال قربانی سے دینِ اسلام کو نئی حیات عطا کی جبکہ سیدالشہداءؑ سے محبت درحقیقت رسولِ اکرم ﷺ سے محبت کا اظہار ہے۔ انہوں نے کہا کہ شہدائے کربلا کی قربانی تاریخِ انسانیت کی عظیم ترین قربانی ہے۔
معروف اہلِ سنت عالمِ دین مفتی فضل ہمدرد نے اپنے خطاب میں کہا کہ حضرت امام حسینؑ نے دینِ اسلام کی سربلندی اور حق کی بقا کے لیے عظیم قربانی پیش کی۔ انہوں نے کہا کہ حسینیت کا راستہ ہی پاکستان میں امن، اتحاد اور باہمی ہم آہنگی کو فروغ دے سکتا ہے۔ اسی موقع پر مولانا سید عروج زیدی نے کہا کہ واقعۂ کربلا پوری انسانیت کے لیے ایک ہمہ گیر نمونۂ عمل ہے، جو انسان کو بیداری، حق شناسی اور ظلم کے خلاف ڈٹ جانے کا درس دیتا ہے۔ تقریب کے درمیان شیعہ اور سنی شرکاء نے مولانا سید فرخ عباس کی اقتدا میں باجماعت نمازِ ظہرین ادا کی۔ شرکاء کے لیے سبیلِ حسینی اور تبرکات کا خصوصی اہتمام کیا گیا، جبکہ ماحولیاتی آلودگی سے آگاہی کے فروغ کے لیے مفت پودے بھی تقسیم کیے گئے۔ اس موقع پر میناب اسکول کے شہداء کو خراج تحسین بھی پیش کیا گیا۔ یوم حسینؑ میں مختلف طلبہ تنظیموں کے رہنما بھی شریک تھے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی