علی امین گنڈاپور عدالت میں پیش نہ ہوئے، اشتہاری قرار دینے کیلیے اخبارات میں اشتہار کا حکم
اشاعت کی تاریخ: 5th, January 2026 GMT
اسلام آباد: شراب و اسلحہ برآمدگی کے کیس میں سابق وزیراعلیٰ علی امین گنڈاپور کی مسلسل غیر حاضری پر عدالت نے انہیں اشتہاری قرار دینے کے لیے کل اخبارات میں اشتہار دینے کا حکم دے دیا ہے۔
میڈیا رپورٹس کے مطابق ڈسٹرکٹ اینڈ سیشن کورٹ اسلام آباد میں جوڈیشل مجسٹریٹ مبشر حسن چشتی کے روبرو سماعت ہوئی، جس میں علی امین گنڈاپور آج عدالت میں پیش نہیں ہوئے۔
عدالت نے علی امین گنڈاپور کے وارنٹ گرفتاری بھی جاری کرتے ہوئے پولیس کو ہدایت کی کہ وہ کل اخبارات میں اشتہار دیں تاکہ علی امین گنڈاپور کو اشتہاری قرار دیا جا سکے۔
عدالت نے بتایا کہ علی امین گنڈاپور کی مسلسل غیر حاضری کی وجہ سے کیس کی کارروائی میں رکاوٹ پیدا ہوئی، اس لیے آئندہ سماعت 7 جنوری کو ہوگی۔
واضح رہے کہ علی امین گنڈاپور کے خلاف تھانہ بارہ کہو میں شراب اور اسلحہ برآمدگی کا مقدمہ درج ہے، جس کی سماعت جاری ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل علی امین گنڈاپور
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی