ناظم آباد ٹائون کی اساتذہ کیلیے ٹائم اسکیل کا تاریخی اقدام
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) ٹاؤن میونسپل کارپوریشن ناظم آبادکی جانب سے اساتذہ کے لیے ٹائم اسکیل کا تاریخی اقدام کیا گیا۔ چیئرمین ناظم آباد ٹاؤن سید محمد مظفر، وائس چیئرمین محمد نعمان صدیقی اور میونسپل کمشنر اطہر سعید خان کی قیادت میں تعلیمی شعبے کے لیے15 برس بعد عملی پیش رفت کی گئی۔ٹاؤن میونسپل کارپوریشن ناظم آبادکی جانب سے شعبہ تعلیم میں خدمات انجام دینے والے اساتذہ کے لیے ٹائم اسکیل کے لیٹرز کی تقسیم کا عمل باقاعدہ طور پر شروع کر دیا گیا ہے۔ اس تاریخی اقدام کی قیادت چیئرمین ناظم آباد ٹاؤن سید محمد مظفر نے کی، جس پر اساتذہ نے خوشی اور اطمینان کا اظہار کیا۔ چیئرمین ناظم آباد ٹاؤن سید محمد مظفر نے کہا کہ یہ ہماری پالیسی کا حصہ اور اساتذہ سے وعدہ بھی تھا کہ ہم ان کے ساتھ ہونے والی ماضی کی ناانصافیوں کا ازالہ کریں گے۔ پچھلے ادوار میں اساتذہ کو ٹائم اسکیل سے محروم رکھا گیا، حالانکہ ہم نے عوام اور اساتذہ سے وعدہ کیا تھا کہ انہیں ان کا جائز حق دیا جائے گا۔ الحمدللہ آج ہم نے اس وعدے کی عملی تکمیل کا آغاز کر دیا ہے۔ناظم آباد ٹاؤن کے ایجوکیشن ڈیپارٹمنٹ میں اس وقت 136 اساتذہ خدمات انجام دے رہے ہیں، جنہیں مرحلہ وار ٹائم اسکیل دیا جائے گا۔ وائس چیئرمین محمد نعمان صدیقی نے کہاتقریباً 15 برس بعد ناظم آباد ٹاؤن میں اساتذہ کے لیے ٹائم اسکیل کا مسئلہ حل ہونا ایک بڑی کامیابی ہے۔ وہ اساتذہ جو ٹائم اسکیل سے محروم تھے اور ریٹائرمنٹ کے بالکل قریب پہنچ چکے تھے، ان میں سے ابتدائی مرحلے میں تقریباً آٹھ اساتذہ کو ٹائم اسکیل کے لیٹرز فراہم کر دیے گئے ہیں،انہوں نے کہا کہ کراچی کے بعض اضلاع میں ماضی میں ٹائم اسکیل دیا گیا، مگر ڈسٹرکٹ سینٹرل کے کسی بھی ٹاؤن میں یہ سہولت فراہم نہیں کی گئی تھی،ناظم آباد ٹاؤن پہلے بھی ڈسٹرکٹ سینٹرل میں فائنل اسسٹنس دینے والا پہلا ٹاؤن تھا، اور اب الحمدللہ ٹائم اسکیل دینے والا بھی پہلا ٹاؤن بن گیا ہے۔میونسپل کمشنر اطہر سعید خان نے کہاہم نے ترجیحی بنیادوں پر انہی اساتذہ کو منتخب کیا ہے جو جلد ریٹائر ہو رہے ہیں، تاکہ وہ اپنی ریٹائرمنٹ سے قبل ٹائم اسکیل کے ثمرات سے مستفید ہو سکیں۔ ان شاء اللہ آنے والے دنوں میں مزید اساتذہ کو بھی ٹائم اسکیل دیا جائے گا۔
اسٹاف رپورٹر
سیف اللہ
ذریعہ
ذریعہ: Jasarat News
کلیدی لفظ: ناظم ا باد ٹاو ن ٹائم اسکیل اساتذہ کو
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی