چودھری مونس الہٰی کے اثاثے ضبط کرنے کیخلاف درخواست پر نیب سے جواب طلب
اشاعت کی تاریخ: 6th, January 2026 GMT
احتساب عدالت لاہور نے گجرات ترقیاتی منصوبوں میں مبینہ کرپشن کے ریفرنس میں اشتہاری ملزم مونس الہٰی کے اثاثے ضبط کرنے کیخلاف درخواست پر نیب سے جواب طلب کر لیا۔لاہور کی احتساب عدالت کے جج رانا محمد عارف نے سابق وزیراعلیٰ پنجاب چودھری پرویز الہٰی سمیت دیگر کے خلاف گجرات ترقیاتی منصوبوں میں مبینہ کرپشن کے ریفرنس پر سماعت کی، سابق پرنسپل سیکرٹری پنجاب اسمبلی محمد خان بھٹی سمیت دیگر ملزمان عدالت پیش ہوئے۔دوران سماعت عدالت میں نئے ملزم سلمان احمد سے متعلق نیب نے سپلیمنٹری ریفرنس جمع کرا دیا ہے جس کے بعد عدالت نے تمام ملزمان کو سپلیمنٹری ریفرنس کی نقول فراہم کر دی۔
عدالت نے مونس الہٰی کو اثاثے ضبط کرنے کے خلاف درخواست پر نیب سے جواب طلب کر لیا۔مونس الہٰی کی والدہ قیصرہ الہٰی نے اثاثوں کیخلاف کارروائی کو چیلنج کیا ہے، قیصرہ الہٰی کو مونس الہٰی نے اپنا مختار عام مقرر کر رکھا ہے، عدالت نے ریفرنس کی مزید سماعت 8 جنوری تک ملتوی کر دی۔یاد رہے کہ نیب نے پرویز الہٰی سمیت دیگر کے خلاف اختیارات سے تجاوز اور مبینہ کرپشن کا ریفرنس دائر کر رکھا ہے۔
.
ذریعہ
ذریعہ: Nawaiwaqt
پڑھیں:
بجلی 1 روپیہ 73 پیسے مہنگی کرنے کی درخواست پر فیصلہ محفوظ
فائل فوٹونیشنل الیکٹرک پاور ریگولیٹری اتھارٹی (نیپرا) نے 1 روپیہ 73 پیسے بجلی مہنگی کرنے کی درخواست پر فیصلہ محفوظ کرلیا۔
نیپرا نے ماہانہ ایڈجسٹمنٹ کی مد میں کراچی سمیت ملک بھر کےلیے بجلی 1 روپیہ 73 پیسے مہنگی کرنے کی درخواست پر سماعت کی۔
نیپرا اعلامیے کے مطابق سی پی پی اے کی اپریل کی ماہانہ ایڈجسٹمنٹ کی درخواست پر محفوظ فیصلہ بعد میں جاری کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ