ایران سمیت مخالف ممالک کے عناصر کو ملک سے نکالیں، ٹرمپ کا وینزویلا کی عبوری حکومت سے مطالبہ
اشاعت کی تاریخ: 6th, January 2026 GMT
پولیٹیکو نے لکھا کہ ایسا لگتا ہے کہ روڈریگز امریکہ کی کسی بھی ممکنہ حکمتِ عملی کا مرکزی کردار بن چکی ہے۔ اگرچہ وہ مادورو کی پرانی اتحادی رہی ہے، لیکن ٹرمپ کی ٹیم کو یقین ہے کہ وہ ان کے مطالبات پر عمل کرے گی۔ اسلام ٹائمز۔ ایک امریکی عہدیدار نے انکشاف کیا ہے کہ ڈونلڈ ٹرمپ کی حکومت نے وینزویلا کی عبوری صدر ڈیلسی روڈریگز سے یہ مطالبہ کیا ہے کہ وہ ایرانی، کیوبن اور دیگر مخالف ممالک کے عناصر کو ملک سے نکالے۔ امریکی ویب سائٹ پولیٹیکو کے مطابق امریکہ نے وینزویلا کے خلاف مزید فوجی حملوں کی دھمکی برقرار رکھتے ہوئے اس ملک سے کچھ اور مطالبات بھی کیے ہیں۔ رپورٹ کے مطابق امریکی حکام نے ڈیلسی سے کہا ہے کہ وہ کم از کم تین کام ضرور کرے، نمبر ایک منشیات کی ترسیل کو روکنا، نمبر دو ایرانی، کیوبن اور امریکہ مخالف ممالک یا نیٹ ورکس کے افراد کو نکالنا اور چوتھا یہ کہ امریکہ کے دشمن ممالک کو تیل بیچنا بند کریں۔
پولیٹیکو کے مطابق ٹرمپ حکومت وینزویلا کی عبوری رہنما سے چاہتی ہے کہ اگر وہ نیکولس مادورو جیسا انجام نہیں چاہتی تو امریکہ کی حمایت میں کچھ اقدامات کرے، وہی اقدامات جن سے مادورو انکار کرتا رہا تھا۔ اس ویب سائٹ کو دو باخبر ذرائع نے بتایا کہ امریکی حکام یہ بھی توقع رکھتے ہیں کہ روڈریگز آخرکار آزاد انتخابات کے انعقاد میں مدد کرے گی اور پھر اقتدار چھوڑ دے گی۔ تاہم امریکی حکام کا کہنا ہے کہ فی الحال کوئی انتخابات قریب نہیں ہیں۔ یہ رپورٹ ایسے وقت سامنے آئی ہے جب کل ٹرمپ نے کاراکاس پر واشنگٹن کے حملے اور وینزویلا کے صدر کے اغوا کے حوالے سے کہا تھا کہ وینزویلا کی عبوری صدر امریکہ کے ساتھ تعاون کر رہی ہے۔
امریکی صدر نے اتوار کے روز صحافیوں سے کہا کہ وینزویلا اب تک بہت اچھا رہا ہے، لیکن ہمارے جیسی طاقت کا ساتھ فائدہ مند ہے۔ اگر انہوں نے مناسب رویہ نہ اپنایا تو ہم دوسرا حملہ کریں گے۔ پولیٹیکو نے لکھا کہ ایسا لگتا ہے کہ روڈریگز امریکہ کی کسی بھی ممکنہ حکمتِ عملی کا مرکزی کردار بن چکی ہے۔ اگرچہ وہ مادورو کی پرانی اتحادی رہی ہے، لیکن ٹرمپ کی ٹیم کو یقین ہے کہ وہ ان کے مطالبات پر عمل کرے گی۔ ٹرمپ نے خبردار کیا ہے کہ اگر اس نے ایسا نہ کیا تو اسے بڑی فوجی کارروائی کا سامنا کرنا پڑے گا۔ اسی امریکی میڈیا کے مطابق روڈریگز نے چند دنوں کے اندر، گرفتاری کی ابتدائی مذمت سے اپنا مؤقف بدل لیا اور کہا کہ وہ امریکہ کے ساتھ تعاون پر مبنی ایجنڈے کے تحت کام کرے گی۔
ایک باخبر امریکی ذریعے نے پولیٹیکو کو بتایا کہ امریکہ یہ بھی چاہتا ہے کہ وینزویلا میں قید امریکی شہریوں کو رہا کیا جائے۔ پولیٹیکو نے مزید لکھا فی الحال ٹرمپ کی ٹیم سمجھتی ہے کہ مادورو کے بعد کا زیادہ تر کام باہر سے ہی انجام دیا جائے گا، اگرچہ ٹرمپ نے اتوار کے روز صحافیوں سے کہا کہ وہ کاراکاس میں امریکی سفارتخانہ دوبارہ کھولنے کے امکان پر بھی غور کر رہے ہیں۔ واضح رہے کہ وینزویلا کے امریکی فوج کے ذریعے اغوا ہونیوالے صدر نے امریکی عدالت میں بیان دیا ہے کہ وہ اب بھی وینزویلاکے صدر ہیں۔
ذریعہ
ذریعہ: Islam Times
کلیدی لفظ: وینزویلا کی عبوری کہ وینزویلا کے مطابق ہے کہ وہ ٹرمپ کی کرے گی سے کہا
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے