فضل الرحمن کی بنگلہ دیشی سفارتخانے آمد، خالدہ ضیاءکے انتقال پر تعزیت
اشاعت کی تاریخ: 6th, January 2026 GMT
اسلام آباد، لاہور (خبرنگار، خصوصی نامہ نگار) امیر جے یو آئی ف مولانا فضل الرحمن بنگلہ دیش کے سفارتخانے گئے اور سابق بنگلہ دیشی وزیراعظم خالدہ ضیاءکی وفات پر پولیٹیکل قونصلر و چارج ڈی افیئرز میں عشرت جہان سے تعزیت اور افسوس کا اظہار کیا۔ انہوں نے خالدہ ضیاءکے درجات کی بلندی کیلئے فاتحہ خوانی بھی کی۔ مولانا فضل الرحمن نے مہمانوں کی کتاب میں اپنے تاثرات بھی تحریر کئے اور کہا کہ خالدہ ضیاءکی اپنے عوام کیلئے خدمات کو ہمیشہ یاد رکھا جائے گا۔ وہ پاکستان کے ساتھ اچھے تعلقات کی خواہاں تھیں۔
.
ذریعہ
ذریعہ: Nawaiwaqt
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی