کراچی :ٹریفک قوانین کی خلاف ورزی پر 2 لاکھ 34 ہزار ای چالان جاری
اشاعت کی تاریخ: 6th, January 2026 GMT
معراج اختر:کراچی میں ٹریفک پولیس کی جانب سے ای چالاننگ مہم کا 72 واں روز مکمل ہو گیا ہے، جس کے دوران شہر کی اہم شاہراہوں پر ٹریفک کی کڑی نگرانی کی جا رہی ہے۔
ڈی آئی جی ٹریفک کے دفتر کی نگرانی میں جاری اس مہم کے تحت قوانین کی خلاف ورزی کرنے والوں کے خلاف بھرپور کارروائی کی گئی۔
ٹریفک پولیس کے مطابق ایک ہی روز کے دوران ٹریفک قوانین کی خلاف ورزی پر دو لاکھ 34 ہزار سے زائد ای چالان جاری کیے گئے، جن میں سرکاری گاڑیوں اور پولیس موبائلز کو بھی 2800 چالان شامل ہیں۔ اس کے علاوہ ہیوی ٹریفک کے خلاف بھی کارروائی کی گئی اور ڈمپرز، ٹرک، آئل ٹینکر اور واٹر ٹینکرز کو چار ہزار سے زائد چالان جاری کیے گئے۔
مادورو کا ٹرمپ کی نقل اتارنا اور ڈانس کرنا امریکی حملے کا حتمی سبب بنا
ٹریفک پولیس حکام نے شہریوں کو ہدایت کی ہے کہ وہ رانگ وے ڈرائیونگ اور اوور اسپیڈنگ سے گریز کریں، کیونکہ کیمرے کی آنکھ چوبیس گھنٹے ٹریفک کی نگرانی کر رہی ہے۔
حکام کے مطابق ای چالاننگ مہم کا مقصد شہریوں میں ٹریفک قوانین کی پابندی کو یقینی بنانا اور حادثات میں کمی لانا ہے۔
.
ذریعہ
ذریعہ: City 42
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی