این ایچ اے ریسٹ ایریاز کی توسیع اورتزین وآرائش کرے، عبدالعلیم
اشاعت کی تاریخ: 6th, January 2026 GMT
اسلام آباد:(نیوزڈیسک) وفاقی وزیر مواصلات عبدالعلیم خان نے لاہور، اسلام آباد موٹروے ایم2 کے مختلف ریسٹ ایریاز کا دورہ کیا۔ وفاقی وزیر نے سکھیکی، سیال، بھیرہ اور دیگر ریسٹ ایریاز کا معائنہ کرتے ہوئے ٹک شاپس، مساجد، واش رومز اور دستیاب سہولیات کا جائزہ لیا۔ اس موقع پر انہوں نے ٹوٹ پھوٹ اور خراب صورتحال کا نوٹس لیتے ہوئے متعلقہ حکام کو فوری ہدایات جاری کیں۔
وفاقی وزیر مواصلات عبدالعلیم خان نے ایف ڈبلیو او اور این ایچ اے کو ہدایت کی کہ وہ 15 دنوں کے اندر مشترکہ پلان تیار کریں اور گاڑیوں کی روزانہ تعداد کی بنیاد پر باہمی ڈیٹا مرتب کیا جائے۔ انہوں نے کہا کہ موٹروے ایم2 پر ریسٹ ایریاز کی توسیع اور تزین و آرائش ہونی چاہیے تاکہ مسافروں کو بہتر سہولیات فراہم کی جا سکیں۔
عبدالعلیم خان نے این ایچ اے کو ریسٹ ایریاز کے لیے باقاعدہ پلان کی تیاری کی ہدایت دیتے ہوئے کہا کہ موٹر ویز پر ریسٹ ایریاز میں شاپس کا لے آؤٹ ایک جیسا ہونا چاہیے اور صارفین کو مقررہ نرخوں پر اشیائے خورد و نوش کی فراہمی ہر صورت یقینی بنائی جائے۔ دورے کے دوران وفاقی وزیر نے این ایچ اے حکام اور موٹروے پولیس سے مختلف امور پر استفسار بھی کیا۔
مختلف مقامات پر شہریوں اور مسافروں نے وفاقی وزیر مواصلات عبدالعلیم خان سے گفتگو کی اور سفری سہولیات میں بہتری لانے پر اظہار تشکر کیا۔ بھیرہ ریسٹ ایریا میں ایک اوورسیز پاکستانی نے گفتگو کرتے ہوئے کہا کہ پاکستان میں ذرائع مواصلات میں بتدریج بہتری آ رہی ہے۔
.
ذریعہ
ذریعہ: Daily Mumtaz
کلیدی لفظ: عبدالعلیم خان ریسٹ ایریاز وفاقی وزیر ایچ اے
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی