عوام، وکلا، طلبہ، سول سوسائٹی 8 فروری احتجاج میں بھرپور شریک ہوں، ایم ڈبلیو ایم / پی ٹی آئی
اشاعت کی تاریخ: 6th, January 2026 GMT
کراچی میں ملاقات کے دوران سنیٹر علامہ راجہ ناصر عباس جعفری کا کہنا تھا کہ تحریک تحفظ آئین پاکستان نے آئین کی بالادستی، قانون کی حکمرانی اور عوام کے بنیادی و جمہوری حقوق کے تحفظ کے لیے 8 فروری کو ملک گیر احتجاج کا اعلان کیا ہے اس احتجاج سے اظہار یکجہتی بیرون ملک مقیم پاکستان بھی کریں گے۔ اسلام ٹائمز۔ ملک میں آئینی انحراف، جمہوری اقدار کی پامالی، عوامی مینڈیٹ کی توہین اور سیاسی انتقام ناقابلِ قبول ہے، تحریک تحفظ آئین پاکستان ہر حال میں آئین کی بالادستی، آزاد عدلیہ، شفاف انتخابات اور عوامی حقوق کے دفاع کی جدوجہد جاری رکھے گی، 8 فروری کو پاکستان بھر میں پُرامن احتجاجی مظاہرے، ریلیاں اور جلسے منعقد کیے جائیں گے تاکہ حکمرانوں کو یہ واضح پیغام دیا جاسکے کہ قوم آئین سے انحراف برداشت نہیں کرے گی۔ ان خیالات کا اظہار اپوزیشن لیڈر سینیٹ چیئرمین ایم ڈبلیو ایم سینیٹر علامہ راجہ ناصر عباس جعفری صوبائی دفتر وحدت ہاؤس کراچی میں پاکستان تحریکِ انصاف کے رہنما حلیم عادل شیخ اور زین شاہ نے وفد کے ہمراہ سے ملاقات کی۔ ملاقات میں سندھ میں موجودہ سیاسی صورتحال، عوام کو درپیش مسائل اور جمہوری اقدار کے تحفظ پر تفصیلی تبادلہ خیال کیا گیا۔
سنیٹر علامہ راجہ ناصر عباس کا کہنا تھا کہ مظلوم عوام کے حقوق کے تحفظ اور جمہوری جدوجہد میں باہمی تعاون وقت کی اہم ضرورت ہے، موجودہ حکمران نے ملکی آئین کو اپنے مقاصد کی خاطر بہت نقصان پہچا رہے ہیں اور اس عمل میں وہ جماعت بھی شامل ہے جس کے بانی کا کردار اس ملک کی آئین سازی میں اہم ہے۔ انہوں نے کہا کہ تحریک تحفظ آئین پاکستان نے آئین کی بالادستی، قانون کی حکمرانی اور عوام کے بنیادی و جمہوری حقوق کے تحفظ کے لیے 8 فروری کو ملک گیر احتجاج کا اعلان کیا ہے اس احتجاج سے اظہار یکجہتی بیرون ملک مقیم پاکستان بھی کریں گے۔
حلیم عادل شیخ نے کہا کہ موجودہ حکمرانوں کی ناکام پالیسیوں نے عوام کو شدید مشکلات میں مبتلا کر دیا ہے اور اب وقت آگیا ہے کہ عوامی امنگوں کے مطابق جدوجہد کو مزید منظم کیا جائے۔ تحریک تحفظ آئین پاکستان کے مرکزی وائس چیئرمین سید زین شاہ نے کہا کہ آئین و قانون کی بالادستی، آزاد عدلیہ اور شفاف انتخابات ہی ملک کو بحران سے نکال سکتے ہیں، آئین بحالی کی یہ تحریک ہر فورم پر عوام کی آواز بن کر جدوجہد رکھے گی۔ رہنماوں نے عوام، وکلا، طلبہ، سول سوسائٹی اور تمام جمہوریت پسند قوتوں سے اپیل کی کہ وہ 8 فروری کے احتجاج میں بھرپور شرکت کر کے آئین کے تحفظ کی اس جدوجہد کو کامیاب بنائیں۔
ذریعہ
ذریعہ: Islam Times
کلیدی لفظ: تحریک تحفظ آئین پاکستان کی بالادستی حقوق کے کے تحفظ
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی