ضم اضلاع کے ترقیاتی پیکج کا نام ’روښانه قبائل‘ ہوگا، وزیراعلیٰ سہیل آفریدی
اشاعت کی تاریخ: 7th, January 2026 GMT
وزیراعلیٰ خیبرپختونخوا سہیل آفریدی نے کہا ہے کہ ضم اضلاع کے ترقیاتی پیکج کا نام ’روښانه قبائل‘ ہوگا۔
پشاور میں وزیراعلیٰ خیبرپختونخوا محمد سہیل آفریدی کی زیرِ صدارت اجلاس میں ضم اضلاع کے ترقیاتی پیکج کی تیاری سے متعلق امور پر غور کیا گیا۔
اس موقع پر انہوں نے کہا کہ ضم اضلاع کی معاشی ترقی کے لیے 6 تھیمیٹک ایریاز میں سرمایہ کاری ہوگی، ترقیاتی پیکج کا حجم ایک ہزار ارب روپے ہوگا۔
وزیراعلیٰ کے پی نے کہا کہ ضم اضلاع کے بنیادی ڈھانچے، انسانی وسائل اور روزگار پر سرمایہ کاری ہوگی۔
انہوں نے ترقیاتی پیکج میں قبائل میڈیکل کالج، انسٹیٹیوٹ آف ماڈرن سائنسز اور ڈیجیٹل سیٹیرز بھی شامل کرنے کی ہدایت کی۔
وزیراعلیٰ کا کہنا تھا کہ ضم اضلاع میں ڈی ایچ کیو اور ٹی ایچ کیو اسپتالوں کا قیام بھی پیکج میں لیا جائے، ہر ضم ضلع میں اسپورٹس کمپلیکس اور اسپورٹس گراؤنڈ بنایا جائے۔
سہیل آفریدی نے کہا کہ ضم اضلاع کے اسکولوں اور مراکزِ صحت کی سولرائزیشن کو پیکج میں لیا جائے۔ ضم اضلاع میں یتیم خانے، پناہ گاہیں اور ریسکیو اسٹیشن قائم کیے جائیں۔
ان کا مزید کہنا تھا کہ 1245 پرائمری اسکولوں کا قیام اور ساڑھے 11 ہزار اساتذہ کی بھرتی پیکج میں لی جائے، ضم اضلاع میں اسکولوں کی اپ گریڈیشن اور بحالی کا کام کیا جائے۔
.
ذریعہ
ذریعہ: Daily Mumtaz
کلیدی لفظ: ترقیاتی پیکج سہیل آفریدی کہ ضم اضلاع ضم اضلاع کے پیکج میں نے کہا
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع